NEET UG ਦੇ ਲੱਖਾਂ ਵਿਦਿਆਰਥੀਆਂ ਨੂੰ ਵੱਡੀ ਰਾਹਤ, ਰੀ-ਐਗਜ਼ਾਮ ਤੋਂ ਪਹਿਲਾਂ NTA ਨੇ ਦਿੱਤਾ ਵੱਡਾ ਤੋਹਫ਼ਾ

ਲੁਧਿਆਣਾ (ਵਿੱਕੀ) : ਨੈਸ਼ਨਲ ਟੈਸਟਿੰਗ ਏਜੰਸੀ (ਐੱਨ. ਟੀ. ਏ.) ਨੇ ਨੀਟ ਯੂ. ਜੀ. 2026 ਦੀ ਦੁਬਾਰਾ ਪ੍ਰੀਖਿਆ ਦੀ ਤਾਰੀਖ਼ ਐਲਾਨ ਕਰਨ ਤੋਂ ਬਾਅਦ ਹੁਣ ਦੇਸ਼ ਭਰ ਦੇ ਲੱਖਾਂ ਵਿਦਿਆਰਥੀਆਂ ਨੂੰ ਇਕ ਹੋਰ ਵੱਡੀ ਸਹੂਲਤ ਦਿੱਤੀ ਹੈ। ਪੇਪਰ ਲੀਕ ਤੇ ਪ੍ਰੀਖਿਆ 'ਚ ਗੜਬੜੀ ਦੇ ਦੋਸ਼ਾਂ ਤੋਂ ਬਾਅਦ ਆਗਾਮੀ 21 ਜੂਨ ਨੂੰ ਹੋਣ ਜਾ ਰਹੀ ਰੀ-ਐਗਜ਼ਾਮ ਨੂੰ ਲੈ ਕੇ ਵਿਦਿਆਰਥੀਆਂ 'ਚ ਪ੍ਰੀਖਿਆ ਕੇਂਦਰ ਅਤੇ ਸਫ਼ਰ ਨੂੰ ਲੈ ਕੇ ਕਾਫ਼ੀ ਅਸਮੰਜਸ ਸੀ।ਵਿਦਿਆਰਥੀਆਂ ਦੀ ਇਸੇ ਵੱਡੀ ਚਿੰਤਾ ਨੂੰ ਦੂਰ ਕਰਦਿਆਂ ਐੱਨ. ਟੀ. ਏ. ਨੇ ਹੁਣ ਪ੍ਰੀਖਿਆ ਸ਼ਹਿਰ ਚੁਣਨ ਅਤੇ ਆਪਣਾ ਮੌਜੂਦਾ ਪਤਾ ਬਦਲਣ ਦੀ ਵਿੰਡੋ ਅਧਿਕਾਰਤ ਤੌਰ ’ਤੇ ਖੋਲ੍ਹ ਦਿੱਤੀ ਹੈ। ਸਹੂਲਤ ਤੋਂ ਬਾਅਦ ਹੁਣ ਪ੍ਰਭਾਵਿਤ ਉਮੀਦਵਾਰ 21 ਮਈ ਦੀ ਰਾਤ 11:50 ਵਜੇ ਤੱਕ ਨੀਟ ਦੀ ਅਧਿਕਾਰਤ ਵੈੱਬਸਾਈਟ ’ਤੇ ਜਾ ਕੇ ਆਪਣੇ ਪਹਿਲਾਂ ਚੁਣੇ ਐਗਜ਼ਾਮ ਸਿਟੀ ਨੂੰ ਆਨਲਾਈਨ ਬਦਲ ਸਕਦੇ ਹਨ। ਐੱਨ. ਟੀ. ਏ. ਨੇ ਸਪੱਸ਼ਟ ਕੀਤਾ ਹੈ ਕਿ ਜੋ ਉਮੀਦਵਾਰ ਇਸ ਤੈਅ ਸਮੇਂ ਦੇ ਅੰਦਰ ਇਸ ਸੁਵਿਧਾ ਦਾ ਲਾਭ ਨਹੀਂ ਉਠਾਉਣਗੇ, ਉਨ੍ਹਾਂ ਲਈ ਪਹਿਲਾਂ ਤੋਂ ਚੁਣਿਆ ਪ੍ਰੀਖਿਆ ਸ਼ਹਿਰ ਹੀ ਮਾਨਤਾ ਪ੍ਰਾਪਤ ਰਹੇਗਾ।

ਇਹ ਵੀ ਪੜ੍ਹੋ : ਪੰਜਾਬ : ਡਿਊਟੀਆਂ ਨੇ ਪਾ 'ਤਾ ਵੱਡਾ ਪੰਗਾ, ਅਧਿਆਪਕਾਂ ਵਲੋਂ ਨੌਕਰੀ ਛੱਡਣ ਦੀ ਚਿਤਾਵਨੀ!

ਵਾਧੂ ਸਫ਼ਰ ਤੇ ਟਰੇਨ ਟਿਕਟ ਦੇ ਖ਼ਰਚੇ ਤੋਂ ਮਿਲੇਗੀ ਰਾਹਤ

ਦਰਅਸਲ ਨੀਟ ਦੁਬਾਰਾ ਕਰਵਾਏ ਜਾਣ ਦੇ ਐਲਾਨ ਤੋਂ ਬਾਅਦ ਤੋਂ ਹੀ ਸੋਸ਼ਲ ਮੀਡੀਆ ’ਤੇ ਵਿਦਿਆਰਥੀ ਅਤੇ ਮਾਪੇ ਪ੍ਰੀਖਿਆ ਕੇਂਦਰਾਂ ਨੂੰ ਲੈ ਕੇ ਲਗਾਤਾਰ ਸਵਾਲ ਚੁੱਕ ਰਹੇ ਸਨ। ਕਈ ਉਮੀਦਵਾਰਾਂ ਦੀ ਚਿੰਤਾ ਸੀ ਕਿ ਜੇਕਰ ਉਨ੍ਹਾਂ ਨੂੰ ਕਿਸੇ ਦੂਜੇ ਸ਼ਹਿਰ 'ਚ ਪ੍ਰੀਖਿਆ ਕੇਂਦਰ ਅਲਾਟ ਕਰ ਦਿੱਤਾ ਗਿਆ ਤਾਂ ਐਨ ਮੌਕੇ ’ਤੇ ਟਰੇਨ ਦੀ ਟਿਕਟ ਬੁੱਕ ਕਰਵਾਉਣ ਅਤੇ ਉੱਥੇ ਰਹਿਣ-ਖਾਣ ਦਾ ਵਾਧੂ ਆਰਥਿਕ ਬੋਝ ਕੌਣ ਚੁੱਕੇਗਾ। ਐੱਨ. ਟੀ.ਏ. ਵੱਲੋਂ ਆਪਣੀ ਪਸੰਦ ਦਾ ਪ੍ਰੀਖਿਆ ਸ਼ਹਿਰ ਚੁਣਨ ਤੇ ਐਡਰੈੱਸ ਬਦਲਣ ਦਾ ਵਿਕਲਪ ਦਿੱਤੇ ਜਾਣ ਨਾਲ ਹੁਣ ਲੱਖਾਂ ਵਿਦਿਆਰਥੀਆਂ ਨੂੰ ਰਾਹਤ ਮਿਲੇਗੀ ਤੇ ਉਹ ਆਪਣੇ ਨਜ਼ਦੀਕੀ ਖੇਤਰ ਵਿਚ ਹੀ ਪ੍ਰੀਖਿਆ ਦੇ ਸਕਣਗੇ।

ਸਿਰਫ਼ ਮੌਜੂਦਾ ਪਤਾ ਤੇ ਪ੍ਰੀਖਿਆ ਸ਼ਹਿਰ ਬਦਲਣ ਦੀ ਇਜਾਜ਼ਤ, ਕੋਈ ਫ਼ੀਸ ਨਹੀਂ

ਐੱਨ. ਟੀ. ਏ. ਨੇ ਆਪਣੇ ਨੋਟੀਫਿਕੇਸ਼ਨ 'ਚ ਸਾਫ਼ ਕੀਤਾ ਹੈ ਕਿ ਇਸ ਕੁਰੈਕਸ਼ਨ ਵਿੰਡੋ ਦੌਰਾਨ ਸਿਰਫ਼ ਮੌਜੂਦਾ ਪਤਾ ਅਤੇ ਪ੍ਰੀਖਿਆ ਸ਼ਹਿਰ 'ਚ ਹੀ ਬਦਲਾਅ ਕਰਨ ਦੀ ਇਜਾਜ਼ਤ ਹੋਵੇਗੀ। ਵਿਦਿਆਰਥੀ ਦੇ ਫਾਰਮ ਵਿਚ ਦਰਜ ਕਿਸੇ ਵੀ ਹੋਰ ਜਾਣਕਾਰੀ ਵਿਚ ਸੁਧਾਰ ਨਹੀਂ ਕੀਤਾ ਜਾ ਸਕੇਗਾ ਤੇ 21 ਮਈ ਤੋਂ ਬਾਅਦ ਕਿਸੇ ਵੀ ਤਰ੍ਹਾਂ ਦੇ ਬਦਲਾਅ ਦੀ ਬੇਨਤੀ ਸਵੀਕਾਰ ਨਹੀਂ ਹੋਵੇਗੀ। ਉਨ੍ਹਾਂ ਕੋਲੋਂ ਕੋਈ ਵਾਧੂ ਫ਼ੀਸ ਜਾਂ ਚਾਰਜ ਨਹੀਂ ਲਿਆ ਜਾਵੇਗਾ।

15 ਮਿੰਟ ਦਾ ਐਕਸਟਰਾ ਟਾਈਮ ਮਿਲੇਗਾ

ਵਿਦਿਆਰਥੀਆਂ ਨੂੰ ਦੁਬਾਰਾ ਪ੍ਰੀਖਿਆ ਲਈ ਕਿਸੇ ਵੀ ਤਰ੍ਹਾਂ ਦਾ ਨਵਾਂ ਫਾਰਮ ਭਰਨ ਜਾਂ ਨਵਾਂ ਰਜਿਸਟ੍ਰੇਸ਼ਨ ਕਰਵਾਉਣ ਦੀ ਲੋੜ ਨਹੀਂ ਹੈ। ਮਈ 2026 'ਚ ਜਿਨ੍ਹਾਂ ਕਰੀਬ 22 ਲੱਖ ਉਮੀਦਵਾਰਾਂ ਨੇ ਪ੍ਰੀਖਿਆ ਦਿੱਤੀ ਸੀ, ਦਾ ਪੁਰਾਣਾ ਰਜਿਸਟ੍ਰੇਸ਼ਨ ਹੀ ਰੀ-ਐਗਜ਼ਾਮ ਲਈ ਪੂਰੀ ਤਰ੍ਹਾਂ ਮਾਨਤਾ ਪ੍ਰਾਪਤ ਰਹੇਗਾ। ਇਸ ਦੇ ਨਾਲ ਹੀ ਵਿਦਿਆਰਥੀਆਂ ਨੂੰ 15 ਮਿੰਟ ਦਾ ਐਕਸਟਰਾ ਟਾਈਮ ਦੇਣ ਦਾ ਫ਼ੈਸਲਾ ਕੀਤਾ ਹੈ। ਐੱਨ. ਟੀ. ਏ. ਨੇ ਦੱਸਿਆ ਕਿ ਪ੍ਰੀਖਿਆ ਸ਼ਹਿਰ ਦੀ ਸਹੀ ਸੂਚਨਾ ਤੇ ਐਡਮਿਟ ਕਾਰਡ ਜਾਰੀ ਕਰਨ ਦੀ ਤਰੀਕ ਬਾਅਦ ਵਿਚ ਵੈੱਬਸਾਈਟ ’ਤੇ ਐਲਾਨ ਕੀਤੀ ਜਾਵੇਗੀ।

ਇਹ ਵੀ ਪੜ੍ਹੋ : ਪੰਜਾਬ ਸਕੂਲ ਸਿੱਖਿਆ ਬੋਰਡ ਦਾ ਵੱਡਾ ਐਲਾਨ, ਵਿਦਿਆਰਥੀਆਂ ਨੂੰ ਮਿਲਿਆ ਆਖ਼ਰੀ ਮੌਕਾ, ਪੜ੍ਹੋ ਪੂਰਾ ਸ਼ਡਿਊਲ

ਅਗਲੇ ਸਾਲ ਤੋਂ ਪੂਰੀ ਤਰ੍ਹਾਂ ਆਨਲਾਈਨ ਹੋਵੇਗੀ ਨੀਟ ਪ੍ਰੀਖਿਆ

|ਇਸ ਦੌਰਾਨ ਸਿੱਖਿਆ ਵਿਵਸਥਾ ਨੂੰ ਹੋਰ ਜ਼ਿਆਦਾ ਪਾਰਦਰਸ਼ੀ ਬਣਾਉਣ ਲਈ ਸਰਕਾਰ ਨੇ ਵੱਡਾ ਕਦਮ ਚੁੱਕਿਆ ਹੈ। ਸਿੱਖਿਆ ਮੰਤਰੀ ਧਰਮੇਂਦਰ ਪ੍ਰਧਾਨ ਨੇ ਸ਼ੁੱਕਰਵਾਰ ਨੂੰ ਸਪੱਸ਼ਟ ਕੀਤਾ ਕਿ ਅਗਲੇ ਸਾਲ ਤੋਂ ਨੀਟ ਪ੍ਰੀਖਿਆ 'ਚ ਓ. ਐੱਮ. ਆਰ. ਸਿਸਟਮ ਨੂੰ ਪੂਰੀ ਤਰ੍ਹਾਂ ਖ਼ਤਮ ਕਰ ਦਿੱਤਾ ਜਾਵੇਗਾ ਅਤੇ ਪ੍ਰੀਖਿਆ ਪੂਰੀ ਤਰ੍ਹਾਂ ਆਨਲਾਈਨ ਕੰਪਿਊਟਰ ਬੇਸਡ ਮੋਡ ’ਤੇ ਆਯੋਜਿਤ ਹੋਵੇਗੀ। ਸਰਕਾਰ ਦਾ ਮਕਸਦ ਪ੍ਰੀਖਿਆ ਮਾਫ਼ੀਆ ਦੇ ਨੈੱਟਵਰਕ ਨੂੰ ਤੋੜਨਾ ਅਤੇ ਪੂਰੇ ਸਿਸਟਮ ਨੂੰ ਪੂਰੀ ਤਰ੍ਹਾਂ ਸੁਰੱਖਿਅਤ ਬਣਾਉਣਾ ਹੈ ਤਾਂ ਜੋ ਪ੍ਰਸ਼ਨ ਪੱਤਰ ਲੀਕ ਹੋਣ ਦੀ ਸੰਭਾਵਨਾ ਨੂੰ ਜੜ੍ਹ ਤੋਂ ਖ਼ਤਮ ਕੀਤਾ ਜਾ ਸਕੇ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Whatsapp Channel: https://whatsapp.com/channel/0029Va94hsaHAdNVur4L170e