ਪਤੀ ਨੇ ਪ੍ਰੇਮੀ ਨਾਲ ਰੰਗੇ ਹੱਥੀਂ ਫੜੀ ਘਰਵਾਲੀ ! ਫ਼ਿਰ ਜੋ ਕੀਤਾ, ਦੇਖ ਹਰ ਕੋਈ ਕਰ ਗਿਆ 'ਤੌਬਾ'

ਨੈਸ਼ਨਲ ਡੈਸਕ : ਉੱਤਰ ਪ੍ਰਦੇਸ਼ ਦੇ ਜੌਨਪੁਰ ਜ਼ਿਲ੍ਹੇ 'ਚ ਰਿਸ਼ਤਿਆਂ ਨੂੰ ਲੈ ਕੇ ਇੱਕ ਹੈਰਾਨੀਜਨਕ ਘਟਨਾ ਸਾਹਮਣੇ ਆਈ ਹੈ, ਜਿੱਥੇ ਇੱਕ ਪਤੀ ਨੇ ਆਪਣੀ ਪਤਨੀ ਨੂੰ ਉਸਦੇ ਪ੍ਰੇਮੀ ਨਾਲ ਮਿਲਣ ਤੋਂ ਨਾ ਰੋਕ ਸਕਣ 'ਤੇ ਉਨ੍ਹਾਂ ਦੋਵਾਂ ਦਾ ਵਿਆਹ ਕਰਵਾ ਦਿੱਤਾ ਤੇ ਉਸਨੂੰ ਵਿਦਾ ਕਰ ਦਿੱਤਾ।
ਕੀ ਹੈ ਪੂਰਾ ਮਾਮਲਾ?
 ਇਹ ਘਟਨਾ ਜੌਨਪੁਰ ਜ਼ਿਲ੍ਹੇ ਦੇ ਸ਼ਾਹਗੰਜ ਕੋਤਵਾਲੀ ਖੇਤਰ ਦੀ ਹੈ। ਸ਼ਾਹਗੰਜ ਕੋਤਵਾਲੀ ਖੇਤਰ ਦੇ ਚਖਾ ਪੱਛਮ ਸ਼ਿਵਪੁਰ ਪਿੰਡ ਦੇ ਗਿਆਨਚੰਦ ਗੌਤਮ ਦਾ ਵਿਆਹ ਜੂਨ 2021 ਵਿੱਚ ਹੁਸੈਨਾਬਾਦ ਪਿੰਡ ਦੀ ਰਵੀਨਾ ਗੌਤਮ ਨਾਲ ਹੋਇਆ ਸੀ।
ਸੂਤਰਾਂ ਅਨੁਸਾਰ ਵਿਆਹ ਤੋਂ ਚਾਰ ਸਾਲ ਬਾਅਦ ਰਵੀਨਾ ਦਾ ਸੰਪਰਕ ਆਪਣੇ ਪਿੰਡ ਦੇ ਪ੍ਰਦੀਪ ਕੁਮਾਰ ਨਾਮਕ ਨੌਜਵਾਨ ਨਾਲ ਹੋ ਗਿਆ। ਫੋਨ ਕਾਲਾਂ ਰਾਹੀਂ ਗੱਲਬਾਤ ਸ਼ੁਰੂ ਹੋਈ ਅਤੇ ਦੋਹਾਂ ਦੀਆਂ ਨਜ਼ਦੀਕੀਆਂ ਵਧ ਗਈਆਂ, ਜਿਸ ਕਾਰਨ ਉਨ੍ਹਾਂ ਦਾ ਪਿਆਰ ਪਰਵਾਨ ਚੜ੍ਹ ਗਿਆ।

ਪਤੀ ਨੇ ਫੜਿਆ ਰੰਗੇਹੱਥੀਂ
ਪਰਿਵਾਰਕ ਮੈਂਬਰਾਂ ਨੇ ਰਵੀਨਾ ਨੂੰ ਮੋਬਾਈਲ 'ਤੇ ਆਪਣੇ ਪ੍ਰੇਮੀ ਨਾਲ ਗੱਲ ਕਰਦੇ ਹੋਏ ਫੜ ਲਿਆ ਅਤੇ ਉਸਨੂੰ ਸਮਝਾਇਆ ਵੀ। ਪਤੀ ਨੇ ਵੀ ਦੋਵਾਂ ਨੂੰ ਰੰਗੇਹੱਥੀਂ ਫੜਿਆ। ਇਸ ਦੌਰਾਨ ਪੀੜਤ ਪਤੀ ਨੇ ਆਪਣੀ ਪਤਨੀ ਅਤੇ ਉਸਦੇ ਪ੍ਰੇਮੀ ਦੀਆਂ ਕੁਝ ਅਸ਼ਲੀਲ ਤਸਵੀਰਾਂ ਵੀ ਦੇਖੀਆਂ, ਜਿਸ ਤੋਂ ਬਾਅਦ ਮਾਮਲਾ ਹੋਰ ਵਧ ਗਿਆ।
ਪਤੀ ਤੇ ਉਸਦੇ ਸਹੁਰੇ ਪਰਿਵਾਰ ਵੱਲੋਂ ਰੋਕਣ 'ਤੇ ਰਵੀਨਾ ਨੇ ਪਤੀ ਨੂੰ ਜਾਨੋਂ ਮਾਰਨ ਦੀ ਜਾਂ ਖੁਦਕੁਸ਼ੀ ਕਰਨ ਦੀ ਧਮਕੀ ਦੇਣੀ ਸ਼ੁਰੂ ਕਰ ਦਿੱਤੀ। ਉਹ ਪ੍ਰੇਮੀ ਪ੍ਰਦੀਪ ਨਾਲ ਰਹਿਣ ਦੀ ਜ਼ਿੱਦ 'ਤੇ ਅੜੀ ਰਹੀ।
ਪਤੀ ਨੇ ਕਰਵਾਇਆ ਪ੍ਰੇਮੀ ਨਾਲ ਵਿਆਹ
 ਪਤਨੀ ਦੀ ਜ਼ਿੱਦ ਦੇ ਚੱਲਦਿਆਂ, ਪਤੀ ਗਿਆਨਚੰਦ ਗੌਤਮ ਨੇ ਇੱਕ ਵੱਡਾ ਫੈਸਲਾ ਲਿਆ। ਉਸਨੇ ਤਲਾਕ ਲੈ ਲਿਆ ਅਤੇ ਪਤਨੀ ਦੇ ਪ੍ਰੇਮੀ ਨੂੰ ਬੁਲਾਇਆ। ਸ਼ਾਹਗੰਜ ਤਹਿਸੀਲ ਕੋਰਟ ਵਿੱਚ ਦੋਵਾਂ ਦੇ ਪਰਿਵਾਰਾਂ ਦੀ ਮੌਜੂਦਗੀ ਵਿੱਚ ਪਤੀ ਨੇ ਆਪਣੀ ਪਤਨੀ ਦਾ ਵਿਆਹ ਉਸਦੇ ਪ੍ਰੇਮੀ ਪ੍ਰਦੀਪ ਨਾਲ ਕਰਵਾ ਦਿੱਤਾ। ਵਿਆਹ ਤੋਂ ਬਾਅਦ ਔਰਤ ਆਪਣੇ ਪ੍ਰੇਮੀ ਦੇ ਘਰ ਚਲੀ ਗਈ। ਔਰਤ ਦਾ ਇੱਕ ਤਿੰਨ ਸਾਲ ਦਾ ਬੱਚਾ ਹੈ, ਜਿਸ ਨੂੰ ਪਤੀ ਨੇ ਲਿਖਾ-ਪੜ੍ਹੀ ਨਾਲ ਉਸਦਾ ਪਾਲਣ-ਪੋਸ਼ਣ ਕਰਨ ਲਈ ਆਪਣੇ ਕੋਲ ਰੱਖ ਲਿਆ ਹੈ। ਇਸ ਅਜੀਬ ਵਿਆਹ ਦੀ ਚਰਚਾ ਜ਼ਿਲ੍ਹੇ ਵਿੱਚ ਜ਼ੋਰਾਂ 'ਤੇ ਹੈ।