ਵੈਂਕਟੇਸ਼ਵਰ ਸਵਾਮੀ ਮੰਦਰ ਲਈ 9 ਲੋਕਾਂ ਦੇ ਸਮੂਹ ਨੇ ਦਾਨ ਕੀਤੇ 5 ਕਰੋੜ ਰੁਪਏ, ਜਾਣੋ ਕਿੱਥੇ ਕੀਤੇ ਜਾਣਗੇ ਖ਼ਰਚ

ਚੇਨਈ- ਤਾਮਿਲਨਾਡੂ 'ਚ 9 ਲੋਕਾਂ ਦੇ ਇਕ ਸਮੂਹ ਨੇ ਚੇਨਈ ਸਥਿਤ ਸ਼੍ਰੀ ਵੈਂਕਟੇਸ਼ਵਰ ਸਵਾਮੀ ਮੰਦਰ ਦੇ ਵਿਸਥਾਰ ਲਈ ਜ਼ਮੀਨ ਖਰੀਦਣ ਲਈ ਤਿਰੂਮਲਾ ਤਿਰੂਪਤੀ ਦੇਵਸਥਾਨਮ (TTD) ਨੂੰ 5 ਕਰੋੜ ਰੁਪਏ ਦਾ ਦਾਨ ਦਿੱਤਾ। ਤਾਮਿਲਨਾਡੂ ਸੂਬੇ (TTD) ਦੀ ਸਥਾਨਕ ਸਲਾਹਕਾਰ ਕਮੇਟੀ (LAC) ਦੇ ਪ੍ਰਧਾਨ ਸ਼ੇਖਰ ਰੈੱਡੀ ਦੀ ਅਗਵਾਈ 'ਚ ਦਾਨਕਰਤਾਵਾਂ ਦੇ ਵਫ਼ਦ ਨੇ ਅੰਨਮਈਆ ਭਵਨ 'ਚ ਮੰਦਰ ਬਾਡੀਜ਼ ਦੇ ਪ੍ਰਧਾਨ ਵਾਈ. ਵੀ ਸੁੱਬਾ ਰੈੱਡੀ ਨੂੰ ਮੰਗ ਡਰਾਫਟ ਸੌਂਪਿਆ। 

TTD ਨੇ ਇਕ ਪ੍ਰੈੱਸ ਜਾਣਕਾਰੀ ਵਿਚ ਕਿਹਾ ਕਿ ਇਹ ਰਾਸ਼ੀ ਚੇਨਈ ਦੇ ਸ਼੍ਰੀ ਵੈਂਕਟੇਸ਼ਵਰ ਸਵਾਮੀ ਮੰਦਰ ਦੇ ਵਿਸਥਾਰ ਲਈ ਜ਼ਮੀਨ ਦੀ ਪ੍ਰਸਤਾਵਿਤ ਖਰੀਦ 'ਚ ਯੋਗਦਾਨ ਦੇਣ ਲਈ ਦਿੱਤੀ ਗਈ ਹੈ। ਸਥਾਨਕ ਸਲਾਹਕਾਰ ਕਮੇਟੀ ਨੇ ਮੰਦਰ ਦੇ ਵਿਸਥਾਰ ਲਈ ਉਸ ਨਾਲ ਲੱਗਦੀ 35 ਕਰੋੜ ਦੀ ਜ਼ਮੀਨ ਨੂੰ ਨਿਸ਼ਾਨਬੱਧ ਕੀਤਾ ਹੈ। ਇਸ ਜ਼ਮੀਨ ਨੂੰ ਖਰੀਦਣ ਲਈ ਕੁਝ ਹੋਰ ਲੋਕ ਪਹਿਲਾਂ ਹੀ 8 ਕਰੋੜ ਰੁਪਏ ਤੋਂ ਵੱਧ ਰਾਸ਼ੀ ਦਾਨ ਦੇ ਚੁੱਕੇ ਹਨ। 

ਭਗਵਾਨ ਵੈਂਕਟੇਸ਼ਵਰ ਜਾਂ ਬਾਲਾਜੀ ਨੂੰ ਭਗਵਾਨ ਵਿਸ਼ਨੂੰ ਦਾ ਅਵਤਾਰ ਮੰਨਿਆ ਜਾਂਦਾ ਹੈ। ਮੰਨਿਆ ਜਾਂਦਾ ਹੈ ਕਿ ਭਗਵਾਨ ਵਿਸ਼ਨੂੰ ਨੇ ਸਵਾਮੀ ਪੁਸ਼ਕਰਨੀ ਨਾਮਕ ਤਾਲਾਬ ਦੇ ਕੰਢੇ ਕੁਝ ਸਮੇਂ ਲਈ ਨਿਵਾਸ ਕੀਤਾ ਸੀ। ਇਹ ਤਾਲਾਬ ਤਿਰੂਮਲਾ ਦੇ ਨੇੜੇ ਸਥਿਤ ਹੈ। ਤਿਰੂਪਤੀ ਦੇ ਆਲੇ-ਦੁਆਲੇ ਦੀਆਂ ਪਹਾੜੀਆਂ ਨੂੰ ਸਪਤਗਿਰੀ ਕਿਹਾ ਜਾਂਦਾ ਹੈ, ਜੋ ਸ਼ੇਸ਼ਨਾਗ ਦੀਆਂ 7 ਫਨਾਂ ਦੇ ਆਧਾਰ 'ਤੇ ਬਣਾਈਆਂ ਗਈਆਂ ਹਨ। ਸ਼੍ਰੀ ਵੈਂਕਟੇਸ਼ਵਰਈਆ ਦਾ ਇਹ ਮੰਦਰ ਸਪਤਗਿਰੀ ਦੀ 7ਵੀਂ ਪਹਾੜੀ 'ਤੇ ਸਥਿਤ ਹੈ, ਜੋ ਕਿ ਨਾਮ ਨਾਲ ਮਸ਼ਹੂਰ ਹੈ।