ਬੇਰਹਿਮ ਮਾਪੇ, ਚੌਥਾ ਬੇਟਾ ਪੈਦਾ ਹੋਇਆ ਤਾਂ ਝਾੜੀਆਂ ''ਚ ਸੁੱਟਿਆ
01/14/2020 4:25:24 PM
ਸੂਰਤ— ਗੁਜਰਾਤ ਦੇ ਸੂਰਤ 'ਚ ਇਕ ਜੋੜੇ ਨੇ ਬੇਟੇ ਦੇ ਜਨਮ ਲੈਣ ਤੋਂ ਬਾਅਦ ਉਸ ਝਾੜੀਆਂ 'ਚ ਸੁੱਟ ਦਿੱਤਾ। ਫਿਲਹਾਲ ਸ਼ਿਸ਼ੂ ਸਵਸਥ ਹੈ ਅਤੇ ਉਸ ਨੂੰ ਹਾਲੇ ਵੀ ਡਾਕਟਰ ਦੀ ਨਿਗਰਾਨੀ 'ਚ ਰੱਖਿਆ ਗਿਆ ਹੈ। ਸੂਰਤ ਦੇ ਚੌਕ ਬਾਜ਼ਾਰ ਥਾਣਾ ਖੇਤਰ ਦੇ ਅਧੀਨ ਆਉਣ ਵਾਲੇ ਸਿੰਗਣਪੋਰ ਇਲਾਕੇ ਦੀਆਂ ਝਾੜੀਆਂ 'ਚ ਰਾਤ ਨੂੰ ਇਕ ਬੱਚੇ ਦੇ ਰੋਣ ਦੀ ਆਵਾਜ਼ ਸੁਣਾਈ ਦਿੱਤੀ ਤਾਂ ਸਥਾਨਕ ਲੋਕਾਂ ਨੇ ਤੁਰੰਤ ਇਸ ਦੀ ਸੂਚਨਾ ਪੁਲਸ ਅਤੇ 108 ਐਂਬੂਲੈਂਸ ਨੂੰ ਦਿੱਤੀ। ਖਬਰ ਮਿਲਦੇ ਹੀ ਪੁਲਸ ਅਤੇ ਐਂਬੂਲੈਂਸ ਦੀ ਟੀਮ ਮੌਕੇ 'ਤੇ ਪਹੁੰਚ ਗਈ। ਇਸ ਵਿਚ ਜਿਸ ਜਗ੍ਹਾ ਬੱਚੇ ਦੇ ਰੋਣ ਦੀ ਆਵਾਜ਼ ਆ ਰਹੀ ਸੀ, ਉੱਥੇ ਤੱਕ ਜਾਣ ਦੌਰਾਨ ਮੋਬਾਇਲ ਵੀਡੀਓ ਵੀ ਬਣਾਇਆ ਗਿਆ। ਆਖਰ ਜਦੋਂ ਟੀਮ ਮੌਕੇ 'ਤੇ ਪੁੱਜੀ ਤਾਂ ਦੇਖਿਆ ਕਿ ਇਕ ਨਵਜਾਤ ਸ਼ਿਸ਼ੂ ਪਿਆ ਹੋਇਆ ਹੈ।
ਇਸ ਤਰ੍ਹਾਂ ਪਤਾ ਲੱਗਾ ਬੱਚੇ ਦੇ ਮਾਤਾ-ਪਿਤਾ ਦਾ
ਲੋਕਾਂ ਨੂੰ ਦੇਖ ਕੇ ਹੈਰਾਨੀ ਹੋਈ ਹੈ ਇਹ ਸ਼ਿਸ਼ੂ ਕੁੜੀ ਨਹੀਂ ਸਗੋਂ ਮੁੰਡਾ ਹੈ। 108 ਐਂਬੂਲੈਂਸ ਦੀ ਟੀਮ ਨੰਗੀ ਹਾਲਤ 'ਚ ਪਏ ਨਵਜਾਤ ਸ਼ਿਸ਼ੂ ਨੂੰ ਕੱਪੜੇ 'ਚ ਲਪੇਟ ਕੇ ਸੂਰਤ ਦੇ ਸਿਵਲ ਹਸਪਤਾਲ ਲੈ ਕੇ ਪੁੱਜੀ। ਸ਼ਿਸ਼ੂ ਨੂੰ ਹਾਲੇ ਵੀ ਡਾਕਟਰ ਦੀ ਨਿਗਰਾਨੀ 'ਚ ਰੱਖਿਆ ਗਿਆ ਹੈ। ਚੌਕ ਬਾਜ਼ਾਰ ਥਾਣਾ ਪੁਲਸ ਨੇ ਜਦੋਂ ਇਸ ਨਵਜਾਤ ਬਾਰੇ ਜਾਂਚ ਸ਼ੁਰੂ ਕੀਤੀ ਤਾਂ ਪੁਲਸ ਟਰੱਕ ਡਰਾਈਵਰ ਮੰਗੂ ਭਾਈ ਬੰਜਾਰਾ ਅਤੇ ਉਸ ਦੀ ਪਤਨੀ ਗੰਗਾ ਬੇਨ ਕੋਲ ਪੁੱਜੀ ਸੀ। ਪੁਲਸ ਜਾਂਚ 'ਚ ਨਵਜਾਤ ਸ਼ਿਸ਼ੂ ਦੇ ਝਾੜੀਆਂ 'ਚ ਸੁੱਟੇ ਜਾਣ ਦੇ ਰਹੱਸ ਤੋਂ ਪਰਦਾ ਉੱਠ ਗਿਆ।
ਕੁੜੀ ਪੈਦਾ ਨਹੀਂ ਹੋਣ 'ਤੇ ਸੁੱਟਿਆ ਬੇਟਾ
ਮੰਗੂ ਭਾਈ ਬੰਜਾਰਾ ਅਤੇ ਉਸ ਦੀ ਪਤਨੀ ਗੰਗਾ ਨੇ ਪੁਲਸ ਦੇ ਸਾਹਮਣੇ ਸਵੀਕਾਰ ਕਰ ਲਿਆ ਕਿ ਇਹ ਨਵਜਾਤ ਸ਼ਿਸ਼ੂ ਉਨ੍ਹਾਂ ਦੀ ਹੀ ਸੰਤਾਨ ਹੈ। ਬੱਚੇ ਨੂੰ ਝਾੜੀਆਂ 'ਚ ਸੁੱਟਣ ਵਾਲੇ ਜੋੜੇ ਨੇ ਮੰਨਿਆ ਕਿ ਉਨ੍ਹਾਂ ਦੀਆਂ ਪਹਿਲਾਂ ਤੋਂ ਹੀ ਤਿੰਨ ਸੰਤਾਨਾਂ ਹਨ, ਜੋ ਸਾਰੇ ਲੜਕੇ ਹਨ। ਇਸ ਵਾਰ ਉਹ ਕੁੜੀ ਦੇ ਜਨਮ ਦੀ ਆਸ 'ਚ ਸਨ ਪਰ ਬੇਟਾ ਪੈਦਾ ਹੋਇਆ, ਜਿਸ ਨੂੰ ਉਹ ਅਪਣਾਉਣਾ ਨਹੀਂ ਚਾਹੁੰਦੇ ਸਨ ਅਤੇ ਇਸ ਤਰ੍ਹਾਂ ਨਾਲ ਉਸ ਨੂੰ ਮਰਨ ਲਈ ਛੱਡ ਦਿੱਤਾ। ਜੋੜੇ ਵਲੋਂ ਅਪਰਾਧ ਸਵੀਕਾਰ ਕਰਨ ਤੋਂ ਬਾਅਦ ਪੁਲਸ ਨੇ ਨਵਜਾਤ ਸ਼ਿਸ਼ੂ ਦੇ ਪਿਤਾ ਮੰਗੂ ਭਾਈ ਅਤੇ ਉਸ ਦੀ ਮਾਂ ਗੰਗਾ ਬੇਨ ਨੂੰ ਗ੍ਰਿਫਤਾਰ ਕਰ ਕੇ ਜੇਲ ਭੇਜ ਦਿੱਤਾ ਹੈ।
