ਜੈਸਲਮੇਰ ''ਚ ''ਤੇਜਸ'' ਫਾਈਟਰ ਜੈੱਟ ਕ੍ਰੈਸ਼ ਹੋਣ ਤੋਂ ਪਹਿਲਾਂ ਪਾਇਲਟ ਨੇ ਇੰਝ ਬਚਾਈ ਆਪਣੀ ਜਾਨ, ਸਾਹਮਣੇ ਆਈ ਵੀਡੀਓ

ਪੋਕਰਨ- ਰਾਜਸਥਾਨ ਦੇ ਪੋਕਰਨ 'ਚ ਮੰਗਲਵਾਰ ਨੂੰ ਭਾਰਤੀ ਹਵਾਈ ਫੌਜ ਦਾ ਇਕ 'ਤੇਜਸ' ਫਾਈਟਰ ਜੈੱਟ ਟ੍ਰੇਨਿੰਗ ਦੌਰਾਨ ਕ੍ਰੈਸ਼ ਹੋ ਗਿਆ। ਇਹ ਹਾਦਸਾ ਮੰਗਲਵਾਰ ਦੁਪਹਿਰ ਕਰੀਬ 2 ਵਜੇ ਵਾਪਰਿਆ। ਜੈੱਟ ਕ੍ਰੈਸ਼ ਹੋ ਕੇ ਜੈਸਲਮੇਰ ਸ਼ਹਿਰ ਤੋਂ 2 ਕਿਲੋਮੀਟਰ ਦੂਰ ਜਵਾਹਰ ਨਗਰ ਸਥਿਤ ਹੋਸਟਲ 'ਤੇ ਜਾ ਡਿੱਗਾ। ਹਾਲਾਂਕਿ, ਪਾਇਲਟ ਨੇ ਐਨ ਮੌਕੇ 'ਤੇ ਇਜੈੱਕਟ ਹੋ ਕੇ ਆਪਣੀ ਜਾਨ ਬਚਾਅ ਲਈ। ਭਾਰਤੀ ਹਵਾਈ ਫੌਜ ਨੇ ਕੋਰਟ ਆਫ ਇਨਕਵਾਇਰੀ ਦੇ ਆਦੇਸ਼ ਦੇ ਦਿੱਤੇ ਹਨ। 

Indian fighter jet crashes during exercises
A supersonic HAL Tejas Indian Air Force fighter jet crashed in Rajasthan state on Tuesday - the first ever crash involving the model - with the pilot able to safely eject before impact according to local media. pic.twitter.com/KXhEpyW2Dq

— Dan Mutungi (@dannmuts) March 12, 2024

ਇਸ ਘਟਨਾ ਦੀ ਇਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਸਾਂਝੀ ਕੀਤੀ ਜਾ ਰਹੀ ਹੈ। ਵੀਡੀਓ 'ਚ ਪਾਇਲਟ ਨੂੰ ਜੈੱਟ ਤੋਂ ਇਜੈੱਕਟ ਹੋ ਕੇ ਨਿਕਲਦੇ ਅਤੇ ਜੈੱਟ ਨੂੰ ਘੱਟ ਉਚਾਈ ਤੋਂ ਡਿੱਗਦੇ ਦੇਖਿਆ ਜਾ ਸਕਦਾ ਹੈ। ਕੈਮਰੇ ਦੇ ਫਰੇਮ 'ਚ 'ਤੇਜਸ' ਫਾਈਟਰ ਜੈੱਟ ਨੂੰ ਵੀ ਦੇਖਿਆ ਸਕਦਾ ਹੈ। ਇਸ ਵਿਚਕਾਰ ਪਾਇਲਟ ਪੈਰਾਸ਼ੂਟ ਖੋਲ੍ਹਦਾ ਹੈ ਅਤੇ ਜ਼ਮੀਨ ਵੱਲ ਉਤਰਦਾ ਹੈ।

ਏਅਰ ਫੋਰਸ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਭਾਰਤੀ ਹਵਾਈ ਫੌਜ ਦੇ ਫਾਈਟਰ ਜਹਾਜ਼ 'ਚ ਇਕ ਹੀ ਪਾਇਲਟ ਸੀ। ਜੈੱਟ ਦੇ ਕ੍ਰੈਸ਼ ਹੋਣ ਤੋਂ ਪਹਿਲਾਂ ਉਹ ਇਜੈੱਕਟ ਹੋ ਗਿਆ ਸੀ। ਉਸਨੂੰ ਹਸਪਤਾਲ 'ਚ ਦਾਖਲ ਕਰਵਾ ਦਿੱਤਾ ਗਿਆ ਹੈ।