ਸ਼ਿਮਲਾ ਦੇ ਹੋਟਲ ''ਚ ਧਮਾਕਾ, ਮਚੀ ਹੱਲਚੱਲ

ਸ਼ਿਮਲਾ— ਰਾਜਧਾਨੀ ਸ਼ਿਮਲਾ ਦੇ ਇਕ ਹੋਟਲ 'ਚ ਬਲਾਸਟ ਨੇ ਪੁਲਸ ਦੀ ਨੀਂਦ ਉਡਾ ਦਿੱਤੀ ਹੈ। ਸ਼ਿਮਲਾ ਦੇ ਚੱਕਰ 'ਚ ਇਕ ਹੋਟਲ 'ਚ ਧਮਾਕਾ ਹੋਇਆ ਅਤੇ ਹੇਠਲੀ ਮੰਜ਼ਿਲ ਦੀਆਂ ਖਿੜਕੀਆਂ ਦਰਵਾਜ਼ੇ ਟੁੱਟ ਗਏ। ਹੋਟਲ ਦੇ ਮਾਲਕ ਮੁਤਾਬਕ ਸਵੇਰੇ ਕਰੀਬ 5 ਵਜੇ ਇਕ ਧਮਾਕੇ ਦੀ ਆਵਾਜ਼ ਸੁਣਾਈ ਦਿੱਤੀ, ਜਿਸ ਦੇ ਬਾਅਦ ਚਾਰ ਮੰਜ਼ਿਲਾਂ ਇਸ ਹੋਟਲ ਦੀਆਂ ਦੀਵਾਰਾਂ ਤੱਕ ਨੂੰ ਨੁਕਸਾਨ ਪਹੁੰਚਾਇਆ। ਪੁਲਸ ਮੁਤਾਬਕ ਇਹ ਧਮਾਕਾ ਗੈਸ ਸਿਲੰਡਰ ਦੇ ਲੀਕ ਕਾਰਨ ਹੋਇਆ ਹੈ। ਇਸ ਹਾਦਸੇ 'ਚ ਕੋਈ ਵੀ ਨੁਕਸਾਨ ਨਹੀਂ ਹੋਇਆ ਹੈ। ਜਦੋਂ ਧਮਾਕਾ ਹੋਇਆ ਉਸ ਸਮੇਂ ਰਸੋਈ 'ਚ ਕੋਈ ਮੌਜੂਦ ਨਹੀਂ ਸੀ, ਅਜਿਹੇ 'ਚ ਇਕ ਵੱਡਾ ਹਾਦਸਾ ਹੋਣ ਤੋਂ ਬਚ ਗਿਆ। ਰਸੋਈ ਦੇ ਅੰਦਰ ਤਿੰਨ ਸਿਲੰਡਰ ਰੱਖੇ ਹੋਏ ਸੀ। ਦੋ ਗੈਸ ਦੇ ਸਿਲੰਡਰ ਖਾਲੀ ਸੀ ਅਤੇ ਇਕ ਸਿਲੰਡਰ ਲੀਕ ਦੇ ਬਾਅਦ ਧਮਾਕਾ ਹੋਇਆ। ਇਹ ਹੋਟਲ ਚੱਕਰ ਜ਼ਿਲਾ ਅਦਾਲਤ ਦੇ ਨਾਲ ਹੀ ਹੈ। ਪਹਿਲੇ ਇਹ ਕਿਸੇ ਨੂੰ ਵੀ ਸਮਝ ਨਹੀਂ ਆ ਰਿਹਾ ਸੀ ਕਿ ਧਮਾਕਾ ਕਿਸ ਕਾਰਨ ਹੋਇਆ ਹੈ।