ਹੁਣ ਬਸੰਤ ਪੰਚਮੀ ''ਤੇ ਅੰਮ੍ਰਿਤ ਇਸ਼ਨਾਨ ਕਰਨਗੇ ਅਖਾੜੇ, ਭਾਜੜ ਤੋਂ ਬਾਅਦ ਅਖਾੜਾ ਪ੍ਰੀਸ਼ਦ ਦਾ ਫ਼ੈਸਲਾ

ਪ੍ਰਯਾਗਰਾਜ : ਬੁੱਧਵਾਰ ਤੜਕੇ ਮਹਾਕੁੰਭ ਦੇ ਸੰਗਮ 'ਚ ਭਾਜੜ ਵਰਗੀ ਸਥਿਤੀ ਪੈਦਾ ਹੋ ਗਈ। ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ ਹੈ। ਅੱਜ ਮੌਨੀ ਮੱਸਿਆ ਦੇ ਮੌਕੇ 'ਤੇ ਪਵਿੱਤਰ ਇਸ਼ਨਾਨ ਲਈ ਵੱਡੀ ਗਿਣਤੀ 'ਚ ਸ਼ਰਧਾਲੂ ਇਕੱਠੇ ਹੋਏ ਸਨ। ਮਹਾਕੁੰਭ ਦਾ ਦੂਜਾ ਅੰਮ੍ਰਿਤਪਾਨ ਬੁੱਧਵਾਰ ਨੂੰ ਸੀ ਜੋ ਰੱਦ ਕਰ ਦਿੱਤਾ ਗਿਆ ਹੈ। ਹੁਣ ਅਖਾੜਾ ਬਸੰਤ ਪੰਚਮੀ ਵਾਲੇ ਦਿਨ ਅੰਮ੍ਰਿਤ ਇਸ਼ਨਾਨ ਕਰੇਗਾ।

ਕੁੰਭ ਮੇਲਾ ਅਥਾਰਟੀ ਦੀ ਵਿਸ਼ੇਸ਼ ਕਾਰਜਕਾਰੀ ਅਧਿਕਾਰੀ ਆਕਾਂਕਸ਼ਾ ਰਾਣਾ ਨੇ ਕਿਹਾ, ''ਸੰਗਮ ਮਾਰਗ 'ਤੇ ਕੁਝ ਰੁਕਾਵਟਾਂ ਟੁੱਟਣ ਕਾਰਨ ਭਾਜੜ ਵਰਗੀ ਸਥਿਤੀ ਪੈਦਾ ਹੋ ਗਈ ਸੀ। ਕੁਝ ਲੋਕ ਜ਼ਖਮੀ ਹੋਏ ਹਨ ਅਤੇ ਉਨ੍ਹਾਂ ਨੂੰ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ ਹੈ। ਉਨ੍ਹਾਂ ਦਾ ਇਲਾਜ ਚੱਲ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਸਾਨੂੰ ਅਜੇ ਤੱਕ ਜ਼ਖਮੀਆਂ ਦੀ ਸਹੀ ਗਿਣਤੀ ਦਾ ਪਤਾ ਨਹੀਂ ਹੈ।

ਇਹ ਵੀ ਪੜ੍ਹੋ : ਪੜ੍ਹਾਈ ਲਈ ਨਹੀਂ Facebook-Instagram ਚਲਾਉਣ ਲਈ ਸਮਾਰਟਫੋਨ ਦੀ ਵਰਤੋਂ ਕਰਦੇ ਨੇ ਜ਼ਿਆਦਾਤਰ ਬੱਚੇ

11 ਤੋਂ 17 ਨੰਬਰ ਪੋਲ ਵਿਚਾਲੇ ਹੋਇਆ ਹਾਦਸਾ
ਜ਼ਖ਼ਮੀਆਂ ਨੂੰ ਮੇਲਾ ਖੇਤਰ ਦੇ ਸੈਕਟਰ 2 ਵਿੱਚ ਸਥਾਪਿਤ ਕੇਂਦਰੀ ਹਸਪਤਾਲ ਵਿੱਚ ਦਾਖ਼ਲ ਕਰਵਾਇਆ ਗਿਆ ਹੈ। ਉੱਥੇ ਕਈ ਜ਼ਖਮੀਆਂ ਦੇ ਰਿਸ਼ਤੇਦਾਰ ਵੀ ਪਹੁੰਚ ਗਏ ਹਨ। ਉਥੇ ਕੁਝ ਸੀਨੀਅਰ ਪ੍ਰਸ਼ਾਸਨਿਕ ਅਤੇ ਪੁਲਸ ਅਧਿਕਾਰੀ ਵੀ ਮੌਜੂਦ ਹਨ। ਜਾਣਕਾਰੀ ਅਨੁਸਾਰ ਇਹ ਹਾਦਸਾ ਸੰਗਮ ਤੱਟ 'ਤੇ ਖੰਭਾ ਨੰਬਰ 11 ਤੋਂ 17 ਵਿਚਕਾਰ ਵਾਪਰਿਆ, ਜਿਸ 'ਚ ਕਈ ਲੋਕ ਜ਼ਖਮੀ ਹੋ ਗਏ ਅਤੇ ਕਈ ਆਪਣੇ ਪਰਿਵਾਰਾਂ ਤੋਂ ਵਿਛੜ ਗਏ।

ਅੱਜ ਦਾ ਅੰਮ੍ਰਿਤ ਇਸ਼ਨਾਨ ਰੱਦ
ਅਸਾਮ ਅਤੇ ਮੇਘਾਲਿਆ ਦੇ ਕਈ ਪਰਿਵਾਰਾਂ ਨੇ ਦੱਸਿਆ ਕਿ ਭਾਜੜ ਅਚਾਨਕ ਆਈ। ਕਈ ਲੋਕ ਇਕੱਠੇ ਡਿੱਗ ਗਏ ਜਿਸ ਵਿਚ 30 ਤੋਂ 40 ਦੇ ਕਰੀਬ ਲੋਕ ਜ਼ਖਮੀ ਹੋ ਗਏ। ਹਾਲਾਂਕਿ ਜ਼ਖਮੀਆਂ ਦੀ ਗਿਣਤੀ ਦੀ ਅਜੇ ਪੁਸ਼ਟੀ ਨਹੀਂ ਹੋਈ ਹੈ। ਮਹਾਕੁੰਭ ਦੇ ਸੰਗਮ ਸਥਾਨ 'ਤੇ ਮਚੀ ਭਾਜੜ ਤੋਂ ਬਾਅਦ ਅੱਜ ਦਾ ਅੰਮ੍ਰਿਤ ਇਸ਼ਨਾਨ ਰੱਦ ਕਰ ਦਿੱਤਾ ਗਿਆ ਹੈ। ਅਖਾੜਾ ਪ੍ਰੀਸ਼ਦ ਨੇ ਇਹ ਫੈਸਲਾ ਲਿਆ ਹੈ।

ਇਹ ਵੀ ਪੜ੍ਹੋ : ਯੂਟਿਊਬਰ Elvish Yadav ਦੀਆਂ ਮੁੜ ਵਧੀਆਂ ਮੁਸ਼ਕਲਾਂ, ਗਾਜ਼ੀਆਬਾਦ 'ਚ ਦਰਜ ਹੋਈ FIR

ਹੁਣ ਬਸੰਤ ਪੰਚਮੀ ਨੂੰ ਹੋਵੇਗਾ ਅੰਮ੍ਰਿਤ ਇਸ਼ਨਾਨ 
ਇਸ ਤੋਂ ਪਹਿਲਾਂ ਮੇਲਾ ਪ੍ਰਸ਼ਾਸਨ ਨੇ ਅਖਾੜਾ ਪ੍ਰੀਸ਼ਦ ਦੇ ਪ੍ਰਧਾਨ ਰਵਿੰਦਰਪੁਰੀ ਨੂੰ ਅਖਾੜਿਆਂ ਵਿੱਚ ਅੰਮ੍ਰਿਤ ਇਸ਼ਨਾਨ ਨੂੰ ਫਿਲਹਾਲ ਬੰਦ ਕਰਨ ਦੀ ਅਪੀਲ ਕੀਤੀ ਸੀ, ਜਿਸ ਤੋਂ ਬਾਅਦ ਅੱਜ ਦਾ ਅੰਮ੍ਰਿਤ ਸੰਚਾਰ ਰੱਦ ਕਰ ਦਿੱਤਾ ਗਿਆ। ਅਖਾੜੇ ਇਸ਼ਨਾਨ ਕਰਨ ਲਈ ਸੰਗਮ ਵਿੱਚ ਪਹੁੰਚਣੇ ਸ਼ੁਰੂ ਹੋ ਗਏ ਸਨ ਅਤੇ ਹੁਣ ਵਾਪਸ ਪਰਤ ਆਏ ਹਨ। ਅਖਾੜਾ ਪ੍ਰੀਸ਼ਦ ਨੇ ਐਲਾਨ ਕੀਤਾ ਹੈ ਕਿ ਅਖਾੜਿਆਂ ਦਾ ਅੰਮ੍ਰਿਤਪਾਨ ਹੁਣ ਬਸੰਤ ਪੰਚਮੀ ਨੂੰ ਹੋਵੇਗਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8