''ਭਾਰਤ ਦੀ ਮੈਟਰੋ ਯੂਰਪ ਨਾਲੋਂ ਬਿਹਤਰ'', ਜਰਮਨ ਬਲਾਗਰ ਨੇ ਕੀਤੀ ਇੰਡੀਅਨ ਟ੍ਰਾਂਸਪੋਰਟ ਦੀ ਤਾਰੀਫ

Tuesday, Apr 01, 2025 - 12:12 PM (IST)

''ਭਾਰਤ ਦੀ ਮੈਟਰੋ ਯੂਰਪ ਨਾਲੋਂ ਬਿਹਤਰ'', ਜਰਮਨ ਬਲਾਗਰ ਨੇ ਕੀਤੀ ਇੰਡੀਅਨ ਟ੍ਰਾਂਸਪੋਰਟ ਦੀ ਤਾਰੀਫ

ਨਵੀਂ ਦਿੱਲੀ- ਜਰਮਨ ਦੇ ਇਕ ਬਲਾਗਰ ਨੇ ਭਾਰਤ ਦੇ ਜਨਤਕ ਆਵਾਜਾਈ, ਖਾਸ ਕਰਕੇ ਦਿੱਲੀ ਅਤੇ ਆਗਰਾ ਦੀ ਮੈਟਰੋ ਦੀ ਪ੍ਰਸ਼ੰਸਾ ਕੀਤੀ ਹੈ। ਵਿਦੇਸ਼ੀ ਦੌਰੇ 'ਤੇ ਆਏ ਐਲੇਕਸ ਵੈਲਡਰ ਨੇ ਆਪਣੀ ਇੰਸਟਾਗ੍ਰਾਮ ਪੋਸਟ ਵਿੱਚ ਭਾਰਤੀ ਮੈਟਰੋ ਦੀ ਪ੍ਰਸ਼ੰਸਾ ਕਰਦੇ ਹੋਏ ਇਸ ਨੂੰ ਪੱਛਮੀ ਯੂਰਪ ਦੀ ਮੈਟਰੋ ਨਾਲੋਂ ਬਿਹਤਰ ਦੱਸਿਆ। ਐਲੇਕਸ ਵੈਲਡਰ ਨੇ ਇੰਸਟਾਗ੍ਰਾਮ 'ਤੇ ਆਪਣੇ 70,000 ਤੋਂ ਵੱਧ ਫਾਲੋਅਰਜ਼ ਨਾਲ ਇਕ ਵੀਡੀਓ ਸ਼ੇਅਰ ਕੀਤਾ, ਜਿਸ 'ਚ ਉਨ੍ਹਾਂ ਨੇ ਦਿੱਲੀ ਅਤੇ ਆਗਰਾ ਵਰਗੇ ਸ਼ਹਿਰਾਂ 'ਚ ਮੈਟਰੋ ਦੀ ਸਫਾਈ ਅਤੇ ਸਹੂਲਤਾਂ ਬਾਰੇ ਹੈਰਾਨੀ ਪ੍ਰਗਟ ਕਰਦੇ ਹੋਏ ਕਿਹਾ ਕਿ ਇਹ ਯੂਰਪ ਦੇ ਕੁਝ ਦੇਸ਼ਾਂ ਨਾਲੋਂ ਬਿਹਤਰ ਹੈ।

 

 
 
 
 
 
 
 
 
 
 
 
 
 
 
 
 

A post shared by Alex Welder (@alexweldertravels)

ਜਰਮਨ ਬਲਾਗਰ ਵੈਲਡਰ ਨੇ ਇਹ ਵੀ ਮੰਨਿਆ ਕਿ ਭਾਰਤ ਆਉਣ ਤੋਂ ਪਹਿਲਾਂ, ਉਨ੍ਹਾਂ ਦੇ ਮਨ ਵਿਚ ਇੰਡੀਅਨ ਟ੍ਰਾਂਸਪੋਰਟ ਬਾਰੇ ਕੁਝ ਨਕਾਰਾਤਮਕ ਧਾਰਨਾਵਾਂ ਸਨ। ਪਰ ਜਦੋਂ ਉਨ੍ਹਾਂ ਨੇ ਦਿੱਲੀ ਅਤੇ ਆਗਰਾ ਵਿੱਚ ਮੈਟਰੋ ਦਾ ਅਨੁਭਵ ਕੀਤਾ ਤਾਂ ਉਨ੍ਹਾਂ ਦੇ ਸਾਰੇ ਵਿਚਾਰ ਅਤੇ ਉਮੀਦਾਂ ਬਦਲ ਗਈਆਂ। ਆਗਰਾ ਅਤੇ ਦਿੱਲੀ ਦੀ ਮੈਟਰੋ ਨੂੰ 'ਬਹੁਤ ਵਧੀਆ ਮੈਟਰੋ ਪ੍ਰਣਾਲੀ' ਦੇ ਰੂਪ ਵਿੱਚ ਦੱਸਦੇ ਹੋਏ, ਵੈਲਡਰ ਨੇ ਭਾਰਤ ਦੀਆਂ ਸਹੂਲਤਾਂ ਜਿਵੇਂ ਪਲੇਟਫਾਰਮ ਸਕ੍ਰੀਨ ਦਰਵਾਜ਼ੇ, ਫੋਨ ਚਾਰਜਿੰਗ ਸਟੇਸ਼ਨ, ਔਰਤਾਂ ਅਤੇ ਬਜ਼ੁਰਗਾਂ ਲਈ ਨਿਰਧਾਰਤ ਸੀਟਾਂ ਦੀ ਤੁਲਨਾ ਜਾਪਾਨ, ਦੱਖਣੀ ਕੋਰੀਆ ਅਤੇ ਚੀਨ ਵਰਗੇ ਦੇਸ਼ਾਂ ਨਾਲ ਕੀਤੀ। 


author

cherry

Content Editor

Related News