ਡਮੀ ਏਅਰਕ੍ਰਾਫਟ ਨੂੰ ਪਾਕਿ ਨੇ ਸਮਝਿਆ ਰਾਫੇਲ! ਭਾਰਤ ਨੇ ਪਾਕਿਸਤਾਨ ਇੰਝ ਬਣਾਇਆ ਬੇਵਕੂਫ

ਨੈਸ਼ਨਲ ਡੈਸਕ- ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਮਈ 2025 'ਚ ਹੋਏ ਤਣਾਅ ਦੌਰਾਨ ਭਾਰਤੀ ਹਵਾਈ ਫੌਜ ਨੇ ਆਪਰੇਸ਼ਨ ਸਿੰਦੂਰ 'ਚ ਇਕ ਅਨੋਖੀ ਅਤੇ ਚਤੁਰ ਰਣਨੀਤੀ ਅਪਣਾਈ। 9-10 ਮਈ ਦੀ ਰਾਤ ਨੂੰ ਭਾਰਤੀ ਹਫਾਈ ਫੌਜ ਨੇ ਬਿਨਾਂ ਪਾਇਲਟ ਵਾਲੇ ਡਰੋਨ (UAVs) ਦਾ ਇਸਤੇਮਾਲ ਕੀਤਾ, ਜੋ ਸੁਖੋਈ-30 ਅਤੇ ਮਿਗ-29 ਵਰਗੇ ਲੜਾਕੂ ਜਹਾਜ਼ ਦੀ ਤਰ੍ਹਾਂ ਦਿਸਦੇ ਸਨ। 

ਆਮਤੌਰ 'ਤੇ ਭਾਰਤੀ ਫੌਜਾਂ ਆਪਣੇ ਮਿਜ਼ਾਈਲ ਪ੍ਰੀਖਣਾਂ ਦੌਰਾਨ ਟਾਰਗੈੱਟ ਦੀ ਵੱਲ ਇਸਤੇਮਾਲ ਕਰਦੇ ਹਨ। ਇਨ੍ਹਾਂ ਨਕਲੀ ਜਹਾਜ਼ਾਂ ਨੇ ਪਾਕਿਸਤਾਨੀ ਹਫਾਈ ਫੌਜ ਅਤੇ ਉਨ੍ਹਾਂ ਦੇ ਏਅਰ ਡਿਫੈਂਸ ਨੂੰ ਧੋਖਾ ਦਿੱਤਾ, ਜਿਸ ਨਾਲ ਭਾਰਤ ਨੂੰ ਪਾਕਿਸਤਾਨ ਦੇ 11 ਏਅਰਬੇਸ 'ਤੇ ਸਹੀ ਹਮਲੇ ਕਰਨ ਦਾ ਮੌਕਾ ਮਿਲਿਆ। 

ਆਪ੍ਰਸ਼ਨ ਸਿੰਦੂਰ

ਆਪ੍ਰੇਸ਼ਨ ਸਿੰਦੂਰ ਵਿੱਚ, ਭਾਰਤ ਨੇ 6 ਤੋਂ 10 ਮਈ ਤੱਕ ਪਾਕਿਸਤਾਨੀ ਅੱਤਵਾਦੀ ਟਿਕਾਣਿਆਂ ਅਤੇ ਨੂਰ ਖਾਨ, ਸਰਗੋਧਾ ਅਤੇ ਭੋਲਾਰੀ ਹਵਾਈ ਅੱਡਿਆਂ ਵਰਗੇ ਫੌਜੀ ਟਿਕਾਣਿਆਂ 'ਤੇ ਹਮਲਾ ਕੀਤਾ। ਇਨ੍ਹਾਂ ਹਮਲਿਆਂ ਵਿੱਚ 15 ਬ੍ਰਹਮੋਸ ਮਿਜ਼ਾਈਲਾਂ ਦੀ ਵਰਤੋਂ ਕੀਤੀ ਗਈ, ਜਿਸ ਨਾਲ ਪਾਕਿਸਤਾਨ ਦੀ ਹਵਾਈ ਰੱਖਿਆ ਨੂੰ ਭਾਰੀ ਨੁਕਸਾਨ ਪਹੁੰਚਿਆ। ਪਰ ਇਨ੍ਹਾਂ ਹਮਲਿਆਂ ਦੀ ਸਫਲਤਾ ਪਿੱਛੇ ਰਾਜ਼ ਭਾਰਤੀ ਹਵਾਈ ਫੌਜ ਦੀ ਨਵੀਂ ਰਣਨੀਤੀ ਸੀ, ਜਿਸ ਵਿੱਚ ਨਕਲੀ ਡਰੋਨਾਂ ਨੂੰ ਜਹਾਜ਼ਾਂ ਵਾਂਗ ਵਰਤਿਆ ਗਿਆ ਸੀ।

ਭਾਰਤੀ ਹਵਾਈ ਫੌਜ ਨੇ ਮਨੁੱਖ ਰਹਿਤ ਡਰੋਨਾਂ ਨੂੰ ਇਸ ਤਰੀਕੇ ਨਾਲ ਡਿਜ਼ਾਈਨ ਕੀਤਾ ਹੈ ਕਿ ਉਹ ਰਾਡਾਰ ਅਤੇ ਇਨਫਰਾਰੈੱਡ ਸਿਗਨਲਾਂ ਵਿੱਚ ਸੁਖੋਈ-30MKI ਅਤੇ ਮਿਗ-29 ਵਰਗੇ ਲੜਾਕੂ ਜਹਾਜ਼ਾਂ ਵਰਗੇ ਦਿਖਾਈ ਦਿੰਦੇ ਹਨ। ਇਹ ਡਰੋਨ ਪਾਕਿਸਤਾਨ ਦੇ ਹਵਾਈ ਰੱਖਿਆ ਪ੍ਰਣਾਲੀ ਲਈ ਇੱਕ ਅਸਲੀ ਖ਼ਤਰਾ ਜਾਪਦੇ ਸਨ। ਇਸ ਚਾਲ ਨੇ ਹੇਠਾਂ ਲਿਖੇ ਤਰੀਕਿਆਂ ਵਾਂਗ ਕੰਮ ਕੀਤਾ...

- ਪਾਕਿਸਤਾਨ ਨੂੰ ਗੁੰਮਰਾਹ ਕੀਤਾ : ਇਨ੍ਹਾਂ ਨਕਲੀ ਡਰੋਨਾਂ ਨੇ ਪਾਕਿਸਤਾਨ ਦੇ ਚੀਨੀ HQ-9 ਮਿਜ਼ਾਈਲ ਸਿਸਟਮ ਨੂੰ ਐਕਟੀਵੇਟ ਕਰਵਾ ਦਿੱਤਾ। ਪੀਏਐੱਫ ਦੇ ਲੜਾਕੂ ਜਹਾਜ਼ਾਂ ਨੂੰ ਗਲਤ ਥਾਵਾਂ 'ਤੇ ਭੇਜਿਆ ਗਿਆ ਸੀ। ਇਸ ਨਾਲ ਪਾਕਿਸਤਾਨ ਦੇ ਰਾਡਾਰ ਅਤੇ ਕਮਾਂਡ ਸੈਂਟਰ ਦੀ ਸਥਿਤੀ ਦਾ ਪਰਦਾਫਾਸ਼ ਹੋ ਗਿਆ।

- ਰਾਡਾਰ ਨੂੰ ਨਿਸ਼ਾਨਾ ਬਣਾਇਆ ਗਿਆ : ਜਦੋਂ ਪਾਕਿਸਤਾਨ ਨੇ ਆਪਣੇ ਰਾਡਾਰ ਅਤੇ ਮਿਜ਼ਾਈਲ ਪ੍ਰਣਾਲੀਆਂ ਨੂੰ ਐਕਟੀਵੇਟ ਕੀਤਾ, ਤਾਂ IAF ਨੇ ਇਜ਼ਰਾਈਲ ਦੇ ਬਣੇ ਹਾਰੋਪ ਡਰੋਨ (ਜਿਸਨੂੰ "ਆਤਮਘਾਤੀ ਡਰੋਨ" ਵੀ ਕਿਹਾ ਜਾਂਦਾ ਹੈ) ਦੀ ਵਰਤੋਂ ਕੀਤੀ। ਇਹ ਡਰੋਨ ਰਾਡਾਰ ਤਰੰਗਾਂ ਦਾ ਪਿੱਛਾ ਕਰਦੇ ਹਨ ਅਤੇ ਉਨ੍ਹਾਂ ਨੂੰ ਨਸ਼ਟ ਕਰਦੇ ਹਨ।

- ਹਮਲੇ ਦਾ ਰਸਤਾ ਸਾਫ਼ ਕਰਨਾ : ਪਾਕਿਸਤਾਨ ਦੀ ਹਵਾਈ ਰੱਖਿਆ ਕਮਜ਼ੋਰ ਹੋਣ ਤੋਂ ਬਾਅਦ ਭਾਰਤੀ ਹਵਾਈ ਫੌਜ ਨੇ 11 ਏਅਰਬੇਸਾਂ 'ਤੇ ਬ੍ਰਹਮੋਸ ਮਿਜ਼ਾਈਲਾਂ ਨਾਲ ਸਟੀਕ ਹਮਲੇ ਕੀਤੇ, ਜਿਨ੍ਹਾਂ ਵਿੱਚ ਭੋਲਾਰੀ ਅਤੇ ਨੂਰ ਖਾਨ ਵਰਗੇ ਪ੍ਰਮੁੱਖ ਅੱਡੇ ਸ਼ਾਮਲ ਸਨ।