ਦਿੱਲੀ ਦੇ ਵਾਟਰ ਟ੍ਰੀਟਮੈਂਟ ਪਲਾਂਟਾਂ 'ਚ ਦਾਖਲ ਹੋਇਆ ਪਾਣੀ, ਪੀਣ ਵਾਲੇ ਪਾਣੀ ਦੀ ਹੋ ਸਕਦੀ ਹੈ ਕਿੱਲਤ

ਨਵੀਂ ਦਿੱਲੀ- ਦਿੱਲੀ 'ਚ ਯਮੁਨਾ ਦੇ ਪਾਣੀ ਦਾ ਪੱਧਰ ਵੀਰਵਾਰ ਸਵੇਰੇ ਵੱਧ ਕੇ 208.48 ਮੀਟਰ 'ਤੇ ਪਹੁੰਚ ਗਿਆ, ਜਿਸ ਕਾਰਨ ਆਲੇ-ਦੁਆਲੇ ਦੀਆਂ ਸੜਕਾਂ, ਜਨਤਕ ਅਤੇ ਨਿੱਜੀ ਬੁਨਿਆਦੀ ਢਾਂਚੇ ਪਾਣੀ 'ਚ ਸਮਾ ਗਏ ਹਨ ਅਤੇ ਨਦੀ ਦੇ ਨੇੜੇ ਰਹਿਣ ਵਾਲੇ ਲੋਕਾਂ ਨੂੰ ਭਾਰੀ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪਿਆ। ਪੁਰਾਣੇ ਰੇਲਵੇ ਪੁੱਲ 'ਤੇ ਬੁੱਧਵਾਰ ਰਾਤ ਨੂੰ 208 ਮੀਟਰ ਦੇ ਨਿਸ਼ਾਨ ਨੂੰ ਪਾਰ ਕਰ ਗਿਆ ਸੀ ਅਤੇ ਵੀਰਵਾਰ ਸਵੇਰੇ 8 ਵਜੇ ਤਕ ਵੱਧ ਕੇ 208.48 ਮੀਟਰ ਤਕ ਪਹੁੰਚ ਗਿਆ। ਕੇਂਦਰੀ ਜਲ ਕਮਿਸ਼ਨ ਮੁਤਾਬਕ, ਇਸਦੇ ਹੋਰ ਵਧਣ ਦਾ ਖਦਸ਼ਾ ਹੈ, ਉਸਨੇ ਇਸਨੂੰ 'ਗੰਭੀਰ ਸਥਿਤੀ' ਕਰਾਰ ਦਿੱਤਾ ਹੈ।

यमुना नदी में जलस्तर बढ़ने से आज कई वॉटर ट्रीटमेंट प्लांट बंद करने पड़े हैं। यमुना किनारे बने वज़ीराबाद वॉटर ट्रीटमेंट प्लांट का आज मैंने खुद दौरा किया। जैसे ही स्थिति यहाँ सामान्य होगी हम इसे जल्द शुरू करेंगे। pic.twitter.com/x1OSudFNBN

— Arvind Kejriwal (@ArvindKejriwal) July 13, 2023

ਪੀਣ ਵਾਲੇ ਪਾਣੀ ਦੀ ਹੋ ਸਕਦੀ ਹੈ ਕਿੱਲਤ

ਯਮੁਨਾ ਦੇ ਪਾਣੀ ਦਾ ਪੱਧਰ ਵਧਣ ਕਾਰਨ ਵਾਟਰ ਟ੍ਰੀਟਮੈਂਟ ਪਲਾਂਟ 'ਚ ਹੜ੍ਹ ਦਾ ਪਾਣੀ ਦਾਖਲ ਹੋ ਗਿਆ ਹੈ। ਇਸ ਬਾਰੇ ਜਲ ਬੋਰਡ ਦੇ ਅਧਿਕਾਰੀ ਮੋਟਰ ਨੂੰ ਸੁਰੱਖਿਅਤ ਰੱਖਣ ਦੀ ਕੋਸ਼ਿਸ਼ 'ਚ ਲੱਗੇ ਹੋਏ ਹਨ। ਉਥੇ ਹੀ ਪਾਣੀ ਦੀਆਂ ਮੋਟਰਾਂ ਦੇ ਰੱਖ-ਰਖਾਅ ਕਾਰਨ ਦਿੱਲੀ 'ਚ ਪੀਣ ਵਾਲੇ ਪਾਣੀ ਦੀ ਸਮੱਸਿਆ ਹੋ ਸਕੀਦ ਹੈ। ਹੜ੍ਹ ਦਾ ਪਾਣੀ ਵਜ਼ੀਰਾਬਾਦ ਅਤੇ ਚੰਦਰਾਵਲ ਤਕ ਪਹੁੰਚ ਗਿਆ ਹੈ।

ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਟਵੀਟ ਕਰਕੇ ਕਿਹਾ ਕਿ ਯਮੁਨਾ ਦੇ ਪਾਣੀ ਦਾ ਪੱਧਰ ਵਧਣ ਕਾਰਨ ਅੱਜ ਕਈ ਪਾਣੀ ਸ਼ੁੱਧੀਕਰਨ ਪਲਾਂਟ (water purification plant) ਬੰਦ ਕਰਨੇ ਪਏ ਹਨ। ਯਮੁਨਾ ਕਿਨਾਰੇ ਬਣੇ ਵਜ਼ੀਰਾਬਾਦ ਵਾਟਰ ਪਲਾਂਟ ਦਾ ਅੱਜ ਮੈਂ ਖੁਦ ਦੌਰਾ ਕੀਤਾ। ਜਿਵੇਂ ਹੀ ਸਥਿਤੀ ਇਥੇ ਆਮ ਹੋਵੇਗੀ ਅਸੀਂ ਇਸਨੂੰ ਜਲਦੀ ਸ਼ੁਰੂ ਕਰਾਂਗੇ। ਉਨ੍ਹਾਂ ਕਿਹਾ ਕਿ ਯਮੁਨਾ 'ਚ ਵਧਦੇ ਪਾਣੀ ਦੇ ਪੱਧਰ ਕਾਰਨ ਵਜ਼ੀਰਾਬਾਦ, ਚੰਦਰਾਵਲ ਅਤੇ ਓਖਲਾ ਵਾਟਰ ਪਿਊਰੀਫਿਕੇਸ਼ਨ ਪਲਾਂਟਾਂ ਨੂੰ ਬੰਦ ਕਰਨਾ ਪਿਆ ਹੈ। ਉਨ੍ਹਾਂ ਕਿਹਾ ਕਿ ਇਸ ਕਾਰਨ ਦਿੱਲੀ ਦੇ ਕੁਝ ਇਲਾਕਿਆਂ 'ਚ ਪਾਣੀ ਦੀ ਪਰੇਸ਼ਾਨੀ ਹੋਵੇਗੀ। ਜਿਵੇਂ ਹੀ ਯਮੁਨਾ ਦਾ ਪਾਣੀ ਘੱਟ ਹੋਵੇਗਾ, ਇਨ੍ਹਾਂ ਨੂੰ ਜਲਦ ਤੋਂ ਜਲਦ ਚਾਲੂ ਕਰਨ ਦੀ ਕੋਸ਼ਿਸ਼ ਕਰਾਂਗੇ।