ਗੀਜ਼ਰ ਬਣਿਆ ਕਾਲ ; ਨਹਾਉਂਦੇ-ਨਹਾਉਂਦੇ ਬੁਝ ਗਿਆ ਘਰ ਦਾ ਚਿਰਾਗ ! ਵੱਡੇ ਦੀ ਵੀ ਹਾਲਤ ਨਾਜ਼ੁਕ

ਬਦਾਯੂੰ: ਉੱਤਰ ਪ੍ਰਦੇਸ਼ ਦੇ ਬਦਾਯੂੰ ਜ਼ਿਲ੍ਹੇ ਤੋਂ ਇਕ ਬੇਹੱਦ ਮੰਦਭਾਗੀ ਖ਼ਬਰ ਸਾਹਮਣੇ ਆਈ ਹੈ, ਜਿੱਥੇ ਗੈਸ ਗੀਜ਼ਰ ਲੀਕ ਹੋਣ ਕਾਰਨ ਦਮ ਘੁੱਟਣ ਨਾਲ ਇਕ 4 ਸਾਲਾ ਬੱਚੇ ਦੀ ਮੌਤ ਹੋ ਗਈ ਅਤੇ ਉਸ ਦਾ ਵੱਡਾ ਭਰਾ ਜ਼ਿੰਦਗੀ ਅਤੇ ਮੌਤ ਦੀ ਲੜਾਈ ਲੜ ਰਿਹਾ ਹੈ।

ਹਾਦਸੇ ਦਾ ਵੇਰਵਾ

ਇਹ ਘਟਨਾ ਸ਼ੁੱਕਰਵਾਰ ਦੁਪਹਿਰ ਕਰੀਬ 2 ਵਜੇ ਕੋਤਵਾਲੀ ਸਦਰ ਖੇਤਰ ਦੇ ਮੁਹੱਲਾ ਸ਼ਹਿਬਾਜ਼ਪੁਰ 'ਚ ਵਾਪਰੀ। ਮੁਹੰਮਦ ਸਲੀਮ ਦਾ ਪਰਿਵਾਰ ਬਰੇਲੀ ਰੋਡ 'ਤੇ ਸਥਿਤ ਰਾਏ ਸਾਹਿਬ ਦੀ ਧਰਮਸ਼ਾਲਾ ਨੇੜੇ ਆਪਣੇ ਕਾਰਖਾਨੇ ਦੇ ਉੱਪਰ ਰਹਿੰਦਾ ਹੈ। ਸਲੀਮ ਦੇ 2 ਪੁੱਤਰ, ਅਯਾਨ (11 ਸਾਲ) ਅਤੇ ਰਿਆਨ (4 ਸਾਲ) ਨਹਾਉਣ ਲਈ ਬਾਥਰੂਮ 'ਚ ਗਏ ਸਨ, ਜਿੱਥੇ ਗੈਸ ਗੀਜ਼ਰ ਲੱਗਾ ਹੋਇਆ ਸੀ।

ਬੇਹੋਸ਼ੀ ਦੀ ਹਾਲਤ 'ਚ ਮਿਲੇ ਬੱਚੇ

ਜਦੋਂ ਕਾਫੀ ਦੇਰ ਤੱਕ ਬੱਚੇ ਬਾਹਰ ਨਾ ਨਿਕਲੇ ਤਾਂ ਉਨ੍ਹਾਂ ਦੀ ਮਾਂ ਰੁਖਸਾਰ ਨੇ ਦਰਵਾਜ਼ਾ ਖੜਕਾਇਆ। ਅੰਦਰੋਂ ਕੋਈ ਜਵਾਬ ਨਾ ਮਿਲਣ 'ਤੇ ਰੁਖਸਾਰ ਦੇ ਚੀਕਣ ਦੀ ਆਵਾਜ਼ ਸੁਣ ਕੇ ਸਲੀਮ ਅਤੇ ਆਸ-ਪਾਸ ਦੇ ਲੋਕ ਇਕੱਠੇ ਹੋ ਗਏ। ਲੋਕਾਂ ਨੇ ਮਿਲ ਕੇ ਦਰਵਾਜ਼ਾ ਤੋੜਿਆ ਤਾਂ ਅੰਦਰ ਦੋਵੇਂ ਬੱਚੇ ਬੇਹੋਸ਼ ਪਏ ਸਨ।

ਇਕ ਦੀ ਮੌਤ, ਦੂਜਾ ਬਰੇਲੀ ਰੈਫਰ

ਦੋਵਾਂ ਬੱਚਿਆਂ ਨੂੰ ਤੁਰੰਤ ਜ਼ਿਲ੍ਹਾ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਇਲਾਜ ਦੌਰਾਨ 4 ਸਾਲਾ ਰਿਆਨ ਦੀ ਮੌਤ ਹੋ ਗਈ। 11 ਸਾਲਾ ਅਯਾਨ ਦੀ ਹਾਲਤ ਗੰਭੀਰ ਹੋਣ ਕਾਰਨ ਉਸ ਨੂੰ ਬਰੇਲੀ ਦੇ ਹਸਪਤਾਲ 'ਚ ਰੈਫਰ ਕੀਤਾ ਗਿਆ ਹੈ। ਕੋਤਵਾਲੀ ਸਦਰ ਦੇ ਇੰਚਾਰਜ ਇੰਸਪੈਕਟਰ ਸੰਜੇ ਸਿੰਘ ਨੇ ਪੁਸ਼ਟੀ ਕੀਤੀ ਹੈ ਕਿ ਬੱਚੇ ਦੀ ਮੌਤ ਗੈਸ ਗੀਜ਼ਰ ਕਾਰਨ ਦਮ ਘੁੱਟਣ ਨਾਲ ਹੋਈ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e