ਮੈਂਡੀ ਤੱਖਰ ਨੇ ਕਿਸਾਨਾਂ ਪ੍ਰਤੀ ਹਿੰਸਾ ’ਤੇ ਪੀ. ਐੱਮ. ਮੋਦੀ ਨੂੰ ਲਾਈ ਗੁਹਾਰ, ਦਿਲਜੀਤ ਤੇ ਜੈਜ਼ੀ ਬੀ ਦਾ ਹੋਇਆ ਜ਼ਿਕਰ

ਚੰਡੀਗੜ੍ਹ (ਬਿਊਰੋ)– 26 ਜਨਵਰੀ ਦੇ ਘਟਨਾਕ੍ਰਮ ਤੋਂ ਬਾਅਦ ਕਿਸਾਨਾਂ ਪ੍ਰਤੀ ਪੁਲਸ ਦੇ ਰਵੱਈਏ ’ਤੇ ਹਰ ਕੋਈ ਹੈਰਾਨ ਹੈ। ਸੋਸ਼ਲ ਮੀਡੀਆ ’ਤੇ ਅਜਿਹੀਆਂ ਕਈ ਤਸਵੀਰਾਂ ਤੇ ਵੀਡੀਓਜ਼ ਵਾਇਰਲ ਹੋ ਰਹੀਆਂ ਹਨ, ਜਿਨ੍ਹਾਂ ’ਚ ਕਿਸਾਨਾਂ ’ਤੇ ਹਿੰਸਾ ਹੁੰਦੀ ਸਾਫ ਦੇਖੀ ਜਾ ਰਹੀ ਹੈ। ਇਸ ਸਭ ’ਤੇ ਪੰਜਾਬੀ ਅਦਾਕਾਰਾ ਮੈਂਡੀ ਤੱਖਰ ਦੀ ਪ੍ਰਤੀਕਿਰਿਆ ਸਾਹਮਣੇ ਆਈ ਹੈ।

ਅਸਲ ’ਚ ਮੈਂਡੀ ਤੱਖਰ ਨੇ ਕਿਸਾਨਾਂ ’ਤੇ ਹੋਈ ਹਿੰਸਾ ਦੇ ਚਲਦਿਆਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਗੁਹਾਰ ਲਗਾਈ ਹੈ। ਇਕ ਟਵੀਟ ’ਚ ਮੈਂਡੀ ਲਿਖਦੀ ਹੈ, ‘ਕਿਸਾਨਾਂ ਪ੍ਰਤੀ ਹਿੰਸਾ ਬਹੁਤ ਪ੍ਰੇਸ਼ਾਨ ਕਰਨ ਵਾਲੀ ਹੈ। ਇੰਨੀਆਂ ਥਾਵਾਂ ’ਤੇ #HumanRightsViolations। ਸਾਡੇ ਦੇਸ਼ ਦੇ ਲੋਕਾਂ ਦਾ ਲਹੂ ਵਹਿ ਰਿਹਾ ਹੈ @narendramodi। ਦਿਲ ਟੁੱਟ ਰਿਹਾ ਹੈ ਬਹੁਤ ਜ਼ਿਆਦਾ ਟੁੱਟ ਰਿਹਾ ਹੈ।’

It’s so disturbing. The violence towards the farmers. #HumanRightsViolations on so many accounts. The people of your country and bleeding @narendramodi heartbreaking just heartbreaking 💔

— Mandy Takhar (@Mandy_Takhar) January 31, 2021

ਮੈਂਡੀ ਤੱਖਰ ਦੇ ਇਸ ਟਵੀਟ ਤੋਂ ਬਾਅਦ ਲੋਕਾਂ ਦੀਆਂ ਅਨੇਕਾਂ ਪ੍ਰਤੀਕਿਰਿਆਵਾਂ ਆ ਰਹੀਆਂ ਹਨ। ਕੁਝ ਲੋਕ ਜਿਥੇ ਮੈਂਡੀ ਤੱਖਰ ਦੇ ਟਵੀਟ ਦਾ ਸਮਰਥਨ ਕਰ ਰਹੇ ਹਨ, ਉਥੇ ਕੁਝ ਵਿਰੋਧ ’ਚ ਵੀ ਹਨ। ਸਰਦਾਰ ਲੱਕੀ ਸਿੰਘ ਨਾਂ ਦੇ ਇਕ ਯੂਜ਼ਰ ਨੇ ਟਵੀਟ ਹੇਠਾਂ ਲਿਖਿਆ, ‘ਦਿਲਜੀਤ ਤੇ ਜੈਜ਼ੀ ਬੀ ਕਿਥੇ ਹਨ? ਕੀ ਉਹ ਟਰੈਕਟਰ ਰੈਲੀ ਦਾ ਹਿੱਸਾ ਸਨ? ਕੀ ਤੁਸੀਂ ਉਨ੍ਹਾਂ ਨੂੰ ਪੁੱਛਿਆ ਕਿ ਉਹ ਕਿਥੇ ਸਨ ਤੇ ਹੁਣ ਕਿਥੇ ਹਨ? ਨਰਿੰਦਰ ਮੋਦੀ ਕਿਸਾਨਾਂ ਦੇ ਨਾਲ ਸਨ ਤੇ ਅਜੇ ਵੀ ਕਿਸਾਨਾਂ ਦੇ ਨਾਲ ਹਨ।’

Where is Diljeet and Jazzy ? Were they a part of tractor rally? Did u ask them where were they then and now ?? @narendramodi was there with the farmers even then and also now too

— Sardar Lucky Singh 🇮🇳 (@lucky_s_chawla) January 31, 2021

ਯੂਜ਼ਰ ਦੀ ਇਸ ਟਿੱਪਣੀ ’ਤੇ ਮੈਂਡੀ ਤੱਖਰ ਨੇ ਵੀ ਪ੍ਰਤੀਕਿਰਿਆ ਦਿੱਤੀ ਹੈ ਤੇ ਜਵਾਬ ’ਚ ਲਿਖਿਆ, ‘ਭਾਰਤ ਦੇਸ਼ ਦੀ ਨਾਗਰਿਕ ਹੋਣ ਦੇ ਨਾਤੇ ਮੈਂ ਨਰਿੰਦਰ ਮੋਦੀ ਨੂੰ ਹਿੰਸਾ ਬੰਦ ਕਰਨ ਲਈ ਆਖ ਸਕਦੀ ਹਾਂ ਕਿਉਂਕਿ ਉਨ੍ਹਾਂ ਕੋਲ ਹਿੰਸਾ ਨੂੰ ਬੰਦ ਕਰਵਾਉਣ ਦੀ ਤਾਕਤ ਹੈ।’

As a resident of India , I can freely ask the PM to put a stop to the violence as he has to the power to stop it. @narendramodi

— Mandy Takhar (@Mandy_Takhar) January 31, 2021

ਨੋਟ– ਮੈਂਡੀ ਤੱਖਰ ਦੇ ਇਸ ਟਵੀਟ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਜ਼ਰੂਰ ਸਾਂਝੀ ਕਰੋ।