ਥਾਈਲੈਂਡ ਤੋਂ ਫੜ ਕੇ ਲਿਆਂਦੇ  'ਲੂਥਰਾ ਬ੍ਰਦਰਜ਼' ਦੀ ਥੋੜ੍ਹੀ ਦੇਰ 'ਚ ਦਿੱਲੀ ਦੀ ਕੋਰਟ 'ਚ ਹੋਵੇਗੀ ਪੇਸ਼ੀ

ਨੈਸ਼ਨਲ ਡੈਸਕ : ਗੋਆ ਦੇ ਚਰਚਿਤ ਨਾਈਟ ਕਲੱਬ ਅਗਨੀਕਾਂਡ ਦੇ ਦੋ ਮੁੱਖ ਮੁਲਜ਼ਮ  ਸੌਰਭ ਲੂਥਰਾ ਤੇ ਗੌਰਵ ਲੂਥਰਾ  ਨੂੰ ਅੱਜ ਥਾਈਲੈਂਡ ਤੋਂ ਭਾਰਤ ਲਿਆਂਦਾ ਗਿਆ ਹੈ। ਇਨ੍ਹਾਂ ਦੋਹਾਂ ਭਰਾਵਾਂ ਨੂੰ ‘25 ਮੌਤਾਂ ਦੇ ਗੁਨਾਹਗਾਰ’ ਵਜੋਂ ਦੱਸਿਆ ਜਾ ਰਿਹਾ ਹੈ।
ਇਸ ਮਾਮਲੇ ਵਿੱਚ ਕਾਰਵਾਈ 6 ਦਸੰਬਰ, 2025 ਦੀ ਰਾਤ ਨੂੰ ਉੱਤਰੀ ਗੋਆ ਦੇ ਆਰਪੋਰਾ ਪਿੰਡ ਵਿੱਚ ਸਥਿਤ ਨਾਈਟ ਕਲੱਬ 'ਬਿਰਚ ਬਾਏ ਰੋਮੀਓ ਲੇਨ' ਵਿੱਚ ਲੱਗੀ ਭਿਆਨਕ ਅੱਗ ਨਾਲ ਸਬੰਧਤ ਹੈ। ਅੱਗ ਲੱਗਣ ਕਾਰਨ ਸੈਲਾਨੀਆਂ ਤੇ ਕਰਮਚਾਰੀਆਂ ਸਮੇਤ ਕੁੱਲ 25 ਲੋਕਾਂ ਦੀ ਜਾਨ ਚਲੀ ਗਈ ਸੀ। ਸੌਰਭ ਅਤੇ ਗੌਰਵ ਲੂਥਰਾ ਇਸ ਨਾਈਟ ਕਲੱਬ ਦੇ ਸਹਿ-ਮਾਲਕ ਸਨ।
ਹਾਦਸੇ ਤੋਂ ਬਾਅਦ ਹੋ ਗਏ ਸਨ ਫਰਾਰ
ਜਿਵੇਂ ਹੀ ਨਾਈਟ ਕਲੱਬ ਵਿੱਚ ਅੱਗ ਲੱਗਣ ਦੀ ਖ਼ਬਰ ਮਿਲੀ, ਲੂਥਰਾ ਬ੍ਰਦਰਜ਼ ਤੜਕੇ ਹੀ ਦਿੱਲੀ ਤੋਂ ਥਾਈਲੈਂਡ ਦੀ ਫਲਾਈਟ ਫੜ ਕੇ ਭੱਜ ਗਏ ਸਨ ਤਾਂ ਜੋ ਉਹ ਉੱਥੇ ਛਿਪ ਸਕਣ।
ਦਿੱਲੀ ਏਅਰਪੋਰਟ 'ਤੇ ਗ੍ਰਿਫ਼ਤਾਰੀ
ਅੱਜ ਦੋਵਾਂ ਨੂੰ ਥਾਈਲੈਂਡ ਤੋਂ ਨਵੀਂ ਦਿੱਲੀ ਲਿਆਂਦਾ ਗਿਆ। ਦਿੱਲੀ ਦੇ ਇੰਦਰਾ ਗਾਂਧੀ ਅੰਤਰਰਾਸ਼ਟਰੀ ਹਵਾਈ ਅੱਡੇ (IGI) 'ਤੇ ਗੋਆ ਪੁਲਸ ਦੀ ਇੱਕ ਟੀਮ ਉਨ੍ਹਾਂ ਦਾ ਇੰਤਜ਼ਾਰ ਕਰ ਰਹੀ ਸੀ। ਲੂਥਰਾ ਬ੍ਰਦਰਜ਼ ਦੇ ਦਿੱਲੀ ਪਹੁੰਚਦੇ ਹੀ ਗੋਆ ਪੁਲਸ ਨੇ ਉਨ੍ਹਾਂ ਨੂੰ ਹਿਰਾਸਤ ਵਿੱਚ ਲੈ ਲਿਆ। ਹੁਣ ਗ੍ਰਿਫ਼ਤਾਰ ਕੀਤੇ ਗਏ ਦੋਵਾਂ ਮੁਲਜ਼ਮਾਂ ਨੂੰ ਥੋੜ੍ਹੀ ਦੇਰ ਵਿੱਚ ਦਿੱਲੀ ਦੀ ਅਦਾਲਤ ਵਿੱਚ ਪੇਸ਼ ਕੀਤਾ ਜਾਵੇਗਾ।