ਮਹਾਤਮਾ ਗਾਂਧੀ ਦੀ ਪੜਪੋਤੀ ਦਾ ਦਿਹਾਂਤ, 93 ਸਾਲ ਦੀ ਉਮਰ ''ਚ ਲਏ ਆਖ਼ਰੀ ਸਾਹ

ਗਾਂਧੀਨਗਰ : ਮਹਾਤਮਾ ਗਾਂਧੀ ਦੀ ਪੜਪੋਤੀ ਨੀਲਮਬੇਨ ਪਾਰਿਖ ਦਾ ਅੱਜ 93 ਸਾਲ ਦੀ ਉਮਰ ਵਿੱਚ ਦਿਹਾਂਤ ਹੋ ਗਿਆ। ਉਨ੍ਹਾਂ ਨੇ ਨਵਸਾਰੀ ਵਿੱਚ ਆਖਰੀ ਸਾਹ ਲਿਆ। ਨੀਲਮਬੇਨ ਮਹਾਤਮਾ ਗਾਂਧੀ ਦੇ ਪੁੱਤਰ ਹਰੀਦਾਸ ਗਾਂਧੀ ਦੀ ਪੋਤੀ ਸੀ। ਉਹ ਨਵਸਾਰੀ ਜ਼ਿਲ੍ਹੇ ਦੀ ਅਲਕਾ ਸੁਸਾਇਟੀ ਵਿੱਚ ਆਪਣੇ ਪੁੱਤਰ ਡਾ. ਸਮੀਰ ਪਾਰਿਖ ਦੇ ਘਰ ਰਹਿ ਰਹੀ ਸੀ।

ਵੀਰਵਾਲ ਸ਼ਮਸ਼ਾਨਘਾਟ 'ਤੇ ਕੀਤਾ ਜਾਵੇਗਾ ਅੰਤਿਮ ਸੰਸਕਾਰ
ਉਨ੍ਹਾਂ ਦੀ ਅੰਤਿਮ ਯਾਤਰਾ ਕੱਲ੍ਹ ਸਵੇਰੇ 8 ਵਜੇ ਉਨ੍ਹਾਂ ਦੀ ਰਿਹਾਇਸ਼ ਤੋਂ ਸ਼ੁਰੂ ਹੋਵੇਗੀ ਅਤੇ ਵੀਰਵਾਲ ਸ਼ਮਸ਼ਾਨਘਾਟ ਵਿਖੇ ਅੰਤਿਮ ਸੰਸਕਾਰ ਕੀਤਾ ਜਾਵੇਗਾ। ਨੀਲਮਬੇਨ ਪਾਰਿਖ ਇੱਕ ਸੱਚੇ ਗਾਂਧੀਵਾਦੀ ਸਨ। ਉਨ੍ਹਾਂ ਆਪਣਾ ਸਾਰਾ ਜੀਵਨ ਵਿਆਰਾ ਵਿੱਚ ਬਿਤਾਇਆ ਅਤੇ ਹਮੇਸ਼ਾ ਔਰਤਾਂ ਦੀ ਭਲਾਈ ਅਤੇ ਮਨੁੱਖੀ ਸੇਵਾ ਨੂੰ ਸਮਰਪਿਤ ਰਹੀ।

ਇਹ ਵੀ ਪੜ੍ਹੋ : ਬਦਲ ਗਏ ਪੈਨਸ਼ਨ ਦੇ ਨਿਯਮ, ਤੁਹਾਨੂੰ ਇੰਝ ਮਿਲੇਗਾ ਸਕੀਮ ਦਾ ਫ਼ਾਇਦਾ

ਬਾਪੂ ਦੀਆਂ ਅੰਤਿਮ ਬਚੀਆਂ ਹੋਈਆਂ ਅਸਥੀਆਂ ਦਾ ਕੀਤਾ ਸੀ ਵਿਸਰਜਨ
30 ਜਨਵਰੀ 2008 ਨੂੰ ਮਹਾਤਮਾ ਗਾਂਧੀ ਦੀ 60ਵੀਂ ਬਰਸੀ 'ਤੇ ਨੀਲਮਬੇਨ ਪਾਰਿਖ ਨੇ ਬਾਪੂ ਦੀਆਂ ਅੰਤਿਮ ਅਸਥੀਆਂ ਨੂੰ ਸਤਿਕਾਰ ਨਾਲ ਵਿਸਰਜਿਤ ਕੀਤਾ ਸੀ। ਇਹ ਵਿਸਰਜਨ ਮੁੰਬਈ ਦੇ ਨੇੜੇ ਅਰਬ ਸਾਗਰ ਵਿੱਚ ਹੋਇਆ ਸੀ। ਇਸ ਮੌਕੇ ਗਾਂਧੀ ਜੀ ਦੇ ਪੈਰੋਕਾਰਾਂ ਅਤੇ ਪਰਿਵਾਰਕ ਮੈਂਬਰਾਂ ਨੇ ਵੀ ਉਨ੍ਹਾਂ ਨੂੰ ਸ਼ਰਧਾਂਜਲੀ ਦਿੱਤੀ ਸੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8