GDP ਵਾਧੇ ’ਤੇ ਉੱਠੇ ਸਵਾਲਾਂ ਨੂੰ ਨੀਲਕੰਠ ਮਿਸ਼ਰਾ ਨੇ ਦੱਸਿਆ ‘ਪੂਰੀ ਤਰ੍ਹਾਂ ਗਲਤ’

ਬਿਜ਼ਨੈੱਸ ਡੈਸਕ - ਵਿਸ਼ਵ ਬੈਂਕ ਦੇ ਕਾਰਜਕਾਰੀ ਡਾਇਰੈਕਟਰ ਨੀਲਕੰਠ ਮਿਸ਼ਰਾ ਨੇ ਚਾਲੂ ਵਿੱਤੀ ਸਾਲ ਦੀ ਪਹਿਲੀ ਤਿਮਾਹੀ ’ਚ ਭਾਰਤ ਦੀ ਆਰਥਿਕ ਵਾਧਾ ਦਰ ਨੂੰ ਲੈ ਕੇ ਕੀਤੇ ਜਾ ਰਹੇ ਦਾਅਵਿਆਂ ਨੂੰ ‘ਅਧੂਰੀ ਜਾਣਕਾਰੀ’ ’ਤੇ ਅਾਧਾਰਿਤ ਅਤੇ ‘ਪੂਰੀ ਤਰ੍ਹਾਂ ਗਲਤ’ ਦੱਸਿਆ ਹੈ। ਉਨ੍ਹਾਂ ਕਿਹਾ ਕਿ ਅਪ੍ਰੈਲ-ਜੂਨ ਤਿਮਾਹੀ ’ਚ ਅਸਲ ਆਰਥਿਕ ਵਾਧਾ 7.8 ਫੀਸਦੀ ਰਿਹਾ ਹੈ ਅਤੇ ਇਸ ਨੂੰ ਸਿਰਫ 2.6 ਫੀਸਦੀ ਦੱਸਣਾ ਤੱਥਾਂ ਦੇ ਉਲਟ ਹੈ।

ਇਹ ਵੀ ਪੜ੍ਹੋ :  ਮਹਿੰਗਾਈ ਦੇ 6 ਝਟਕਿਆਂ ਨਾਲ ਹੋਈ ਸਤੰਬਰ ਮਹੀਨੇ ਦੀ ਸ਼ੁਰੂਆਤ, ਕਈ ਨਿਯਮਾਂ 'ਚ ਵੀ ਹੋ ਗਏ ਬਦਲਾਅ

ਮਿਸ਼ਰਾ ਨੇ ਸੋਸ਼ਲ ਮੀਡੀਆ ਮੰਚ ‘ਐਕਸ’ ’ਤੇ ਕਿਹਾ ਕਿ ਫਰਵਰੀ 2026 ’ਚ ਪੇਸ਼ ਕੀਤੀ ਜੀ. ਡੀ. ਪੀ. ਦੀ ਨਵੀਂ ਲੜੀ ’ਚ ਅੰਕੜਿਆਂ ਨੂੰ ਦਰੁਸਤ ਕਰਨ ਦੇ ਨਾਲ ਵਿਧੀ ’ਚ ਵੀ ਮਹੱਤਵਪੂਰਨ ਸੁਧਾਰ ਕੀਤੇ ਗਏ ਸਨ। ਉਨ੍ਹਾਂ ਕਿਹਾ ਕਿ ਅਾਧਾਰ ਸਾਲ ’ਚ ਹੇਠਲੇ ਪੱਧਰ ’ਤੇ ਕੀਤੀ ਸੋਧ ਮਾਰਚ ’ਚ ਹੀ ਪਤਾ ਸੀ ਅਤੇ ਨਵੀਂ ਲੜੀ ਨਾਲ ਅਸਲ ਉਤਪਾਦਨ ਦੇ ਅੰਦਾਜ਼ਿਆਂ ਦੀ ਭਰੋਸੇਯੋਗਤਾ ਵਧੀ ਹੈ।

ਇਹ ਵੀ ਪੜ੍ਹੋ : ਨੇਪਾਲ 'ਚ ਹੜ੍ਹ ਦੇ ਪਾਣੀ ਨਾਲ ਰੁੜ੍ਹ ਕੇ ਆਇਆ ਬੈਂਕ ਦਾ ਨੋਟਾਂ ਨਾਲ ਭਰਿਆ ਟਰੰਕ, ਲੋਕਾਂ ਨੇ ਲੁੱਟੇ ਬੰਡਲ

ਆਰਥਿਕ ਵਾਧੇ ਦੇ ਸੰਕੇਤਕ ਮਜ਼ਬੂਤ

ਮਿਸ਼ਰਾ ਨੇ ਕਿਹਾ ਕਿ ਮਾਲੀਆ ਦਬਾਅ ਘੱਟ ਹੋਣ ਅਤੇ ਕਰਜ਼ਾ ਵਾਧੇ ’ਚ ਤੇਜ਼ੀ ਆਉਣ ਨਾਲ ਆਰਥਿਕ ਵਾਧਾ ਉਮੀਦ ਨਾਲੋਂ ਬਿਹਤਰ ਰਿਹਾ ਹੈ। ਉਨ੍ਹਾਂ ਅਨੁਸਾਰ ਮਾਲੀਆ ਅਤੇ ਕਰੰਸੀ ਨੀਤੀ ਨਿਰਪੱਖ ਰਹਿਣ ’ਤੇ ਵੀ ਅਰਥਵਿਵਸਥਾ ਲੱਗਭਗ 7.5 ਫੀਸਦੀ ਦਾ ਵਾਧਾ ਦਰਜ ਕਰ ਸਕਦੀ ਹੈ।

ਇਹ ਵੀ ਪੜ੍ਹੋ :  ਵੱਡੀ ਖ਼ਬਰ! PNB ਬੈਂਕ 'ਚੋਂ ਮਿਲੇ 17 ਕਰੋੜ ਦੇ ਨਕਲੀ ਨੋਟ, ਅਧਿਕਾਰੀਆਂ ਦੇ ਉੱਡੇ ਹੋਸ਼

ਉਨ੍ਹਾਂ ਕਿਹਾ ਕਿ ਅਪ੍ਰੈਲ-ਜੂਨ ਤਿਮਾਹੀ ’ਚ ਆਰਥਿਕ ਗਤੀਵਿਧੀਆਂ ਮਜ਼ਬੂਤ ਰਹੀਆਂ। ਅਗਸਤ ’ਚ ਨਿੱਜੀ ਵਾਹਨਾਂ ਦੀ ਸਪਲਾਈ ਸਾਲਾਨਾ ਅਾਧਾਰ ’ਤੇ 35 ਫੀਸਦੀ ਵਧੀ, ਜਦੋਂਕਿ ਬਰਾਮਦ ’ਚ 9 ਫੀਸਦੀ ਦਾ ਵਾਧਾ ਹੋਇਆ।

ਇਹ ਵੀ ਪੜ੍ਹੋ : ਸਤੰਬਰ 'ਚ 14 ਦਿਨਾਂ ਲਈ ਬੰਦ ਰਹਿਣਗੀਆਂ ਬੈਂਕ ਸ਼ਾਖਾਵਾਂ; ਜਾਣੋ ਛੁੱਟੀਆਂ ਦੀ ਪੂਰੀ ਸੂਚੀ

ਅਸਲ ਮਜ਼ਦੂਰੀ ਚਿੰਤਾ ਦਾ ਵਿਸ਼ਾ

ਹਾਲਾਂਕਿ ਮਿਸ਼ਰਾ ਨੇ ਅਰਥਵਿਵਸਥਾ ’ਚ ਕੁਝ ਸੁਸਤੀ ਬਣੀ ਰਹਿਣ ਦੀ ਗੱਲ ਕਹੀ। ਉਨ੍ਹਾਂ ਕਿਹਾ ਕਿ ਅਸਲ ਮਜ਼ਦੂਰੀ ਦਾ ਕਮਜ਼ੋਰ ਵਾਧਾ ਇਸ ਦਾ ਸੰਕੇਤ ਹੈ। ਇਸ ਨੂੰ ਦੂਰ ਕਰਨ ਅਤੇ ਮਹਿੰਗਾਈ ਦੇ ਦਬਾਅ ਨੂੰ ਮੁੜ ਵਧਣ ਤੋਂ ਰੋਕਣ ਲਈ ਅਰਥਵਿਵਸਥਾ ਨੂੰ ਕਈ ਤਿਮਾਹੀਆਂ ਤੱਕ ਆਮ ਨਾਲੋਂ ਵੱਧ ਤੇਜ਼ ਵਾਧਾ ਦਰਜ ਕਰਨਾ ਪੈ ਸਕਦਾ ਹੈ।

ਇਹ ਵੀ ਪੜ੍ਹੋ : ਅਸਮਾਨੀਂ ਚੜ੍ਹੇ ਖੰਡ ਦੇ ਭਾਅ, ਸ਼ੂਗਰ ਮਿੱਲਜ਼ ਫੈੱਡਰੇਸ਼ਨ ਦਾ ਆ ਗਿਆ ਵੱਡਾ ਬਿਆਨ

ਇਹ ਵੀ ਪੜ੍ਹੋ : Canara Bank ਨੇ ਬਦਲੇ ATM ਦੇ ਨਿਯਮ, ਨਕਦੀ ਕਢਵਾਉਣਾ ਹੋਇਆ ਮਹਿੰਗਾ, ਜਾਣੋ ਨਵੇਂ ਚਾਰਜ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt