ਨਿਊਜ਼ੀਲੈਂਡ ਚਰਚ ਹਮਲਾ: ਕੋਚੀ ਪਹੁੰਚੀ ਭਾਰਤੀ ਵਿਦਿਆਰਥਣ ਦੀ ਲਾਸ਼

ਕੋਚੀ— ਨਿਊਜ਼ੀਲੈਂਡ ਦੇ ਕ੍ਰਾਈਸਟਚਰਚ ਦੀਆਂ 2 ਮਸਜਿਦਾਂ 'ਚ ਲਗਭਗ 15 ਮਾਰਚ ਨੂੰ ਬੰਦੂਕਧਾਰੀ ਨੇ ਅੰਨ੍ਹੇਵਾਹ ਗੋਲੀਆਂ ਚਲਾ ਕੇ ਨਮਾਜ ਪੜ੍ਹ ਰਹੇ ਲੋਕਾਂ ਦਾ ਕਤਲ ਕਰ ਦਿੱਤਾ ਸੀ। ਇਸ ਹਮਲੇ 'ਚ 7 ਭਾਰਤੀਆਂ ਦੀ ਮੌਤ ਹੋ ਗਈ ਸੀ। ਇਸ 'ਚ ਇਕ ਭਾਰਤੀ ਕੋਚੀ ਦੀ ਰਹਿਣ ਵਾਲੀ ਸੀ, ਜਿਸ ਦੀ ਲਾਸ਼ ਅੱਜ ਯਾਨੀ ਸੋਮਵਾਰ ਨੂੰ ਉਸ ਦੇ ਘਰ ਪਹੁੰਚ ਗਈ ਹੈ। ਉਸ ਦੇ ਰਿਸ਼ਤੇਦਾਰਾਂ ਨੇ ਉਸ ਨੂੰ ਯਾਦ ਕਰਦੇ ਹੋਏ ਦੱਸਿਆ ਕਿ ਉਹ ਆਪਣੀ ਪੜ੍ਹਾਈ ਨੂੰ ਲੈ ਕੇ ਸਮਰਪਿਤ ਸੀ। ਇਸ ਵਿਦਿਆਰਥਣ ਦਾ ਨਾਂ ਅਨਸੀ ਅਲੀਬਾਵਾ ਹੈ। ਉਸ ਦੀ ਉਮਰ 25 ਸਾਲ ਹੈ। ਉਹ ਉਨ੍ਹਾਂ 5 ਪਹਿਲੇ ਭਾਰਤੀਆਂ 'ਚੋਂ ਇਕ ਸੀ, ਜਿਨ੍ਹਾਂ ਨੂੰ ਸ਼ਵੇਤ ਚਰਮਪੰਥੀ ਨੇ ਆਪਣੀਆਂ ਗੋਲੀਆਂ ਦਾ ਨਿਸ਼ਾਨਾ ਬਣਾਇਆ ਸੀ। ਉਸ ਦੀ ਲਾਸ਼ ਸੋਮਵਾਰ ਨੂੰ ਕੋਚੀ ਹਵਾਈ ਅੱਡੇ 'ਤੇ ਪਹੁੰਚੀ। ਪਰਿਵਾਰ ਵਿਦਿਆਰਥਣ ਦਾ ਅੰਤਿਮ ਸੰਸਕਾਰ ਕੋਲ ਦੇ ਗ੍ਰਹਿਨਗਰ ਕੋਡੁਨਗਲੂਰ 'ਚ ਕਰੇਗਾ। ਅਲੀਬਾਵਾ ਅਲ ਨੂਰ ਮਸਜਿਦ 'ਚ ਆਪਣੇ ਪਤੀ ਅਬਦੁੱਲ ਨਜੇਰ ਮੌਜੂਦ ਸੀ। ਉਦੋਂ ਆਸਟ੍ਰੇਲੀਅਨ ਬੰਦੂਕਧਾਰੀ ਉੱਥੇ ਪਹੁੰਚਿਆ ਅਤੇ ਲੋਕਾਂ 'ਤੇ ਗੋਲੀਆਂ ਚਲਾਉਣ ਲੱਗਾ। ਕੁਝ ਪਰਿਵਾਰਾਂ ਨੇ ਕ੍ਰਾਈਸਟਚਰਚ 'ਚ ਹੀ ਆਪਣੇ ਰਿਸ਼ਤੇਦਾਰਾਂ ਨੂੰ ਦਫਨਾ ਦਿੱਤਾ ਹੈ। ਨਿਊਜ਼ੀਲੈਂਡ 'ਚ ਸ਼ੁੱਕਰਵਾਰ ਨੂੰ ਪੀੜਤਾਂ ਲਈ ਰਾਸ਼ਟਰੀ ਸਮਰਿਤੀ ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਜਾਵੇਗਾ।ਪੜ੍ਹਾਈ ਲਈ ਹਜ਼ਾਰਾਂ ਡਾਲਰ ਦਾ ਲਿਆ ਸੀ ਕਰਜ਼
ਕੋਡੁਨਗਲੂਰ ਦੇ ਇਕ ਮੱਧਮ-ਵਰਗੀ ਪਰਿਵਾਰ 'ਚ ਜਨਮੀ ਅਲੀਬਾਵਾ ਨੇ ਆਪਣੇ ਪਰਿਵਾਰ ਦੀ ਮਦਦ ਕਰਨੀ 5 ਸਾਲ ਪਹਿਲਾਂ ਸ਼ੁਰੂ ਕਰ ਦਿੱਤੀ ਸੀ, ਕਿਉਂਕਿ ਉਸ ਦੇ ਪਿਤਾ ਦੀ ਸਾਊਦੀ ਅਰਬ 'ਚ ਮੌਤ ਹੋ ਗਈ ਸੀ। ਉਸ ਨੇ ਆਪਣੀ ਪੜ੍ਹਾਈ ਲਈ ਕਈ ਹਜ਼ਾਰਾਂ ਡਾਲਰ ਦਾ ਕਰਜ਼ ਲੈ ਰੱਖਿਆ ਸੀ। ਉਹ ਕ੍ਰਾਈਸਟਚਰਚ ਦੀ ਲਿੰਕਨ ਯੂਨੀਵਰਸਿਟੀ ਤੋਂ ਬਿਜ਼ਨੈੱਸ ਐਗਰੀਕਲਚਰ ਦੀ ਪੜ੍ਹਾਈ ਕਰ ਰਹੀ ਸੀ।ਦਸੰਬਰ 'ਚ ਆਉਣਾ ਸੀ ਘਰ 
ਅਲੀਬਾਵਾ ਦੇ ਕਜਿਨ ਪੀ.ਐੱਸ. ਨਿਆਸ ਨੇ ਕਿਹਾ,''ਪੜ੍ਹਾਈ ਦੇ ਪ੍ਰਤੀ ਸਮਰਪਿਤ ਵਿਦਿਆਰਥਣ ਜਲਦ ਹੀ ਆਪਣੀ ਪੜ੍ਹਾਈ ਪੂਰੀ ਕਰਨ ਵਾਲੀ ਸੀ। ਉਹ ਪਿਛਲੇ ਸਾਲ ਉੱਥੇ ਗਈ ਸੀ। ਉਸ ਦਾ ਕੋਰਸ ਅਪ੍ਰੈਲ 'ਚ ਖਤਮ ਹੋਣ ਵਾਲਾ ਸੀ। ਇਸ ਤੋਂ ਬਾਅਦ ਉਸ ਦੀ 6 ਮਹੀਨੇ ਦੀ ਟਰੇਨਿੰਗ ਸੀ ਅਤੇ ਉਹ ਦਸੰਬਰ 'ਚ ਘਰ ਵਾਪਸ ਆਉਣ ਵਾਲੀ ਸੀ।'' 2 ਸਾਲ ਪਹਿਲਾਂ ਹੋਇਆ ਸੀ ਵਿਆਹ
ਅਲੀਬਾਵਾ ਨਜੇਰ ਨਾਲ ਸੁਪਰਮਾਰਕੀਟ 'ਚ ਪਾਰਟ ਟਾਈਮ ਕੰਮ ਕਰਦੀ ਸੀ। ਦੋਹਾਂ ਦਾ 2 ਸਾਲ ਪਹਿਲਾਂ ਵਿਆਹ ਹੋਇਆ ਸੀ। 15 ਮਾਰਚ ਨੂੰ ਉਹ ਅਲ-ਨੂਰ ਮਸਜਿਦ 'ਚ ਔਰਤ ਅਤੇ ਪੁਰਸ਼ਾਂ ਲਈ ਬਣੇ ਵੱਖ ਵਰਗਾਂ 'ਚ ਬੈਠੀ ਸੀ। ਉਦੋਂ ਉੱਥੇ ਬੰਦੂਕਧਾਰੀ ਪਹੁੰਚ ਗਿਆ। ਨਜੇਰ ਐਮਰਜੈਂਸੀ ਦਰਵਾਜ਼ੇ ਰਾਹੀਂ ਦੌੜਨ 'ਚ ਸਫ਼ਲ ਰਿਹਾ ਪਰ ਅਨਸੀ ਅਜਿਹਾ ਨਹੀਂ ਕਰ ਸਕੀ ਅਤੇ ਉਸ ਦੀ ਮੌਤ ਹੋ ਗਈ।