ਡਿਊਟੀ 'ਤੇ ਤਾਇਨਾਤ ਹੈੱਡ ਕਾਂਸਟੇਬਲ ਨਾਲ ਵਾਪਰਿਆ ਭਿਆਨਕ ਹਾਦਸਾ, ਮੌਕੇ 'ਤੇ ਹੋ ਗਈ ਦਰਦਨਾਕ ਮੌਤ

ਨੈਸ਼ਨਲ ਡੈਸਕ- ਉੱਤਰ ਪ੍ਰਦੇਸ਼ ਤੋਂ ਇਕ ਬੇਹੱਦ ਦੁਖ਼ਦਾਈ ਖ਼ਬਰ ਸਾਹਮਣੇ ਆ ਰਹੀ ਹੈ, ਜਿੱਥੇ ਮੰਗਲਵਾਰ ਸਵੇਰੇ ਲਗਭਗ 4 ਵਜੇ ਬਰੇਲੀ ਵਿੱਚ ਜੰਕਸ਼ਨ ਸਿਗਨਲ ਤੋਂ 50 ਮੀਟਰ ਦੂਰ ਸੁਭਾਸ਼ ਨਗਰ ਪੁਲਸ ਸਟੇਸ਼ਨ ਦੇ ਸਾਹਮਣੇ ਰੇਲਵੇ ਟਰੈਕ 'ਤੇ ਇੱਕ ਜੀ.ਆਰ.ਪੀ. ਹੈੱਡ ਕਾਂਸਟੇਬਲ ਦੀ ਟ੍ਰੇਨ ਦੀ ਲਪੇਟ ਵਿੱਚ ਆਉਣ ਨਾਲ ਮੌਤ ਹੋ ਗਈ। ਟ੍ਰੇਨ ਡਰਾਈਵਰ ਨੇ ਬਰੇਲੀ ਟ੍ਰੇਨ ਰਨਓਵਰ (ਇੱਕ ਵਿਅਕਤੀ ਦੇ ਉੱਪਰੋਂ ਲੰਘਦੀ ਟ੍ਰੇਨ) ਬਾਰੇ ਜਾਣਕਾਰੀ ਦਿੱਤੀ। 

ਮ੍ਰਿਤਕ ਦੀ ਪਛਾਣ ਹੈੱਡ ਕਾਂਸਟੇਬਲ ਵਿਨੀਤ ਕੁਮਾਰ ਵਜੋਂ ਹੋਈ ਹੈ, ਜੋ ਜੀ.ਆਰ.ਪੀ. ਬਰੇਲੀ ਜੰਕਸ਼ਨ 'ਤੇ ਤਾਇਨਾਤ ਸੀ। ਮੌਕੇ 'ਤੇ ਪਹੁੰਚੇ ਸੀਨੀਅਰ ਪੁਲਸ ਸੁਪਰਡੈਂਟ ਅਨੁਰਾਗ ਆਰੀਆ ਨੇ ਦੱਸਿਆ ਕਿ ਘਟਨਾ ਸਮੇਂ ਹੈੱਡ ਕਾਂਸਟੇਬਲ ਵਿਨੀਤ ਕੁਮਾਰ ਟ੍ਰੇਨ ਡਿਊਟੀ 'ਤੇ ਸੀ। ਮ੍ਰਿਤਕ ਨੇ ਵਰਦੀ ਪਾਈ ਹੋਈ ਸੀ, ਉਸ ਦੀ ਜੇਬ ਵਿੱਚੋਂ ਇੱਕ ਪਿਸਤੌਲ, ਮੋਬਾਈਲ, ਪਰਸ ਤੇ ਇੱਕ ਬੈਗ ਮਿਲਿਆ ਹੈ। 

ਇਹ ਵੀ ਪੜ੍ਹੋ- 'ਕੀ ਦੇਸ਼ ਭਗਤ ਹੋਣਾ ਇੰਨਾ ਔਖਾ ਹੈ ?', ਪਾਕਿ ਦੀ ਪੋਲ ਖੋਲ੍ਹਣ ਗਏ ਖੁਰਸ਼ੀਦ ਦਾ ਛਲਕਿਆ ਦਰਦ

ਮ੍ਰਿਤਕ ਦਾ ਪਰਿਵਾਰ ਹਾਥਰਸ ਪੁਲਸ ਲਾਈਨ ਵਿੱਚ ਰਹਿੰਦਾ ਹੈ, ਜਿਸ ਨੂੰ ਹਾਦਸੇ ਬਾਰੇ ਸੂਚਿਤ ਕਰ ਦਿੱਤਾ ਗਿਆ ਹੈ। ਮ੍ਰਿਤਕ ਮੂਲ ਰੂਪ ਵਿੱਚ ਫਰੂਖਾਬਾਦ ਜ਼ਿਲ੍ਹੇ ਦਾ ਰਹਿਣ ਵਾਲਾ ਸੀ। ਸਰਕਾਰੀ ਪਿਸਤੌਲ, ਗੋਲੀਆਂ, ਪਰਸ, ਮੋਬਾਈਲ, ਟੈਬਲੇਟ, ਬੈਗ, ਸਾਰੀਆਂ ਚੀਜ਼ਾਂ ਨੂੰ ਜੀ.ਆਰ.ਪੀ. ਬਰੇਲੀ ਪੁਲਸ ਸਟੇਸ਼ਨ ਵਿੱਚ ਸੁਰੱਖਿਅਤ ਢੰਗ ਨਾਲ ਜਮ੍ਹਾ ਕਰਵਾ ਦਿੱਤਾ ਗਿਆ ਹੈ ਤੇ ਮਾਮਲੇ ਦੀ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ।

ਇਹ ਵੀ ਪੜ੍ਹੋ- ਖੇਤਾਂ 'ਚ ਪਲਟ ਗਿਆ ਰਿਫਾਈਂਡ ਨਾਲ ਭਰਿਆ ਟੈਂਕਰ, ਬਾਲਟੀਆਂ-ਡੱਬੇ ਲੈ ਕੇ ਪਹੁੰਚ ਗਏ ਪਿੰਡ ਦੇ ਲੋਕ

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e