ਮਾਰਚ ਦੀ ਪੈਨਸ਼ਨ ਨਾਲ 2000 ਰੁਪਏ ਦਾ ''ਸਪੈਸ਼ਲ ਬੋਨਸ''! ਇਸ ਸੂਬੇ ਦੀ ਸਰਕਾਰ ਨੇ ਦਿੱਤਾ ਵੱਡਾ ਤੋਹਫ਼ਾ

ਚੇਨਈ- ਤਮਿਲਨਾਡੂ ਦੀ ਐੱਮ.ਕੇ. ਸਟਾਲਿਨ ਸਰਕਾਰ ਨੇ ਸੂਬੇ ਦੇ ਕਮਜ਼ੋਰ ਵਰਗਾਂ ਲਈ ਵੱਡਾ ਐਲਾਨ ਕਰਦਿਆਂ ਵਿੱਤੀ ਸਹਾਇਤਾ ਜਾਰੀ ਕੀਤੀ ਹੈ। ਮੁੱਖ ਮੰਤਰੀ ਐੱਮ.ਕੇ. ਸਟਾਲਿਨ ਨੇ ਜਾਣਕਾਰੀ ਦਿੱਤੀ ਕਿ ਸਰਕਾਰ ਨੇ 'ਕਲੈਗਨਾਰ ਮਗਲਿਰ ਉਰੀਮਾਈ ਥਿੱਟਮ' (KMUT) ਸਕੀਮ ਦਾ ਵਿਸਥਾਰ ਕਰਦਿਆਂ ਔਰਤਾਂ ਦੇ ਨਾਲ-ਨਾਲ ਬਜ਼ੁਰਗਾਂ, ਵਿਧਵਾਵਾਂ ਅਤੇ ਹੋਰ ਲੋੜਵੰਦ ਵਰਗਾਂ ਦੇ ਖਾਤਿਆਂ 'ਚ 2,000 ਰੁਪਏ ਦੀ ਵਿਸ਼ੇਸ਼ ਰਾਹਤ ਰਾਸ਼ੀ ਕ੍ਰੈਡਿਟ ਕਰ ਦਿੱਤੀ ਹੈ।

ਪੈਨਸ਼ਨ ਦੇ ਨਾਲ ਸਪੈਸ਼ਲ ਬੋਨਸ

ਮੁੱਖ ਮੰਤਰੀ ਸਟਾਲਿਨ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ 'X' 'ਤੇ ਜਾਣਕਾਰੀ ਦਿੱਤੀ ਕਿ ਇਹ ਵਿਸ਼ੇਸ਼ ਸਹਾਇਤਾ (ਸਪੈਸ਼ਲ ਬੋਨਸ) ਮਾਰਚ ਮਹੀਨੇ ਦੀ ਪੈਨਸ਼ਨ ਦੇ ਨਾਲ ਭੇਜੀ ਗਈ ਹੈ। 

ਕਿਸ ਨੂੰ ਕਿੰਨੀ ਮਿਲੀ ਮਦਦ?

ਬਜ਼ੁਰਗ ਤੇ ਵਿਧਵਾਵਾਂ: 29.29 ਲੱਖ ਲਾਭਪਾਤਰੀਆਂ ਨੂੰ 3,200 ਰੁਪਏ ਪ੍ਰਤੀ ਮੈਂਬਰ (ਪੈਨਸ਼ਨ ਸਮੇਤ) ਦਿੱਤੇ ਗਏ।
ਦਿਵਿਆਂਗ (Persons with Disabilities): 5.92 ਲੱਖ ਵਿਅਕਤੀਆਂ ਨੂੰ 3,500 ਰੁਪਏ ਪ੍ਰਤੀ ਮੈਂਬਰ ਦਿੱਤੇ ਗਏ।
ਗੰਭੀਰ ਦਿਵਿਆਂਗ (ਕੇਅਰ-ਗਿਵਰ ਸਹਾਇਤਾ): 2.58 ਲੱਖ ਪਰਿਵਾਰਾਂ ਨੂੰ 4,000 ਰੁਪਏ ਦੀ ਸਹਾਇਤਾ ਮਿਲੀ।

ਮਛੇਰਿਆਂ ਅਤੇ ਚਾਹ ਕਿਸਾਨਾਂ ਲਈ ਵੀ ਵੱਡੇ ਐਲਾਨ 

ਸਰਕਾਰ ਨੇ ਮੱਛੀ ਫੜਨ 'ਤੇ ਲੱਗੀ ਪਾਬੰਦੀ (ਅਪ੍ਰੈਲ ਤੋਂ ਜੂਨ) ਦੇ ਮੱਦੇਨਜ਼ਰ 1,62,900 ਮਛੇਰਾ ਪਰਿਵਾਰਾਂ ਨੂੰ 8,000 ਰੁਪਏ ਪ੍ਰਤੀ ਪਰਿਵਾਰ ਸਹਾਇਤਾ ਦੇਣ ਦਾ ਐਲਾਨ ਕੀਤਾ ਹੈ। ਇਸ ਤੋਂ ਇਲਾਵਾ, ਨੀਲਗਿਰੀ ਜ਼ਿਲ੍ਹੇ ਦੇ 14,870 ਚਾਹ ਉਤਪਾਦਕ ਕਿਸਾਨਾਂ ਲਈ 8.53 ਕਰੋੜ ਰੁਪਏ ਦੀ ਫੰਡਿੰਗ ਜਾਰੀ ਕੀਤੀ ਗਈ ਹੈ, ਜਿਸ ਤਹਿਤ ਸਹਿਕਾਰੀ ਫੈਕਟਰੀਆਂ ਰਾਹੀਂ ਖਰੀਦੀ ਗਈ ਹਰੀ ਚਾਹ ਲਈ 2 ਰੁਪਏ ਪ੍ਰਤੀ ਕਿਲੋ ਦਾ ਬੇਸ ਪ੍ਰਾਈਸ ਦਿੱਤਾ ਜਾਵੇਗਾ। ਮੁੱਖ ਮੰਤਰੀ ਸਟਾਲਿਨ ਨੇ ਕਿਹਾ ਕਿ ਤਮਿਲਨਾਡੂ ਦੇ ਵਿਕਾਸ ਦੇ ਸਫ਼ਰ 'ਚ ਕਿਸੇ ਵੀ ਵਰਗ ਨੂੰ ਪਿੱਛੇ ਨਹੀਂ ਛੱਡਿਆ ਜਾਵੇਗਾ। ਜ਼ਿਕਰਯੋਗ ਹੈ ਕਿ ਇਹ ਐਲਾਨ ਸੂਬੇ 'ਚ ਹੋਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਕੀਤੇ ਗਏ ਹਨ, ਜਿੱਥੇ DMK ਦੀ ਅਗਵਾਈ ਵਾਲਾ ਗਠਜੋੜ ਮੁੜ ਸੱਤਾ 'ਤੇ ਕਾਬਜ਼ ਹੋਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e