ਭਾਰਤ ਨੇ ਸਪੇਸ ''ਚ ਗੱਡੀ ''ਅੱਖ'' ! ਜਾਣੋ ISRO ਦੇ EOS-05 ''ਚ ਕੀ ਹੈ ਖ਼ਾਸ

ਨੈਸ਼ਨਲ ਡੈਸਕ- ਭਾਰਤੀ ਪੁਲਾੜ ਖੋਜ ਸੰਗਠਨ (ISRO) ਨੇ 4 ਸਤੰਬਰ 2026 ਨੂੰ ਆਪਣੇ ਐਡਵਾਂਸਡ ਅਰਥ ਆਬਜ਼ਰਵੇਸ਼ਨ ਸੈਟੇਲਾਈਟ EOS-05 ਨੂੰ GSLV-F17 ਰਾਕੇਟ ਰਾਹੀਂ ਸਫ਼ਲਤਾਪੂਰਵਕ ਲਾਂਚ ਕੀਤਾ। ਲਗਭਗ 36,000 ਕਿਲੋਮੀਟਰ ਦੀ ਉਚਾਈ 'ਤੇ ਜਿਓਸਟੇਸ਼ਨਰੀ ਆਰਬਿਟ 'ਚ ਸਥਾਪਿਤ ਇਹ ਉਪਗ੍ਰਹਿ ਭਾਰਤ ਦਾ ਪਹਿਲਾ ਅਜਿਹਾ ਇਮੇਜਿੰਗ ਸੈਟੇਲਾਈਟ ਹੈ ਜੋ ਇੱਕੋ ਜਗ੍ਹਾ ਟਿਕ ਕੇ ਪੂਰੇ ਦੱਖਣੀ ਏਸ਼ੀਆਈ ਖੇਤਰ 'ਤੇ ਲਗਾਤਾਰ ਨਜ਼ਰ ਰੱਖੇਗਾ।

ਆਮ ਤੌਰ 'ਤੇ ਹੇਠਲੇ ਆਰਬਿਟ ਦੇ ਉਪਗ੍ਰਹਿ ਕਿਸੇ ਇਲਾਕੇ ਦੇ ਉੱਪਰੋਂ ਲੰਘਣ 'ਚ ਸਮਾਂ ਲੈਂਦੇ ਹਨ, ਪਰ EOS-05 ਧਰਤੀ ਦੀ ਘੁੰਮਣ ਗਤੀ ਦੇ ਨਾਲ ਤਾਲਮੇਲ ਬਣਾ ਕੇ ਰੱਖੇਗਾ। ਇਹ ਹਰ 30 ਮਿੰਟ ਵਿੱਚ ਪੂਰੇ ਭਾਰਤੀ ਉਪ-ਮਹਾਂਦੀਪ ਦੀ ਤਸਵੀਰ ਅਤੇ ਕਿਸੇ ਸੰਕਟ ਦੇ ਸਮੇਂ ਇਲਾਕੇ ਦੀ ਹਰ 5 ਤੋਂ 10 ਮਿੰਟ ਵਿੱਚ ਤਾਜ਼ਾ ਇਮੇਜਿੰਗ ਮੁਹੱਈਆ ਕਰਵਾਏਗਾ। ਇਸ 'ਚ ਮਲਟੀ-ਸਪੈਕਟ੍ਰਲ, ਹਾਈਪਰ-ਸਪੈਕਟ੍ਰਲ ਅਤੇ ਲੌਂਗ-ਵੇਵ ਇਨਫਰਾਰੈੱਡ ਸੈਂਸਰ ਲੱਗੇ ਹਨ। ਇਹ ਸੈਂਸਰ ਦਿਨ ਅਤੇ ਰਾਤ, ਦੋਵੇਂ ਸਮੇਂ ਅਤੇ ਖ਼ਰਾਬ ਮੌਸਮ ਜਾਂ ਬੱਦਲਾਂ ਦੇ ਬਾਵਜੂਦ ਵੀ ਸਾਫ਼ ਤਸਵੀਰਾਂ ਲੈਣ ਦੇ ਸਮਰੱਥ ਹਨ।

ਇਹ ਵੀ ਪੜ੍ਹੋ- ਹੁਣ ਨਹੀਂ ਲੱਗੇਗੀ ਅਮਰੀਕਾ ਦੀ 'ਡੰਕੀ' ! ਬਾਰਡਰ 'ਤੇ ਵੱਡਾ ਕਦਮ ਚੁੱਕਣ ਜਾ ਰਿਹਾ ਟਰੰਪ ਪ੍ਰਸ਼ਾਸਨ

ਇਸ ਤੋਂ ਇਲਾਵਾ EOS-05 ਭਾਰਤ ਦੀ ਖੁਫ਼ੀਆ ਅਤੇ ਫ਼ੌਜੀ ਨਿਗਰਾਨੀ ਦੀ ਸਮਰੱਥਾ ਨੂੰ ਵੀ ਕਾਫ਼ੀ ਮਜ਼ਬੂਤ ਕਰਦਾ ਹੈ। ਇਹ ਸਰਹੱਦੀ ਇਲਾਕਿਆਂ 'ਚ ਫ਼ੌਜੀਆਂ ਦੀ ਹਲਚਲ, ਫ਼ੌਜੀ ਨਿਰਮਾਣ ਅਤੇ ਹਵਾਈ ਜਾਂ ਸਮੁੰਦਰੀ ਜਹਾਜ਼ਾਂ ਦੀਆਂ ਗਤੀਵਿਧੀਆਂ 'ਤੇ ਲਗਾਤਾਰ ਅਤੇ ਨਜ਼ਰ ਰੱਖਣ 'ਚ ਮਦਦਗਾਰ ਸਾਬਿਤ ਹੋਵੇਗਾ। ਇਹ ਭਾਰਤ ਦੀ 'ਪ੍ਰਿਸੀਜ਼ਨ ਸਟ੍ਰਾਈਕ' ਕਰਨ ਦੀ ਸਮਰੱਥਾ ਨੂੰ ਹੋਰ ਜ਼ਿਆਦਾ ਪ੍ਰਭਾਵਸ਼ਾਲੀ ਬਣਾਉਂਦਾ ਹੈ, ਕਿਉਂਕਿ ਫ਼ੌਜ ਨੂੰ ਆਪਣੇ ਟਾਰਗੇਟ ਦੀ ਸਹੀ ਤੇ ਤਾਜ਼ਾ ਸਥਿਤੀ ਦਾ ਤੁਰੰਤ ਪਤਾ ਲੱਗ ਸਕੇਗਾ।

ਦੱਖਣੀ ਏਸ਼ੀਆਈ ਖੇਤਰ, ਜੋ ਕਿ ਅਕਸਰ ਚੱਕਰਵਾਤ, ਹੜ੍ਹ ਅਤੇ ਬਾਦਲ ਫਟਣ ਵਰਗੀਆਂ ਕੁਦਰਤੀ ਆਫ਼ਤਾਂ ਦਾ ਸਾਹਮਣਾ ਕਰਦਾ ਹੈ, EOS-05 ਰੀਅਲ-ਟਾਈਮ ਡਾਟਾ ਭੇਜ ਕੇ ਇਨ੍ਹਾਂ ਆਫ਼ਤਾਂ ਦਾ ਪਹਿਲਾਂ ਤੋਂ ਅੰਦਾਜ਼ਾ ਲਗਾਉਣ ਅਤੇ ਬਚਾਅ ਕਾਰਜਾਂ ਨੂੰ ਤੇਜ਼ ਕਰਨ 'ਚ ਵੱਡੀ ਭੂਮਿਕਾ ਨਿਭਾਏਗਾ।

ਮਾਹਿਰਾਂ ਅਨੁਸਾਰ, ਸਪੇਸ 'ਚ ਭਾਰਤ ਦੀ ਇਸ 'ਅੱਖ' ਦੇ ਨਾਲ ਖੇਤਰ 'ਚ ਰਣਨੀਤਕ ਸੰਤੁਲਨ ਦੇ ਮਾਮਲੇ 'ਚ ਭਾਰਤ ਦਾ ਪਲੜਾ ਭਾਰੀ ਹੋ ਜਾਵੇਗਾ, ਜਿਸ ਨਾਲ ਗੁਆਂਢੀ ਦੇਸ਼ਾਂ ਲਈ ਆਪਣੀਆਂ ਫ਼ੌਜੀ ਹਰਕਤਾਂ ਨੂੰ ਲੁਕਾਉਣਾ ਬੇਹੱਦ ਮੁਸ਼ਕਿਲ ਹੋ ਜਾਵੇਗਾ।

ਇਹ ਵੀ ਪੜ੍ਹੋ- ਭਾਰਤ 'ਤੇ ਮੁੜ ਡਿੱਗੇਗਾ 'ਟੈਰਿਫ਼ ਬੰਬ' ! ਟਰੰਪ ਨੇ 100 ਫ਼ੀਸਦੀ Tariff ਲਗਾਉਣ ਵਾਲੇ ਕਾਨੂੰਨ 'ਤੇ ਕਰ'ਤੇ ਦਸਤਖ਼ਤ

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e