ਭਾਰਤੀ ਮੁੰਡੇ ਦੇ ਇਸ ਸਾਫਟਵੇਅਰ ਸਦਕਾ ਬੱਚੇ ਅਸ਼ਲੀਲ ਸਾਈਟਾਂ ਤੋਂ ਰਹਿਣਗੇ ਦੂਰ

01/22/2020 4:28:25 PM

ਸੋਨੀਪਤ (ਬਿਊਰੋ): ਹਰਿਆਣਾ ਦੇ ਸੋਨੀਪਤ ਜ਼ਿਲੇ ਦੇ ਡੀ.ਏ.ਵੀ. ਸਕੂਲ ਵਿਚ ਪੜ੍ਹਨ ਵਾਲੇ ਵਿਦਿਆਰਥੀ ਪਰਿਤੋਸ਼ ਦਹੀਆ ਨੇ ਬੱਚਿਆਂ ਨੂੰ ਅਸ਼ਲੀਲ ਸਾਈਟਾਂ ਤੋਂ ਦੂਰ ਰੱਖਣ ਲਈ ਇਕ ਚਾਈਲਡ ਸੇਫ ਵੈਬ ਬ੍ਰਾਊਜ਼ਰ ਤਿਆਰ ਕੀਤਾ ਹੈ।ਇੰਟਰਨੈੱਟ 'ਤੇ ਅਸ਼ਲੀਲ ਅਤੇ ਡਾਰਕਨੈੱਟ ਸਾਈਟਾਂ ਤੋਂ ਪ੍ਰਭਾਵਿਤ ਹੋ ਰਹੇ ਬਚਪਨ ਨੂੰ ਬਚਾਉਣ ਲਈ ਪਰਿਤੋਸ਼ ਨੂੰ ਰਾਸ਼ਟਰਪਤੀ ਰਾਮਨਾਥ ਕੋਵਿੰਦ ਵੱਲੋਂ ਬਾਲ ਸ਼ਕਤੀ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਜਾਵੇਗਾ ਜੋ ਕਿ ਸੋਨੀਪਤ ਲਈ ਹੀ ਨਹੀਂ ਸਗੋਂ ਪੂਰੇ ਹਰਿਆਣਾ ਲਈ ਵੱਡੀ ਉਪਲਬਧੀ ਹੈ।

PunjabKesari

ਇੱਥੇ ਦੱਸ ਦਈਏ ਕਿ ਪਰਿਤੋਸ਼ ਦਹੀਆ ਨੇ ਨਾਬਾਲਗ ਬੱਚਿਆਂ ਨੂੰ ਇੰਟਰਨੈੱਟ ਦੇ ਬੁਰੇ ਪ੍ਰਭਾਵਾਂ ਤੋਂ ਬਚਾਉਣ ਲਈ ਚਾਈਲਡ ਸੇਫ ਵੈਬ ਬ੍ਰਾਊਜ਼ਰ ਬਣਾਇਆ ਹੈ, ਜਿਸ ਦੇ ਤਹਿਤ ਕੋਈ ਵੀ ਨਾਬਾਲਗ ਮਤਲਬ 18 ਸਾਲ ਤੋਂ ਘੱਟ ਉਮਰ ਦਾ ਬੱਚਾ ਐਡਲਟ ਸਾਈਟ ਨਹੀਂ ਖੋਲ੍ਹ ਸਕੇਗਾ।

PunjabKesari

ਪਰਿਤੋਸ਼ ਦੀ ਇਸ ਉਪਲਬਧੀ 'ਤੇ ਉਸ ਦੀ ਮਾਂ ਗੀਤਾ ਦਹੀਆ ਨੇ ਦੱਸਿਆ ਕਿ ਉਹਨਾਂ ਦਾ ਬੇਟਾ ਸੋਨੀਪਤ ਦੇ ਡੀ.ਏ.ਵੀ. ਸਕੂਲ ਦਾ ਵਿਦਿਆਰਥੀ ਹੈ ਅਤੇ ਉਹ 2 ਸਾਲ ਤੋਂ ਇਸ ਪੂਰੇ ਪ੍ਰਾਜੈਕਟ 'ਤੇ ਕੰਮ ਕਰ ਰਿਹਾ ਸੀ। ਪਰਿਤੋਸ਼ ਦੀ ਇਸ ਉਪਲਬਧੀ ਨਾਲ ਪੂਰੇ ਪਰਿਵਾਰ ਵਿਚ ਖੁਸ਼ੀ ਦਾ ਮਾਹੌਲ ਹੈ।

PunjabKesari

ਉੱਥੇ ਮਾਂ ਗੀਤਾ ਦਾ ਕਹਿਣਾ ਹੈ ਕਿ ਉਸ ਦੀ ਇੱਛਾ ਹੈ ਕਿ ਪਰਿਤੋਸ਼ ਦੇਸ਼ ਲਈ ਹੋਰ ਚੰਗੇ ਪ੍ਰਾਜੈਕਟਾਂ 'ਤੇ ਕੰਮ ਕਰੇ ਅਤੇ ਦੇਸ਼ ਦਾ ਨਾਮ ਰੋਸ਼ਨ ਕਰੇ।


Vandana

Content Editor

Related News