ਬਿਹਾਰ ''ਚ ਦੋ ਪੁੱਤਰਾਂ ਨਾਲ ਮੁਸਲਮਾਨ ਸ਼ਖਸ ਨੇ ਪੂਰੇ ਰੀਤੀ-ਰਿਵਾਜ ਨਾਲ ਅਪਣਾਇਆ ਹਿੰਦੂ ਧਰਮ

ਨਵੀਂ ਦਿੱਲੀ—ਬਿਹਾਰ ਦੇ ਬੇਗੂਸਰਾਏ ਦੇ ਪੋਖਰੀਆ ਵਾਰਡ 39 ਦੇ ਰਹਿਣ ਵਾਲੇ ਪੇਸ਼ੇ ਤੋਂ ਐਡਵੋਕੇਟ ਮੋ.ਅਨਵਰ ਨੇ ਮੰਗਲਵਾਰ ਨੂੰ ਨਗਰ-ਥਾਣਾ ਦੇ ਸਵਾਮੀ ਸਹਜਾਨੰਦ ਨਗਰ ਸਥਿਤ ਸ਼ਿਵ ਮੰਦਰ 'ਚ ਆਪਣੀ ਮਰਜ਼ੀ ਨਾਲ ਆਪਣੇ ਦੋ ਪੁੱਤਰਾਂ ਦੇ ਨਾਲ ਮੁਸਲਿਮ ਧਰਮ ਨੂੰ ਛੱਡ ਕੇ ਹਿੰਦੂ ਧਰਮ ਸਵੀਕਾਰ ਕਰ ਲਿਆ। ਇਸ ਦੇ ਬਾਅਦ ਉਨ੍ਹਾਂ ਨੇ ਧੋਤੀ, ਜਨੇਊ, ਕੁਸ਼ ਦੀ ਅੰਗੂਠੀ ਧਾਰਨ ਕਰਕੇ ਪੂਜਾ-ਪਾਠ ਕੀਤਾ।
ਮੋ. ਅਨਵਰ ਨੇ ਦੱਸਿਆ ਕਿ ਉਨ੍ਹਾਂ ਦੇ ਨਾਲ ਦੋ ਪੁੱਤਰਾਂ ਆਮਿਰ ਸੁਭਾਨੀ ਅਤੇ ਸਮੀਰ ਸੁਭਾਨੀ ਨੇ ਵੀ ਆਪਣਾ ਧਰਮ ਪਰਿਵਰਤਨ ਕੀਤਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਉਹ ਪਹਿਲਾਂ ਤੋਂ ਹੀ ਹਿੰਦੂ ਧਰਮ ਨਾਲ ਪ੍ਰੇਮ ਕਰਦੇ ਰਹੇ ਹਨ। ਮੰਦਰ ਨਿਰਮਾਣ 'ਚ ਚੰਦਾ ਦਿੰਦੇ ਰਹੇ ਹਨ ਤਾਂ ਅੰਤਿਮ ਸੰਸਕਾਰ 'ਚ ਵੀ ਸ਼ਾਮਲ ਹੁੰਦੇ ਹਨ। ਉਹ ਆਪਣੇ ਬੱਚਿਆਂ ਨੂੰ ਅੰਗਰੇਜ਼ੀ ਮੱਧਮ ਸਕੂਲ 'ਚ ਪੜ੍ਹਾਉਂਦੇ ਹਨ ਅਤੇ ਸਾਲ 'ਚ ਸਿਰਫ ਦੋ ਵਾਰ ਹੀ ਨਮਾਜ਼ ਪੜ੍ਹਨ ਲਈ ਮਸਜਿਦ ਜਾਂਦੇ ਸੀ। 
ਮੰਗਲਵਾਰ ਨੂੰ ਕੋਰਟ 'ਚ ਸਹੁੰ ਪੱਤਰ ਦਾਖਲ ਕਰਕੇ ਅਨਵਰ ਨੇ ਆਪਣੀ ਮਰਜ਼ੀ ਨਾਲ ਘਰ ਵਾਪਸੀ ਅਤੇ ਸਨਾਤਨ ਧਰਮ ਕਬੂਲ ਕਰਨ ਦੀ ਗੱਲ ਕਹੀ। ਫਿਰ ਬੀਤੀ ਸ਼ਾਮ ਸ਼ਿਵ ਮੰਦਰ 'ਚ ਵੈਦਿਕ ਮੰਤਰ ਦੇ 'ਚ ਹਿੰਦੂ ਧਰਮ ਅਪਣਾਇਆ। ਅਨਵਰ ਨੇ ਕਿਹਾ ਕਿ ਇਨ੍ਹਾਂ ਗੱਲ੍ਹਾਂ ਨੂੰ ਲੈ ਕੇ ਕੁਝ ਕੱਟੜਪੰਥੀ ਉਨ੍ਹਾਂ ਨੂੰ ਤੰਗ ਕਰਨ ਲੱਗੇ। ਜਦੋਂ ਉਨ੍ਹਾਂ ਦਾ ਉਨ੍ਹਾਂ ਨੇ ਵਿਰੋਧ ਕੀਤਾ ਤਾਂ ਉਹ ਲੋਕ ਇਤਰਾਜ਼ਯੋਗ ਸਾਮਾਨ ਸੁੱਟ ਕੇ ਪਰੇਸ਼ਾਨ ਕਰਨ ਲੱਗੇ। ਬੱਚਿਆਂ ਨਾਲ ਵੀ ਮਾਰਕੁੱਟ ਕੀਤੀ ਜਾਣ ਲੱਗੀ। ਅਨਵਰ ਆਪਣੀ ਸ਼ਿਕਾਇਤ ਲੈ ਕੇ ਬਜਰੰਗ ਦਲ ਦੇ ਕਾਰਜਕਰਤਾਵਾਂ ਦੇ ਕੋਲ ਗਏ। ਬਜਰੰਗ ਦਲ ਦੇ ਕਾਰਜਕਰਤਾਵਾਂ ਨੇ ਉਨ੍ਹਾਂ ਨੂੰ ਸਨਾਤਨ ਧਰਮ ਦੇ ਬਾਰੇ 'ਚ ਦੱਸਿਆ। ਇਸ ਦੇ ਬਾਅਦ ਉਨ੍ਹਾਂ ਨੇ ਹਿੰਦੂ ਧਰਮ ਅਪਣਾਉਣ ਦਾ ਫੈਸਲਾ ਕੀਤਾ।