ਖੇੜਾ ''ਚ ਧਰੁਵ ਹੈਲੀਕਾਪਟਰ ਦੀ ਐਮਰਜੈਂਸੀ ਲੈਂਡਿੰਗ, ਸਵਾਰ ਸਨ ਕਮਾਂਡਰ ਕਾਨਫਰੰਸ ''ਚ ਸ਼ਾਮਲ ਹੋਏ ਅਧਿਕਾਰੀ
03/07/2021 2:17:01 AM
ਅਹਿਮਦਾਬਾਦ : ਗੁਜਰਾਤ ਦੇ ਖੇੜਾ ਜ਼ਿਲ੍ਹੇ ਵਿੱਚ ਸ਼ਨੀਵਾਰ ਸ਼ਾਮ ਇੱਕ ਵੱਡਾ ਹਾਦਸਾ ਹੋਣ ਤੋਂ ਟਲ ਗਿਆ, ਜਿੱਥੇ ਵਕਤ ਰਹਿੰਦੇ ਫੌਜ ਦੇ ਹੈਲੀਕਾਪਟਰ ਦੀ ਐਮਰਜੈਂਸੀ ਲੈਂਡਿੰਗ ਕਰਾ ਦਿੱਤੀ ਗਈ। ਇਸ ਹੈਲੀਕਾਪਟਰ ਵਿੱਚ ਲੈਫਟਿਨੈਂਟ ਜਨਰਲ ਸਮੇਤ ਤਿੰਨ ਅਧਿਕਾਰੀ ਸ਼ਾਮਿਲ ਸਨ ਪਰ ਉਡਾਣ ਦੇ ਕੁੱਝ ਹੀ ਦੇਰ ਬਾਅਦ ਇਸ ਵਿੱਚ ਤਕਨੀਕੀ ਖਰਾਬੀ ਆ ਗਈ। ਇਸ ਘਟਨਾ ਵਿੱਚ ਕਿਸੇ ਦੇ ਜਖ਼ਮੀ ਹੋਣ ਦੀ ਖਬਰ ਨਹੀਂ ਹੈ। ਬਾਅਦ ਵਿੱਚ ਫੌਜ ਦੀ ਤਕਨੀਕੀ ਟੀਮ ਨੇ ਮੌਕੇ 'ਤੇ ਪਹੁੰਚ ਕੇ ਖਰਾਬੀ ਨੂੰ ਦੂਰ ਕੀਤਾ।
ਸ਼ਨੀਵਾਰ ਨੂੰ ਕੇਵੜੀਆ ਵਿੱਚ ਆਯੋਜਿਤ ਕਮਾਂਡਰ ਕਾਨਫਰੰਸ ਦਾ ਆਖਰੀ ਦਿਨ ਸੀ। ਜਿਸ ਦੇ ਖਤਮ ਹੋਣ ਤੋਂ ਬਾਅਦ ਤਿੰਨ ਅਧਿਕਾਰੀ ਨਰਮਦਾ ਜ਼ਿਲ੍ਹੇ ਤੋਂ ਐਡਵਾਂਸ ਲਾਈਟ ਹੈਲੀਕਾਪਟਰ ਧਰੁਵ ਦੇ ਜਰੀਏ ਅਹਿਮਦਾਬਾਦ ਜਾ ਰਹੇ ਸਨ, ਉਦੋਂ ਖੇੜਾ ਜ਼ਿਲ੍ਹੇ ਵਿੱਚ ਉਸਦੇ ਅੰਦਰ ਤਕਨੀਕੀ ਖਰਾਬੀ ਦਾ ਪਤਾ ਚੱਲਿਆ। ਜਿਸ ਦੇ ਨਾਲ ਬਾਅਦ ਵੀਨਾ ਪਿੰਡ ਵਿੱਚ ਐਮਰਜੈਂਸੀ ਲੈਂਡਿੰਗ ਕਰਵਾਈ ਗਈ। ਅਧਿਕਾਰੀਆਂ ਤੋਂ ਇਲਾਵਾ ਇੱਕ ਪਾਈਲਟ ਅਤੇ ਇੱਕ ਟੈਕਨੀਸ਼ੀਅਨ ਵੀ ਇਸ ਵਿੱਚ ਸਵਾਰ ਸਨ, ਜੋ ਪੂਰੀ ਤਰ੍ਹਾਂ ਸੁਰੱਖਿਅਤ ਹਨ।
ਫੌਜ ਵਲੋਂ ਜਾਰੀ ਬਿਆਨ ਮੁਤਾਬਕ ਇਸ ਵਿੱਚ ਫੌਜੀ ਟ੍ਰੇਨਿੰਗ ਕਮਾਂਡ ਦੇ ਹੈੱਡ ਲੈਫਟੀਨੈਂਟ ਜਨਰਲ ਰਾਜ ਸ਼ੁਕਲਾ, ਏਅਰ ਫੋਰਸ ਦੇ ਦੱਖਣੀ ਵੈਸਟਰਨ ਏਅਰ ਕਮਾਂਡ ਦੇ ਚੀਫ ਏਅਰ ਮਾਰਸ਼ਲ ਐੱਸ.ਕੇ. ਘੋਟਿਆ ਉਡਾਣ ਭਰ ਰਹੇ ਸਨ। ਇਸ ਦੌਰਾਨ ਹੈਲੀਕਾਪਟਰ ਵਿੱਚ ਹਾਇਡਰਾਲਿਕ ਆਇਲ ਲੀਕੇਜ ਕਾਰਨ ਇਸ ਨੂੰ ਖੇੜਾ ਜ਼ਿਲ੍ਹੇ ਵਿੱਚ ਨਾਡਿਆਡ ਅਤੇ ਮਹੁਧਾ ਦੇ ਵਿੱਚ ਵੀਨਾ ਪਿੰਡ ਵਿੱਚ ਉਤਾਰਨਾ ਪਿਆ। ਇਹ ਲੈਂਡਿੰਗ ਇੱਕ ਖਾਲੀ ਖੇਤ ਵਿੱਚ ਹੋਈ, ਜਿੱਥੇ ਕੋਈ ਮੌਜੂਦ ਨਹੀਂ ਸੀ। ਨਾਲ ਹੀ ਇਸ ਜਗ੍ਹਾ ਦੀ ਦੂਰੀ ਅਹਿਮਦਾਬਾਦ ਤੋਂ 30 ਕਿਲੋਮੀਟਰ ਹੈ।
ਨੋਟ- ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਬਾਕਸ ਵਿੱਚ ਦਿਓ ਜਵਾਬ।
