ਪਿਛਲੇ 4 ਮਹੀਨਿਆਂ ''ਚ 40 ਲੱਖ ਸਾਲਾਨਾ ਫਾਸਟੈਗ ਪਾਸ ਕੀਤੇ ਗਏ ਜਾਰੀ : ਗਡਕਰੀ

ਨਵੀਂ ਦਿੱਲੀ- ਸੜਕ ਟਰਾਂਸਪੋਰਟ ਅਤੇ ਹਾਈਵੇਅ ਮੰਤਰੀ ਨਿਤਿਨ ਗਡਕਰੀ ਨੇ ਵੀਰਵਾਰ ਨੂੰ ਕਿਹਾ ਕਿ ਸਰਕਾਰ 2026 ਤੱਕ ਦੇਸ਼ ਭਰ ਦੇ ਸਾਰੇ 1,050 ਟੋਲ ਪਲਾਜ਼ਿਆਂ 'ਤੇ ਰੁਕਾਵਟ ਮੁਕਤ ਟੋਲ ਇਕੱਠਾ ਕਰਨ ਦੀ ਵਿਵਸਥਾ ਲਾਗੂ ਕਰੇਗੀ ਅਤੇ ਬੀਤੇ ਅਗਸਤ ਤੋਂ ਚਾਰ ਮਹੀਨਿਆਂ 'ਚ ਲਗਭਗ 40 ਲੱਖ ਸਾਲਾਨਾ ਫਾਸਟੈਗ ਪਾਸ ਜਾਰੀ ਕੀਤੇ ਗਏ ਹਨ। ਲੋਕ ਸਭਾ 'ਚ ਪ੍ਰਸ਼ਨਕਾਲ ਦੌਰਾਨ ਪ੍ਰਸ਼ਨਾਂ ਦਾ ਉੱਤਰ ਦਿੰਦੇ ਹੋਏ ਗਡਕਰੀ ਨੇ ਕਿਹਾ ਕਿ ਸਾਲਾਨਾ ਫਾਸਟੈਗ ਪਾਸ ਨਾਲ ਨਿੱਜੀ ਕਾਰਾਂ ਨੂੰ ਹਰ ਸਾਲ 3,000 ਰੁਪਏ ਜਾਂ ਔਸਤਨ 15 ਰੁਪਏ ਪ੍ਰਤੀ ਟੋਲ ਨਾਲ 200 ਟੋਲ ਪਲਾਜ਼ਾ ਪਾਸ ਕਰਨ ਦੀ ਮਨਜ਼ੂਰੀ ਮਿਲੇਗੀ। 

ਉਨ੍ਹਾਂ ਅਨੁਸਾਰ 200 ਟੋਲ ਪਾਸ ਕਰਨ ਲਈ 15 ਹਜ਼ਾਰ ਰੁਪਏ ਦੀ ਮੌਜੂਦਾ ਲਾਗਤ ਦੀ ਤੁਲਨਾ 'ਚ ਇਹ ਪਾਸ ਕਾਫ਼ੀ ਸਸਤਾ ਹੈ। ਮੰਤਰੀ ਨੇ ਕਿਹਾ,''2026 ਤੱਕ, ਅਸੀਂ ਸਾਰੇ 1,050 ਪਲਾਜ਼ਾ 'ਤੇ ਟੋਲ ਇਕੱਠਾ ਕਰਨ ਲਈ ਆਧੁਨਿਕ ਏਆਈ-ਆਧਾਰਤ ਪ੍ਰਣਾਲੀ ਸਥਾਪਤ ਕਰਨਗੇ, ਜਿਸ 'ਚ 350 ਨਿੱਜੀ ਟੋਲ ਬੂਥ ਅਤੇ 700 ਸਰਕਾਰੀ ਸ਼ਾਮਲ ਹਨ। ਕਾਰਾਂ ਟੋਲ ਪਲਾਜ਼ਿਆਂ 'ਤੇ ਰੁਕੇ ਬਿਨਾਂ ਰਾਜਮਾਰਗਾਂ 'ਤੇ 80 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫ਼ਤਾਰ ਨਾਲ ਚੱਲ ਸਕਦੀਆਂ ਹਨ।''