ਹੁਣ Amazon ਤੋਂ ਚੀਜ਼ਾਂ ਮਗਵਾਉਣੀਆਂ ਪੈਣਗੀਆਂ ਸਸਤੀਆਂ, ਕੰਪਨੀ ਨੇ ਫੀਸਾਂ ''ਚ ਕੀਤੀ ਕਟੌਤੀ

ਨਵੀਂ ਦਿੱਲੀ (ਭਾਸ਼ਾ) - ਈ-ਕਾਮਰਸ ਕੰਪਨੀ ਐਮਾਜ਼ੋਨ ਇੰਡੀਆ ਨੇ ਸੋਮਵਾਰ ਨੂੰ ਆਪਣੇ ਪਲੇਟਫਾਰਮ 'ਤੇ 300 ਰੁਪਏ ਤੋਂ ਘੱਟ ਕੀਮਤ ਵਾਲੇ 1.2 ਕਰੋੜ ਤੋਂ ਵੱਧ ਉਤਪਾਦਾਂ 'ਤੇ 'ਰੈਫਰਲ' ਫੀਸ ਨਾ ਲੈਣ ਦਾ ਐਲਾਨ ਕੀਤਾ ਹੈ। ਰੈਫਰਲ ਫੀਸ ਇੱਕ ਕਿਸਮ ਦਾ ਕਮਿਸ਼ਨ ਹੈ ਜੋ ਵਿਕਰੇਤਾ ਵੇਚੇ ਗਏ ਹਰੇਕ ਉਤਪਾਦ ਲਈ ਐਮਾਜ਼ੋਨ ਨੂੰ ਅਦਾ ਕਰਦੇ ਹਨ। 

ਇਹ ਵੀ ਪੜ੍ਹੋ :     Google ਨੇ ਹਟਾਏ 331 ਖ਼ਤਰਨਾਕ ਐਪ, ਕੀ ਤੁਹਾਡੇ ਫੋਨ 'ਚ ਹੈ ਇਨ੍ਹਾਂ 'ਚੋਂ ਕੋਈ?

ਕੰਪਨੀ ਦੇ ਬਿਆਨ ਵਿਚ ਕਿਹਾ ਗਿਆ ਹੈ ਕਿ ਇਸ ਕਦਮ ਦਾ ਉਦੇਸ਼ ਛੋਟੇ ਕਾਰੋਬਾਰਾਂ ਨੂੰ ਸਮਰਥਨ ਦੇਣਾ ਅਤੇ ਐਮਾਜ਼ੋਨ 'ਤੇ ਵਿਕਰੇਤਾਵਾਂ ਦੇ ਵਾਧੇ ਨੂੰ ਉਤਸ਼ਾਹਿਤ ਕਰਨਾ ਹੈ।  ਐਮਾਜ਼ੋਨ ਇੰਡੀਆ ਦੇ ਸੇਲਿੰਗ ਪਾਰਟਨਰਜ਼ (ਸਰਵਿਸਿਜ਼) ਡਾਇਰੈਕਟਰ ਅਮਿਤ ਨੰਦਾ ਨੇ ਕਿਹਾ, "ਰੈਫਰਲ ਫੀਸਾਂ ਨੂੰ ਖਤਮ ਕਰਕੇ ਅਤੇ ਲੱਖਾਂ ਉਤਪਾਦਾਂ 'ਤੇ ਸ਼ਿਪਿੰਗ ਲਾਗਤਾਂ ਨੂੰ ਘਟਾ ਕੇ, ਅਸੀਂ Amazon.in 'ਤੇ ਵਿਕਰੀ ਨੂੰ ਵੇਚਣ ਵਾਲਿਆਂ ਲਈ ਵਧੇਰੇ ਆਕਰਸ਼ਕ ਬਣਾ ਰਹੇ ਹਾਂ। ਇਹ ਪਹਿਲਕਦਮੀ ਐਮਾਜ਼ੋਨ 'ਤੇ ਵਿਕਰੇਤਾਵਾਂ ਦੇ ਵਾਧੇ ਦਾ ਸਮਰਥਨ ਕਰਦੀ ਹੈ..." ਨੰਦਾ ਨੇ ਕਿਹਾ, "ਜਿਵੇਂ ਕਿ ਅਸੀਂ ਆਪਣੇ ਕਾਰਜਾਂ ਵਿੱਚ ਕੁਸ਼ਲਤਾ ਪ੍ਰਾਪਤ ਕਰਦੇ ਹਾਂ, ਅਸੀਂ ਇਹ ਯਕੀਨੀ ਬਣਾਉਂਦੇ ਹਾਂ ਕਿ ਇਹ ਲਾਭ ਸਾਡੇ ਵਿਕਰੇਤਾਵਾਂ ਅਤੇ ਗਾਹਕਾਂ ਤੱਕ ਪਹੁੰਚਦੇ ਹਨ।

ਇਹ ਵੀ ਪੜ੍ਹੋ :     ਵਿਭਾਗ ਦੀ ਵੱਡੀ ਕਾਰਵਾਈ : ਮਹਿੰਗੀਆਂ ਬ੍ਰਾਂਡਿਡ ਬੋਤਲਾਂ ’ਚ ਸਸਤੀ ਅਤੇ ਦੇਸੀ ਸ਼ਰਾਬ ਵੇਚਣ ਦੇ ਰੈਕੇਟ ਦਾ ਪਰਦਾਫਾਸ਼

" ਜ਼ੀਰੋ 'ਰੈਫਰਲ' ਫੀਸ 135 ਉਤਪਾਦ ਸ਼੍ਰੇਣੀਆਂ ਜਿਵੇਂ ਕਿ ਲਿਬਾਸ, ਫੁਟਵੀਅਰ, ਫੈਸ਼ਨ ਜਿਊਲਰੀ, ਕਰਿਆਨੇ, ਘਰੇਲੂ ਸਜਾਵਟ, ਰਸੋਈ ਦੇ ਉਤਪਾਦਾਂ ਆਦਿ 'ਤੇ ਲਾਗੂ ਹੋਵੇਗੀ। ਐਮਾਜ਼ੋਨ ਨੇ 'ਈਜ਼ੀ ਸ਼ਿਪ' ਅਤੇ 'ਸੇਲਰ ਫਲੈਕਸ' ਵਰਗੀਆਂ ਬਾਹਰੀ ਪੂਰਤੀ ਸੇਵਾਵਾਂ ਦੀ ਵਰਤੋਂ ਕਰਨ ਵਾਲੇ ਵਿਕਰੇਤਾਵਾਂ ਲਈ ਇੱਕ ਨਵੀਂ 'ਫਲੈਟ' ਦਰ ਵੀ ਪੇਸ਼ ਕੀਤੀ ਹੈ। 

ਬਿਆਨ ਦੇ ਅਨੁਸਾਰ, ਰਾਸ਼ਟਰੀ ਸ਼ਿਪਿੰਗ ਦਰਾਂ ਹੁਣ 77 ਰੁਪਏ ਤੋਂ ਘੱਟ ਕੇ 65 ਰੁਪਏ ਤੋਂ ਸ਼ੁਰੂ ਹੁੰਦੀਆਂ ਹਨ।

ਇਹ ਵੀ ਪੜ੍ਹੋ :     ਖ਼ੁਸ਼ਖ਼ਬਰੀ! DA 'ਚ 3% ਵਾਧੇ ਦਾ ਐਲਾਨ, ਜਾਣੋ ਕਿਹੜੇ ਮੁਲਾਜ਼ਮਾਂ ਨੂੰ ਮਿਲੇਗਾ ਇਸ ਦਾ ਲਾਭ

'ਫਲੈਟ' ਰੇਟ ਸ਼ਿਪਿੰਗ ਇੱਕ ਕੀਮਤ ਮਾਡਲ ਹੈ ਜਿਸ ਵਿੱਚ ਸ਼ਿਪਿੰਗ ਪੈਕੇਜਾਂ ਲਈ ਇੱਕ ਨਿਰਧਾਰਤ ਰੇਂਜ ਦੇ ਅੰਦਰ, ਭਾਰ, ਆਕਾਰ ਜਾਂ ਦੂਰੀ ਦੀ ਪਰਵਾਹ ਕੀਤੇ ਬਿਨਾਂ ਇੱਕ ਨਿਸ਼ਚਤ ਕੀਮਤ ਵਸੂਲ ਕੀਤੀ ਜਾਂਦੀ ਹੈ। 

ਜਦੋਂ ਕਿ 'ਈਜ਼ੀ ਸ਼ਿਪ' ਇਕ ਡਿਲੀਵਰੀ ਚੈਨਲ ਹੈ, ਜਿੱਥੇ ਐਮਾਜ਼ੋਨ ਵਿਕਰੇਤਾਵਾਂ ਦੇ ਸਥਾਨਾਂ ਤੋਂ ਪੈਕੇਜ ਇਕੱਠੇ ਕਰਦਾ ਹੈ ਅਤੇ ਉਨ੍ਹਾਂ ਨੂੰ ਗਾਹਕਾਂ ਤੱਕ ਪਹੁੰਚਾਉਂਦਾ ਹੈ।

 'ਸੇਲਰ ਫਲੈਕਸ' ਦੇ ਹਿੱਸੇ ਵਜੋਂ, ਐਮਾਜ਼ੋਨ ਵਿਕਰੇਤਾਵਾਂ ਦੇ ਵੇਅਰਹਾਊਸ ਦੇ ਇੱਕ ਹਿੱਸੇ ਨੂੰ ਐਮਾਜ਼ੋਨ ਫੁਲਫਿਲਮੈਂਟ ਸੈਂਟਰ ਵਜੋਂ ਰਾਖਵਾਂ ਰੱਖਦਾ ਹੈ। ਇਸ ਤੋਂ ਇਲਾਵਾ, ਐਮਾਜ਼ਨ ਨੇ ਇਕ ਕਿਲੋਗ੍ਰਾਮ ਤੋਂ ਘੱਟ ਵਜ਼ਨ ਵਾਲੇ ਹਲਕੇ ਸਾਮਾਨ 'ਤੇ 'ਹੈਂਡਲਿੰਗ' ਚਾਰਜ ਨੂੰ 17 ਰੁਪਏ ਤੱਕ ਘਟਾ ਦਿੱਤਾ ਹੈ, ਜਿਸ ਨਾਲ ਵਿਕਰੇਤਾਵਾਂ ਦੁਆਰਾ ਅਦਾ ਕੀਤੇ ਜਾਣ ਵਾਲੇ ਖਰਚਿਆਂ ਨੂੰ ਘਟਾ ਦਿੱਤਾ ਗਿਆ ਹੈ। ਕਾਮਣੀ ਨੇ ਦੱਸਿਆ ਕਿ ਇਹ ਸੋਧੇ ਹੋਏ ਖਰਚੇ 7 ਅਪ੍ਰੈਲ ਤੋਂ ਲਾਗੂ ਹੋਣਗੇ। ਐਮਾਜ਼ੋਨ ਦੇ 'ਮਾਰਕੀਟਪਲੇਸ' 'ਤੇ 16 ਲੱਖ ਤੋਂ ਵੱਧ ਸੇਲਰ ਹਨ।

ਇਹ ਵੀ ਪੜ੍ਹੋ :      ਹਲਦੀਰਾਮ ਬ‍ਿਜ਼ਨੈੱਸ ਦੇ ਰਲੇਵੇਂ ਦਾ ਪਲਾਨ ਤਿਆਰ! ਵਿਦੇਸ਼ੀ ਫਰਮ ਨਾਲ ਹੋਈ 84,000 ਕਰੋੜ ਦੀ ਡੀਲ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8