ਕੇਰਲ 'ਚ ਭਾਰੀ ਬਾਰਿਸ਼ ਕਾਰਨ ਕੋਚੀ ਏਅਰਪੋਰਟ ਐਤਵਾਰ ਤੱਕ ਬੰਦ

ਕੋਚੀ—ਕੇਰਲ 'ਚ ਭਾਰੀ ਬਾਰਿਸ਼ ਦਾ ਕਾਰਨ ਥਾਂ-ਥਾਂ ਪਾਣੀ ਭਰ ਗਿਆ ਹੈ ਜਿਸ ਕਾਰਨ ਕੋਚੀ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਜਹਾਜ਼ ਸੰਚਾਲਨ 'ਤੇ ਐਤਵਾਰ ਤੱਕ ਰੋਕ ਲਗਾ ਦਿੱਤੀ ਗਈ ਹੈ। ਕੇਰਲ ਦੇ ਮੁੱਖ ਮੰਤਰੀ ਪਿਨਰਾਈ ਵਿਜਯਨ ਨੇ ਟਵੀਟ ਕਰ ਕੇ ਕਿਹਾ ਹੈ ਕਿ ਯਾਤਰੀਆਂ ਨੂੰ ਜਾਣਕਾਰੀ ਲਈ ਐਮਰਜੈਂਸੀ ਕੰਟਰੋਲ ਸ਼੍ਰੇਣੀ ਦੀ ਸਹਾਇਤਾ ਉਪਲੱਬਧ ਕਰਵਾ ਦਿੱਤੀ ਜਾਵੇ। 
ਇਸ ਤੋਂ ਪਹਿਲਾਂ ਵੀਰਵਾਰ ਨੂੰ ਦੇਰ ਰਾਤ ਤੱਕ ਹੋਈ ਬਾਰਿਸ਼ ਕਾਰਨ ਪਾਣੀ ਭਰ ਗਿਆ ਜਿਸ ਕਾਰਨ ਹਵਾਈ ਅੱਡੇ 'ਤੇ  ਸੰਚਾਲਨ ਨੂੰ ਰੋਕਿਆ ਗਿਆ ਸੀ ਪਰ ਸਥਿਤੀ 'ਚ ਸੁਧਾਰ ਨਾ ਹੋਣ ਕਾਰਨ ਐਤਵਾਰ ਤੱਕ ਹਵਾਈ ਆਵਾਜਾਈ 'ਤੇ ਰੋਕ ਲਗਾ ਦਿੱਤੀ ਗਈ। ਇਸ ਤੋਂ ਇਲਾਵਾ ਸੂਬੇ 'ਚ ਅੱਜ ਸਾਰੇ ਸਕੂਲ ਵੀ ਬੰਦ ਕਰ ਦਿੱਤੇ ਗਏ ਹਨ।

ਕੇਰਲ 'ਚ ਲਗਾਤਾਰ ਹੋ ਰਹੀ ਭਾਰੀ ਬਾਰਿਸ਼ ਕਾਰਨ ਅੱਜ ਭਾਵ ਸ਼ੁੱਕਰਵਾਰ 5,090 ਪਰਿਵਾਰਾਂ ਨੂੰ ਲਗਭਗ 18,308 ਲੋਕਾਂ ਨੂੰ ਰਾਹਤ ਕੈਂਪਾਂ 'ਚ ਭੇਜਿਆ ਗਿਆ ਹੈ। ਮਾਹਿਰਾਂ ਨੇ ਦੱਸਿਆ ਹੈ ਕਿ ਵਾਇਨਾਡ ਜ਼ਿਲੇ 'ਚ 9,951 ਲੋਕਾਂ ਨੂੰ 105 ਰਾਹਤ ਕੈਂਪਾਂ ਤੱਕ ਪਹੁੰਚਾਇਆ ਗਿਆ ਹੈ। ਇਸ ਤੋਂ ਇਲਾਵਾ ਮੱਲਾਪੁਰਮ ਜ਼ਿਲੇ 'ਚ 4,106 ਲੋਕਾਂ ਨੂੰ 26 ਰਾਹਤ ਕੈਂਪਾਂ , ਐਨਾਕੁਰਮ ਜ਼ਿਲੇ 'ਚ 41 ਰਾਹਤ ਕੈਂਪ ਸਥਾਪਿਤ ਕੀਤੇ ਗਏ ਹਨ ਅਤੇ 812 ਲੋਕਾਂ ਨੂੰ ਰਾਹਤ ਕੈਂਪਾਂ 'ਚ ਭੇਜਿਆ ਗਿਆ। ਸੂਬੇ ਦੇ ਕੋਝੀਕੋਡ ਜ਼ਿਲੇ 'ਚ ਲਗਭਗ 1,017 ਲੋਕਾਂ ਨੂੰ 349 ਰਾਹਤ ਕੈਂਪਾਂ 'ਚ ਪਹੁੰਚਿਆ ਗਿਆ। 

ਦੱਸ ਦੇਈਏ ਕਿ ਕੇਰਲ 'ਚ ਵਾਇਨਾਡ ਜ਼ਿਲੇ ਦੇ ਪੁਟੁਮਾਲਾ ਇਲਾਕੇ 'ਚ ਵੀਰਵਾਰ ਸ਼ਾਮ ਨੂੰ ਜ਼ਮੀਨ ਖਿਸ਼ਕਣ ਕਾਰਨ ਮਲਬੇ ਹੇਠਾਂ ਦੱਬਣ ਅਤੇ ਪਾਣੀ 'ਚ ਰੁੜ੍ਹਨ ਕਾਰਨ 25 ਲੋਕਾਂ ਦੀ ਮੌਤ ਹੋ ਗਈ।