''ਆਪ੍ਰੇਸ਼ਨ ਕਗਾਰ'' ਨਕਸਲਵਾਦ ਦੇ ਖ਼ਾਤਮੇ ਦੀ ਦਿਸ਼ਾ ''ਚ ਵੱਡਾ ਕਦਮ''

ਰਾਏਪੁਰ- ਜਦ ਸਾਰੀ ਦੁਨੀਆ ਦਾ ਧਿਆਨ 'ਆਪ੍ਰੇਸ਼ਨ ਸਿੰਦੂਰ' ਵੱਲ ਸੀ, ਤਦ ਇਕ ਹੋਰ ਵੱਡੀ ਤੇ ਚੁੱਪਚਾਪ ਚਲਾਈ ਗਈ ਮੁਹਿੰਮ ਨੇ ਅੱਤਵਾਦ ਦੇ ਢਾਂਚੇ ਨੂੰ ਹਿਲਾ ਕੇ ਰੱਖ ਦਿੱਤਾ।  21 ਅਪ੍ਰੈਲ ਨੂੰ  ‘ਆਪ੍ਰੇਸ਼ਨ ਕਾਗਰ’ ਤੇਲੰਗਾਨਾ-ਛੱਤੀਸਗੜ੍ਹ ਦੀ ਸਰਹੱਦੀ ਕਾਰੇਗੁੱਟਲੂ ਪਹਾੜੀ ਇਲਾਕੇ ਦੇ ਆਲੇ-ਦੁਆਲੇ ਸੰਘਣੇ ਜੰਗਲਾਂ ਵਿਚ ਰਹਿਣ ਵਾਲੇ ਮਾਓਵਾਦੀਆਂ ਨੂੰ ਬੇਅਸਰ ਕਰਨ ਲਈ ਸ਼ੁਰੂ ਕੀਤਾ ਗਿਆ ਸੀ। ਇਸ ਨੂੰ ਕਾਗਰ, ਸੰਕਲਪ, ਬਲੈਕ ਫਾਰੈਸਟ, ਜਾਂ ਕਾਰੇਗੁੱਟਲੂ ਵਰਗੇ ਵੱਖ-ਵੱਖ ਨਾਵਾਂ ਨਾਲ ਜਾਣਿਆ ਜਾਂਦਾ ਹੈ। 288 ਵਰਗ ਕਿਲੋਮੀਟਰ ਦੇ ਖੇਤਰ 'ਚ ਫੈਲਿਆ ਹੋਇਆ ਸੀ। ਇਸ 'ਚ ਕੇਂਦਰੀ ਰਿਜ਼ਰਵ ਪੁਲਸ ਫੋਰਸ (CRPF), ਕੋਬਰਾ ਬਟਾਲੀਅਨ, ਛੱਤੀਸਗੜ੍ਹ ਪੁਲਸ ਦੇ ਜ਼ਿਲ੍ਹਾ ਰਿਜ਼ਰਵ ਗਾਰਡ, ਤੇਲੰਗਾਨਾ ਦੇ ਗ੍ਰੇਹਾਊਂਡਜ਼ ਅਤੇ ਹੋਰ ਸਥਾਨਕ ਪੁਲਸ ਕਰਮੀਆਂ ਦੇ 10,000 ਜਵਾਨ ਤਾਇਨਾਤ ਸਨ।

ਖੁਫੀਆ ਜਾਣਕਾਰੀ ਦੇ ਆਧਾਰ 'ਤੇ ਉੱਚ ਨੇਤਾਵਾਂ ਸਮੇਤ ਲੱਗਭਗ 400 ਮਾਓਵਾਦੀਆਂ ਨੇ ਕਾਰੇਗੁੱਟਲੂ 'ਚ ਡੇਰਾ ਲਾਏ ਹੋਏ ਹਨ। 288 ਵਰਗ ਕਿਲੋਮੀਟਰ ਦੇ ਖੇਤਰ ਨੂੰ ਕਵਰ ਕਰਦਿਆਂ  ‘ਆਪ੍ਰੇਸ਼ਨ ਕਾਗਰ’  ਸ਼ੁਰੂ ਕੀਤਾ ਗਿਆ। ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਕਿਹਾ ਕਿ ਇਹ ਹੁਣ ਤੱਕ ਦੀ ਸਭ ਤੋਂ ਵੱਡੀ ਮੁਹਿੰਮ ਸੀ, ਜਿਸ ਦੀ ਨਿਗਰਾਨੀ ਉੱਚ ਅਧਿਕਾਰੀਆਂ ਵਲੋਂ ਕੀਤੀ ਗਈ। ਸੀ. ਆਰ. ਪੀ. ਐੱਫ. ਦੇ ਜਨਰਲ ਡਾਇਰੈਕਟਰ ਜੀ. ਪੀ. ਸਿੰਘ ਨੇ 11 ਮਈ ਨੂੰ ਮੁਹਿੰਮ ਬੰਦ ਹੋਣ ਤੱਕ ਇਲਾਕੇ ਵਿਚ ਡੇਰੇ ਲਾਏ।

21 ਦਿਨ ਚੱਲੇ ਇਸ  ‘ਆਪ੍ਰੇਸ਼ਨ ਕਾਗਰ’ ਦੌਰਾਨ 31 ਮਾਓਵਾਦੀ ਮਾਰੇ ਗਏ, ਜਿਨ੍ਹਾਂ ਵਿਚ 15 ਔਰਤਾਂ ਵੀ ਸ਼ਾਮਲ ਸਨ। 28 ਦੀ ਪਛਾਣ ਹੋ ਗਈ ਹੈ ਅਤੇ ਉਨ੍ਹਾਂ ਦੇ ਸਿਰ ਉੱਤੇ ਰਕਮ ਮਿਲਾ ਕੇ 1.72 ਕਰੋੜ ਰੁਪਏ ਦਾ ਇਨਾਮ ਸੀ। ਇਨ੍ਹਾਂ ਝੜਪਾਂ ਦੌਰਾਨ ਸੁਰੱਖਿਆ ਬਲਾਂ ਨੇ 400 ਤੋਂ ਵੱਧ IED, 818 ਅੰਡਰ-ਬੈਰਲ ਗ੍ਰਨੇਡ ਲਾਂਚਰ, 35 ਰਾਈਫਲਾਂ ਤੇ ਵੱਡੀ ਮਾਤਰਾ ਵਿਚ ਬਲਾਸਟਿੰਗ ਮਾਲ ਖੋਜਿਆ। ਦੇਸ਼ ਦੇ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਇਸ ਨੂੰ ਹੁਣ ਤੱਕ ਦੀ ਸਭ ਤੋਂ ਵੱਡੀ ਮੁਹਿੰਮ ਕਰਾਰ ਦਿੰਦਿਆਂ ਕਿਹਾ ਕਿ ਇਹ ਕਾਰਵਾਈ ਮਾਓਵਾਦੀਆਂ ਲਈ ਇਕ ਵੱਡਾ ਝਟਕਾ ਸਾਬਤ ਹੋਈ ਹੈ। CRPF ਡਾਇਰੈਕਟਰ ਜਨਰਲ ਜੀ.ਪੀ. ਸਿੰਘ ਨੇ ਖੁਦ ਇਲਾਕੇ 'ਚ ਕੈਂਪ ਕਰਕੇ ਕਾਰਵਾਈ ਦੀ ਨਿਗਰਾਨੀ ਕੀਤੀ। ਕਾਰੇਗੁੱਟਲੂ ਜਿੱਥੇ ਕਦੇ ਮਾਓਵਾਦੀਆਂ ਦੀ ਪੱਕੀ ਪਨਾਹ ਸੀ, ਹੁਣ ਉੱਥੇ ਸੁਰੱਖਿਆ ਬਲਾਂ ਦੀ ਪਕੜ ਮਜ਼ਬੂਤ ਹੋ ਚੁੱਕੀ ਹੈ।