ਕਸ਼ਮੀਰੀ ਮੁੰਡੇ ਨੇ ‘ਰਬਾਬ’ ਵਜਾਉਣ ਨੂੰ ਬਣਾਇਆ ਆਪਣਾ ਸ਼ੌਕ, ਨੌਜਵਾਨਾਂ ਲਈ ਬਣਿਆ ਪ੍ਰੇਰਣਾ ਸਰੋਤ
Monday, Jun 28, 2021 - 12:33 PM (IST)
ਸ਼੍ਰੀਨਗਰ— ਜੰਮੂ-ਕਸ਼ਮੀਰ ਵਿਚ ਸਭ ਤੋਂ ਘੱਟ ਉਮਰ ਦੇ ‘ਰਬਾਬ’ ਕਲਾਕਾਰ ਅਦਨਾਨ ਮੰਜ਼ੂਰ ਘਾਟੀ ਦੇ ਨੌਜਵਾਨਾਂ ਲਈ ਪੇ੍ਰਰਣਾ ਸਰੋਤ ਬਣ ਰਹੇ ਹਨ। ਅਦਨਾਨ ਨੇ ਰਿਵਾਇਤੀ ਸੰਗੀਤ ਨੂੰ ਸੋਸ਼ਲ ਮੀਡੀਆ ਜ਼ਰੀਏ ਗਲੋਬਲ ਮੰਚ ’ਤੇ ਲਿਆਂਦਾ ਹੈ। ਸਿਰਫ਼ 21 ਸਾਲਾ ਅਦਨਾਨ ਮੰਜ਼ੂਰ ਘਾਟੀ ਦੇ ਸਭ ਤੋਂ ਘੱਟ ਉਮਰ ਅਤੇ ਮਸ਼ਹੂਰ ਰਬਾਬ ਵਾਦਕ ਹਨ। ਸੋਸ਼ਲ ਮੀਡੀਆ ’ਤੇ ਉਨ੍ਹਾਂ ਦੇ ਵੀਡੀਓ ਨੂੰ ਲੱਖਾਂ ਲੋਕਾਂ ਵਲੋਂ ਪਸੰਦ ਕੀਤਾ ਗਿਆ ਹੈ। ਮੰਜ਼ੂਰ ਜਦੋਂ 15 ਸਾਲ ਦੇ ਸਨ ਤਾਂ ਉਨ੍ਹਾਂ ਨੇ ਪਹਿਲੀ ਵਾਰ ਰਬਾਬ ਵਜਾਉਣਾ ਸ਼ੁਰੂ ਕੀਤਾ, ਜੋ ਕਿ ਇਕ ਲਯੂਟ ਵਰਗਾ ਸਾਜ਼ ਸੀ।
ਮੰਜ਼ੂਰ ਨੇ ਇਕ ਨਿਊਜ਼ ਏਜੰਸੀ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਕਿ ਇਕ ਕਲਾਕਾਰ ਦੇ ਰੂਪ ਵਿਚ ਹਰ ਕਸ਼ਮੀਰੀ ਨੂੰ ਸੰਘਰਸ਼ ਕਰਨਾ ਪੈਂਦਾ ਹੈ ਕਿਉਂਕਿ ਇੱਥੇ ਕੋਈ ਪਲੇਟਫਾਰਮ ਨਹੀਂ ਹੈ। ਇਹ ਹੀ ਕਾਰਨ ਹੈ ਕਿ ਮੈਂ ਸੋਸ਼ਲ ਮੀਡੀਆ ਨੂੰ ਇਕ ਜ਼ਰੀਆ ਬਣਾ ਕੇ ਇਸ ਦਾ ਇਸਤੇਮਾਲ ਕਰਨਾ ਸ਼ੁਰੂ ਕੀਤਾ। ਉਨ੍ਹਾਂ ਅੱਗੇ ਦੱਸਿਆ ਕਿ ਰਬਾਬ ਨੂੰ ਉਸ ਗਾਣੇ ਦੇ ਰਾਗ ਮੁਤਾਬਕ ਟਿਊਨ ਕਰਨ ਦੀ ਲੋੜ ਹੈ, ਜਿਸ ਨੂੰ ਕੋਈ ਗਿਟਾਰ ਦੇ ਉਲਟ ਵਜਾਉਣਾ ਚਾਹੁੰਦਾ ਹੈ। ਮੰਜ਼ੂਰ ਨੇ ਕਿਹਾ ਕਿ ਮੈਨੂੰ ਉਨ੍ਹਾਂ ਲੋਕਾਂ ਦੇ ਈ-ਮੇਲ ਅਤੇ ਸੰਦੇਸ਼ ਮਿਲ ਰਹੇ ਹਨ, ਜੋ ਰਬਾਬ ਸਿੱਖਣਾ ਚਾਹੁੰਦੇ ਹਨ। ਮੇਰੀ ਇੱਛਾ ਹੈ ਕਿ ਪਰੰਪਰਾ ਜਾਰੀ ਰਹੇ, ਜੇਕਰ ਮੈਂ ਇਸ ਲਈ ਪ੍ਰੇਰਣਾ ਸਰੋਤ ਹਾਂ ਤਾਂ ਮੈ ਖੁਸ਼ ਹੋਵਾਂਗਾ। ਮੈਨੂੰ ਲੱਗਦਾ ਹੈ ਕਿ ਨੌਜਵਾਨਾਂ ਲਈ ਚੰਗਾ ਹੈ ਕਿ ਉਹ ਨਸ਼ੇ ਦੀ ਥਾਂ ਖੇਡ ਅਤੇ ਸੰਗੀਤ ਵੱਲ ਰੁਖ਼ ਕਰਨ।
ਰਬਾਬ ਬਾਰੇ ਦੱਸਿਆ ਮੰਜ਼ੂਰ ਨੇ ਕਿਹਾ ਕਿ ਇਹ ਇਤਿਹਾਸਕ ਹਵਾਲਿਆਂ ਵਿਚ ਜ਼ਿਕਰ ਕੀਤੇ ਗਏ ਰਬਾਬ ਦਾ ਇਕ ਨਵਾਂ ਰੂਪ ਹੈ। ਕਾਬੁਲੀ ਰਬਾਬ ਵਜੋਂ ਵੀ ਜਾਣਿਆ ਜਾਂਦਾ ਹੈ। ਇਹ ਸਾਧਨ ਅਫ਼ਗਾਨਿਸਤਾਨ ਦਾ ਰਾਸ਼ਟਰੀ ਸਾਧਨ ਹੈ, ਜਿੱਥੋਂ ਇਸ ਨੇ ਭਾਰਤ ’ਚ ਆਪਣਾ ਰਾਹ ਬਣਾਇਆ ਅਤੇ ਕਸ਼ਮੀਰ ਦੇ ਲੋਕਾਂ ਨੇ ਇਸ ਨੂੰ ਅਪਣਾਇਆ।
