ਇੰਦੌਰ ''ਚ ਕੋਵਿਡ-19 ਦੀ ਪ੍ਰਜਾਤੀ ਜ਼ਿਆਦਾ ਘਾਤਕ, AIV ਭੇਜੇ ਜਾਣਗੇ ਨਮੂਨੇ
Sunday, Apr 26, 2020 - 09:32 PM (IST)
ਭੋਪਾਲ— ਮੱਧ ਪ੍ਰਦੇਸ਼ ਦੇ ਇੰਦੌਰ ਦੇ ਡਾਕਟਰਾਂ ਨੇ ਖਦਸ਼ਾਂ ਜਤਾਇਆ ਹੈ ਕਿ ਦੇਸ਼ 'ਚ ਕੋਰੋਨਾ ਵਾਇਰਸ ਦੇ ਪ੍ਰਕੋਪ ਨਾਲ ਸਭ ਤੋਂ ਜ਼ਿਆਦਾ ਪ੍ਰਭਾਵਿਤ ਜ਼ਿਲ੍ਹਿਆਂ 'ਚ ਸ਼ਾਮਲ ਇੰਦੌਰ 'ਚ ਕੋਵਿਡ-19 ਦੀ ਜ਼ਿਆਦਾ ਘਾਤਕ ਪ੍ਰਜਾਤੀ ਦਾ ਪ੍ਰਕਾਰ ਉੱਥੇ ਤਬਾਹੀ ਮਚਾ ਰਿਹਾ ਹੈ। ਇਨ੍ਹਾਂ ਡਾਕਟਰਾਂ ਦਾ ਕਹਿਣਾ ਹੈ ਕਿ ਇੰਦੌਰ ਦੇ ਕੋਵਿਡ-19 ਦੇ ਮਰੀਜ਼ਾਂ ਦੇ ਨਮੂਨਿਆਂ ਨੂੰ ਜਾਂਚ ਦੇ ਲਈ ਐੱਨ. ਆਈ. ਵੀ. ਪੁਣੇ ਭੇਜਿਆ ਜਾਵੇਗਾ ਤਾਂਕਿ ਆਪਣੀ ਇਨ੍ਹਾਂ ਅਸ਼ੰਕਾਵਾਂ ਦੀ ਪੁਸ਼ਟੀ ਕੀਤੀ ਜਾ ਸਕੇ ਕਿ ਇੰਦੌਰ ਸ਼ਹਿਰ ਦੀ ਕੋਵਿਡ-19 ਦੀ ਪ੍ਰਜਾਤੀ ਦਾ ਪ੍ਰਕਾਰ ਦੇਸ਼ ਦੇ ਹੋਰ ਹਿੱਸਿਆਂ 'ਚ ਚੱਲ ਰਹੇ ਕੋਵਿਡ-19 ਤੋਂ ਜ਼ਿਆਦਾ ਘਾਤਕ ਹੈ। ਇੰਦੌਰ ਜ਼ਿਲ੍ਹੇ 'ਚ ਹੁਣ ਤਕ ਕੋਵਿਡ-19 ਨਾਲ 57 ਲੋਕਾਂ ਦੀ ਮੌਤ ਹੋਈ ਹੈ।
