ਹੈਦਰਾਬਾਦ ’ਚ ਬਣਾਇਆ ਗਿਆ ਦੇਸ਼ ਦਾ ਪਹਿਲਾ ‘ਡਾਗ ਪਾਰਕ’

ਹੈਦਰਾਬਾਦ- ਇਥੇ ਪਾਲਤੂ ਕੁੱਤਿਅਾਂ ਲਈ ਖ਼ਾਸ ‘ਡਾਗ ਪਾਰਕ’ ਦੀ ਉਸਾਰੀ ਕਰਵਾਈ ਗਈ ਹੈ, ਜਿਸ ’ਚ ਹਰ ਤਰ੍ਹਾਂ ਦੀਆਂ ਆਧੁਨਿਕ ਸਹੂਲਤਾਂ ਮੁਹੱਈਅਾ ਹਨ। ਬ੍ਰਹਿਦ ਹੈਦਰਾਬਾਦ ਨਗਰ ਨਿਗਮ (ਜੀ. ਐੱਚ. ਐੱਮ. ਸੀ.) ਨੇ ਕੋਂਡਾਪੁਰ ’ਚ 1.1 ਕਰੋੜ ਰੁਪਏ ਦੀ ਲਾਗਤ ਨਾਲ 1.3 ਏਕੜ ’ਚ ਫੈਲੇ ਇਸ ਪਾਰਕ ਨੂੰ ਵਿਕਸਿਤ ਕੀਤਾ ਹੈ। ਇਸ ਵਿਚ ਵਾਕਿੰਗ ਟਰੈਕ ਅਤੇ ਕਲੀਨਿਕ ਦੀ ਸਹੂਲਤ ਵੀ ਹੈ। ਜਿਥੇ ਇਹ ਪਾਰਕ ਬਣਾਇਆ ਗਿਆ ਹੈ, ਉੱਥੇ ਪਹਿਲਾਂ ਕੂੜੇ ਦਾ ਡੰਪਿੰਗ ਯਾਰਡ ਸੀ।

India's first exclusive dog park has been set up in Hyderabad and will be inaugurated soon. The park offers training & exercise spaces for dogs, splash pools, an amphitheater among others. The park has been certified by The Kennel Club of India. pic.twitter.com/GD6Xctbmh4

— ANI (@ANI) September 17, 2018

ਜੀ. ਐੱਚ. ਐੱਮ. ਸੀ. ਦੀ ਜ਼ੋਨਲ ਕਮਿਸ਼ਨਰ ਡੀ. ਹਰੀਚੰਦਨਾ ਨੇ ਦੱਸਿਆ ਕਿ ਇਸ ਵਿਚ ਕੁੱਤਿਅਾਂ ਨੂੰ ਟ੍ਰੇਨਿੰਗ ਦੇਣ ਵਾਲਾ ਸਾਮਾਨ, ਕਸਰਤ ਦਾ ਸਾਮਾਨ, ਦੋ ਲਾਅਨ, ਵੱਡੇ ਤੇ ਛੋਟੇ ਕੁੱਤਿਆਂ ਲਈ ਵੱਖ-ਵੱਖ ਅਹਾਤਿਅਾਂ ਸਮੇਤ ਹੋਰ ਸਹੂਲਤਾਂ ਹਨ। ਉਨ੍ਹਾਂ ਕਿਹਾ ਕਿ ਇਹ ਦੇਸ਼ ਦਾ ਪਹਿਲਾ ਪ੍ਰਮਾਣਿਤ ਡਾਗ ਪਾਰਕ ਹੈ। ਇਥੇ ਇਕ ਪਸ਼ੂਆਂ ਦਾ ਡਾਕਟਰ, ਕੁੱਤਿਆਂ ਦਾ ਟ੍ਰੇਨਰ, ਮਾਪਦੰਡਾਂ ਅਨੁਸਾਰ ਸਫਾਈ ਤੇ ਕੁੱਤਿਆਂ ਨੂੰ ਮੁਫ਼ਤ ਟੀਕਾਕਰਨ ਦੀ ਵੀ ਸਹੂਲਤ ਹੋਵੇਗੀ। ਇਸ ਪਾਰਕ ਦਾ ਉਦਘਾਟਨ ਅਗਲੇ 10 ਦਿਨਾਂ ’ਚ ਹੋਵੇਗਾ।