ਇਸ ਰਾਜ ''ਚ ਨਹੀਂ ਚੱਲਣਗੀਆਂ ਲੋਕਲ ਟਰੇਨਾਂ, ਕੋਰੋਨਾ ਸੰਕਟ ਵਿਚਾਲੇ ਲਿਆ ਗਿਆ ਫੈਸਲਾ

ਕੋਲਕਾਤਾ - ਕੋਰੋਨਾ ਦੀ ਦੂਜੀ ਲਹਿਰ ਤੇਜ਼ੀ ਨਾਲ ਲੋਕਾਂ ਨੂੰ ਆਪਣੀ ਚਪੇਟ ਵਿੱਚ ਲੈ ਰਹੀ ਹੈ। ਇਸ ਦਾ ਅਸਰ ਹੁਣ ਭਾਰਤੀ ਰੇਲਵੇ 'ਵੀ ਕਾਫ਼ੀ ਦੇਖਣ ਨੂੰ ਮਿਲ ਰਿਹਾ ਹੈ। ਰੇਲਵੇ ਲਗਾਤਾਰ ਕਈ ਰਾਜਾਂ ਲਈ ਚੱਲਣ ਵਾਲੀਆਂ ਟਰੇਨਾਂ ਨੂੰ ਰੱਦ ਕਰ ਚੁੱਕਾ ਹੈ। ਹੁਣ ਪੱਛਮੀ ਬੰਗਾਲ ਵਿੱਚ ਲੋਕਲ ਟਰੇਨ ਦੀ ਸੇਵਾ 'ਤੇ ਵੀ ਇਸ ਦਾ ਅਸਰ ਦੇਖਣ ਨੂੰ ਮਿਲ ਰਿਹਾ ਹੈ। ਦਰਅਸਲ, ਰੇਲਵੇ ਨੇ ਰਾਜ ਵਿੱਚ ਹਰ ਤਰ੍ਹਾਂ ਦੀ ਲੋਕਲ ਟਰੇਨ, ਸਬਅਰਬਨ ਟ੍ਰੇਨ ਅਤੇ ਈ.ਐੱਮ.ਊ. ਟ੍ਰੇਨ ਦੀ ਸੇਵਾ ਰੱਦ ਕਰਣ ਦਾ ਫੈਸਲਾ ਕੀਤਾ ਹੈ।

ਇਨ੍ਹਾਂ ਟਰੇਨਾਂ ਨੂੰ 6 ਮਈ 2021 ਤੋਂ ਅਗਲੇ ਹੁਕਮ ਤੱਕ ਲਈ ਰੱਦ ਕਰ ਕੀਤਾ ਗਿਆ ਹੈ। ਹਾਲਾਂਕਿ, ਬਾਕੀ ਸਪੇਸ਼ਲ ਟਰੇਨ, ਪਾਰਸਲ ਟ੍ਰੇਨ ਅਤੇ ਮਾਲ ਗੱਡੀਆਂ ਸਾਰੇ ਆਪਣੇ ਟਾਈਮ ਟੇਬਲ ਦੇ ਹਿਸਾਬ ਨਾਲ ਜਾਰੀ ਰਹਿਣਗੀਆਂ। ਪੱਛਮੀ ਬੰਗਾਲ ਤੋਂ ਦੂਜੇ ਸੂਬੇ ਲਈ ਚੱਲਣ ਵਾਲੀਆਂ ਟਰੇਨਾਂ 'ਤੇ ਇਸਦਾ ਅਸਰ ਨਹੀਂ ਪਵੇਗਾ।  ਨਾਲ ਹੀ ਲੰਬੇ ਰੂਟ 'ਤੇ ਚੱਲਣ ਵਾਲੀ ਪੈਸੇਂਜਰ ਟਰੇਨ ਨੂੰ ਸਰਕਾਰਾ ਦੁਆਰਾ ਜਾਰੀ ਕੀਤੀ ਗਈ ਸਾਰੇ ਕੋਰੋਨਾ ਗਾਈਡਲਾਈਨ ਦਾ ਪਾਲਣ ਕਰਣਾ ਹੋਵੇਗਾ।

ਉਥੇ ਹੀ, ਦੂਜੇ ਪਾਸੇ ਉੱਤਰੀ ਭਾਰਤੀ ਰੇਲਵੇ ਨੇ 6, 7 ਅਤੇ 8 ਮਈ ਤੋਂ ਕਈ ਰੂਟਾਂ 'ਤੇ ਚੱਲਣ ਵਾਲੀਆਂ ਟਰੇਨਾਂ ਨੂੰ ਰੱਦ ਕਰ ਦਿੱਤਾ ਹੈ। ਇਨ੍ਹਾਂ ਟਰੇਨਾਂ ਨੂੰ ਵੀ ਅਗਲੇ ਹੁਕਮ ਤੱਕ ਰੱਦ ਕਰ ਦਿੱਤਾ ਹੈ। ਰੇਲਵੇ ਨੇ ਰਾਜਸਥਾਨ, ਹਰਿਦੁਆਰ ਅਤੇ ਹਰਿਆਣਾ ਦੇ ਕਈ ਰੂਟਾਂ 'ਤੇ ਚੱਲਣ ਵਾਲੀ ਟਰੇਨ ਨੂੰ ਰੱਦ ਕਰ ਦਿੱਤਾ ਹੈ।

ਨਾਲ ਹੀ ਰੇਲਵੇ ਨੇ ਕਈ ਟਰੇਨਾਂ ਦੇ ਫੇਰਾਂ ਵਿੱਚ ਵੀ ਕਮੀ ਕੀਤੀ ਹੈ। ਬੀਕਾਨੇਰ ਹਰਿਦੁਆਰ ਸਪੈਸ਼ਲ ਟ੍ਰੇਨ ਨੂੰ 10 ਮਈ ਤੋਂ ਅਗਲੇ ਹੁਕਮ ਤੱਕ ਹਫ਼ਤੇ ਵਿੱਚ ਤਿੰਨ ਵਾਰ ਚੱਲਣ ਦੀ ਜਗ੍ਹਾ ਹਫ਼ਤੇ ਵਿੱਚ ਇੱਕ ਹੀ ਦਿਨ ਚੱਲੇਗੀ। ਗੱਡੀ ਨੰਬਰ 04718 ਨੂੰ ਵੀ ਹਰਿਦੁਆਰ-ਬੀਕਾਨੇਰ ਸਪੈਸ਼ਲ ਟਰੇਨ ਨੂੰ 11 ਮਈ ਤੋਂ ਅਗਲੇ ਹੁਕਮ ਲਈ ਹਫ਼ਤੇ ਵਿੱਚ ਤਿੰਨ ਵਾਰ ਦੀ ਥਾਂ ਸਿਰਫ ਮੰਗਲਵਾਰ ਨੂੰ ਸੰਚਾਲਿਤ ਕੀਤਾ ਜਾਵੇਗਾ।

ਨੋਟ- ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ ਕੁਮੈਂਟ ਬਾਕਸ ਵਿੱਚ ਦਿਓ ਜਵਾਬ।