ਆਖ਼ਰ ਕਿਵੇਂ ਲੱਗ ਗਈ ONGC ਦੇ ਤੇਲ ਦੇ ਖੂਹ ''ਚ ਇੰਨੀ ਭਿਆਨਕ ਅੱਗ? ਚੌਥੇ ਦਿਨ ਵੀ ਰਾਹਤ ਕਾਰਜ ਜਾਰੀ

ਅਮਰਾਵਤੀ : ਆਂਧਰਾ ਪ੍ਰਦੇਸ਼ ਦੇ ਡਾਕਟਰ ਬੀ.ਆਰ. ਅੰਬੇਡਕਰ ਕੋਨਾਸੀਮਾ ਜ਼ਿਲ੍ਹੇ ਵਿੱਚ ਓਐੱਨਜੀਸੀ (ONGC) ਦੇ 'ਮੋਰੀ-5' (Mori-5) ਤੇਲ ਖੂਹ 'ਚ ਲੱਗੀ ਅੱਗ ਵੀਰਵਾਰ ਨੂੰ ਲਗਾਤਾਰ ਚੌਥੇ ਦਿਨ ਵੀ ਜਾਰੀ ਰਹੀ। ਇਹ ਹਾਦਸਾ ਮਲਕੀਪੁਰਮ ਮੰਡਲ ਦੇ ਇਰੁਸੁਮੰਡਾ ਪਿੰਡ ਵਿੱਚ ਵਾਪਰਿਆ ਹੈ, ਜਿੱਥੇ ਓਐੱਨਜੀਸੀ ਦੀਆਂ ਟੀਮਾਂ ਬਲੋਆਊਟ (Blowout) ਨੂੰ ਕਾਬੂ ਕਰਨ ਲਈ ਦਿਨ-ਰਾਤ ਜਤਨ ਕਰ ਰਹੀਆਂ ਹਨ।

ਕਿਵੇਂ ਵਾਪਰਿਆ ਹਾਦਸਾ?
ਜਾਣਕਾਰੀ ਅਨੁਸਾਰ, ਇਹ ਧਮਾਕਾ ਸੋਮਵਾਰ ਦੁਪਹਿਰ ਨੂੰ ਉਸ ਸਮੇਂ ਹੋਇਆ ਜਦੋਂ ਖੂਹ ਦੀ ਮੁਰੰਮਤ ਦਾ ਕੰਮ ਚੱਲ ਰਿਹਾ ਸੀ। ਅਚਾਨਕ ਕੱਚੇ ਤੇਲ ਅਤੇ ਗੈਸ ਦੇ ਮਿਸ਼ਰਣ ਦੇ ਜ਼ੋਰਦਾਰ ਰਿਸਾਅ ਕਾਰਨ ਅੱਗ ਦੀਆਂ ਉੱਚੀਆਂ ਲਪਟਾਂ ਨਿਕਲਣ ਲੱਗੀਆਂ। ਇਸ ਕਾਰਨ ਪੂਰੇ ਇਲਾਕੇ ਵਿੱਚ ਸੰਘਣੀ ਧੁੰਦ ਵਾਂਗ ਗੈਸ ਅਤੇ ਧੂੰਆਂ ਫੈਲ ਗਿਆ, ਜਿਸ ਨਾਲ ਪਿੰਡ ਵਾਸੀਆਂ ਵਿੱਚ ਦਹਿਸ਼ਤ ਦਾ ਮਾਹੌਲ ਪੈਦਾ ਹੋ ਗਿਆ।

ਬਚਾਅ ਕਾਰਜ ਜਾਰੀ
ਓਐੱਨਜੀਸੀ ਦੇ ਅਧਿਕਾਰੀਆਂ ਅਨੁਸਾਰ ਹੁਣ ਅੱਗ ਤੇ ਇਸ ਦੀ ਗਰਮੀ 'ਚ ਕੁਝ ਕਮੀ ਆਈ ਹੈ, ਜਿਸ ਕਾਰਨ ਬਚਾਅ ਕਰਮਚਾਰੀ ਖੂਹ ਦੇ 10 ਮੀਟਰ ਹੋਰ ਨੇੜੇ ਪਹੁੰਚਣ 'ਚ ਸਫਲ ਹੋ ਗਏ ਹਨ। ਅੱਗ 'ਤੇ ਕਾਬੂ ਪਾਉਣ ਲਈ ਲਗਾਤਾਰ ਪਾਣੀ ਦੀ ਬੁਛਾੜ ਕੀਤੀ ਜਾ ਰਹੀ ਹੈ। ਓਐੱਨਜੀਸੀ ਦੀ ਕਰਾਈਸਿਸ ਮੈਨੇਜਮੈਂਟ ਟੀਮ ਨੇ ਮਲਬਾ ਹਟਾਉਣ ਲਈ ਖੂਹ ਦੇ ਪਿਛਲੇ ਪਾਸੇ ਤੋਂ ਇੱਕ ਵੱਖਰੀ ਪਹੁੰਚ ਸੜਕ ਤਿਆਰ ਕਰ ਲਈ ਹੈ। ਇਸ ਤੋਂ ਇਲਾਵਾ, ਖੂਹ ਨੂੰ ਬੰਦ ਕਰਨ (Capping) ਦੀ ਪ੍ਰਕਿਰਿਆ ਸ਼ੁਰੂ ਕਰਨ ਲਈ ਉੱਥੇ ਪਾਣੀ ਦੀ ਇੱਕ ਪਰਤ (Water Blanket) ਤਿਆਰ ਕੀਤੀ ਗਈ ਹੈ।

#WATCH | Dr. B.R. Ambedkar Konaseema District, Andhra Pradesh: An Incident of gas leak during the workover operations at Well Mori number 5 occured in Irusumanda village of Malkipuram mandal yesterday. No injury or loss of life reported.

Visuals from the location today. The… pic.twitter.com/6cVqFBbbD7

— ANI (@ANI) January 6, 2026

ਲੋਕਾਂ ਦੀ ਸੁਰੱਖਿਆ
ਪ੍ਰਸ਼ਾਸਨ ਵੱਲੋਂ ਸਾਵਧਾਨੀ ਦੇ ਤੌਰ 'ਤੇ ਪਹਿਲਾਂ ਪਿੰਡ ਦੇ 500 ਤੋਂ ਵੱਧ ਲੋਕਾਂ ਨੂੰ ਰਾਹਤ ਕੈਂਪਾਂ ਵਿੱਚ ਭੇਜਿਆ ਗਿਆ ਸੀ। ਹਾਲਾਂਕਿ, ਹੁਣ ਸਥਿਤੀ ਦੇ ਕੰਟਰੋਲ 'ਚ ਹੋਣ ਤੇ ਕਿਸੇ ਵੱਡੇ ਖਤਰੇ ਦੀ ਸੰਭਾਵਨਾ ਨਾ ਹੋਣ ਕਾਰਨ, ਲੋਕਾਂ ਨੂੰ ਵਾਪਸ ਆਪਣੇ ਘਰਾਂ ਨੂੰ ਜਾਣ ਅਤੇ ਆਮ ਗਤੀਵਿਧੀਆਂ ਸ਼ੁਰੂ ਕਰਨ ਦੀ ਸਲਾਹ ਦਿੱਤੀ ਗਈ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਅੱਗ ਨੂੰ ਪੂਰੀ ਤਰ੍ਹਾਂ ਬੁਝਾਉਣ ਵਿੱਚ ਅਜੇ ਕੁਝ ਹੋਰ ਦਿਨ ਲੱਗ ਸਕਦੇ ਹਨ, ਪਰ ਸਥਿਤੀ 'ਤੇ ਲਗਾਤਾਰ ਨਜ਼ਰ ਰੱਖੀ ਜਾ ਰਹੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e