ਦਿੱਲੀ: ਦਰਿਆਗੰਜ ਦੇ ਟਾਇਲਟ ''ਚੋਂ ਮਿਲਿਆ 50 ਲੀਟਰ ਤੇਜ਼ਾਬ, ਸਵਾਤੀ ਮਾਲੀਵਾਲ ਨੇ ਕਰਮਚਾਰੀਆਂ ਨੂੰ ਪਾਈ ਝਾੜ

ਨਵੀਂ ਦਿੱਲੀ- ਦਿੱਲੀ ਮਹਿਲਾ ਕਮਿਸ਼ਨ (ਡੀ.ਸੀ.ਡਬਲਯੂ.) ਦੀ ਮੁਖੀ ਸਵਾਤੀ ਮਾਲੀਵਾਲ ਦੀ ਅਗਵਾਈ ਹੇਠ ਅਚਨਚੇਤ ਨਿਰੀਖਣ ਦੌਰਾਨ ਮੱਧ ਦਿੱਲੀ ਦੇ ਦਰਿਆਗੰਜ ਇਲਾਕੇ 'ਚ ਇਕ ਜਨਤਕ ਟਾਇਲਟ 'ਚ ਖੁੱਲ੍ਹੇ 'ਚ ਰੱਖਿਆ ਲਗਭਗ 50 ਲੀਟਰ ਤੇਜ਼ਾਬ ਜ਼ਬਤ ਕੀਤਾ ਗਿਆ। ਅਧਿਕਾਰੀਆਂ ਨੇ ਸ਼ੁੱਕਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਨਿਰੀਖਣ ਵੀਰਵਾਰ ਦੇਰ ਰਾਤ ਨੂੰ ਕੀਤਾ ਗਿਆ ਸੀ। ਮਾਲੀਵਾਲ ਨੇ ਟਵੀਟ ਰਾਹੀਂ ਇਕ ਵੀਡੀਓ ਸਾਂਝੀ ਕੀਤੀ, ਜਿਸ ਵਿਚ ਉਹ ਜਨਤਕ ਟਾਇਲਟ 'ਚ ਤੇਜ਼ਾਬ ਪਾਏ ਜਾਣ 'ਤੇ ਕਰਮਚਾਰੀਆਂ ਅਤੇ ਪ੍ਰਬੰਧਨ ਨੂੰ ਝਾੜ ਪਾਉਂਦੀ ਨਜ਼ਰ ਆ ਰਹੀ ਹੈ।

कल रात दरियागंज में टॉयलेट निरीक्षण में जो पाया उसे देख आप भी स्तब्ध रह जाएँगे। सेंट्रल दिल्ली के टॉयलेट में खुले में 50 लीटर #Acid पड़ा मिला। सोचो कितनी ज़िंदगीयां बर्बाद हो सकती थी। पुलिस को बुलाके तेज़ाब ज़ब्त करवाया। MCD से इसका जवाब लेंगे और दोषियों पर कार्यवाही होगी। pic.twitter.com/tFH9g6tg5M

— Swati Maliwal (@SwatiJaiHind) April 7, 2023

ਮਾਲੀਵਾਲ ਨੇ ਹਿੰਦੀ 'ਚ ਟਵੀਟ ਕੀਤਾ ਕਿ ਕੱਲ੍ਹ ਰਾਤ ਦਰਿਆਗੰਜ 'ਚ ਜਨਤਕ ਟਾਇਲਟ ਨਿਰੀਖਣ 'ਚ ਜੋ ਪਾਇਆ ਉਸ ਨੂੰ ਦੇਖ ਕੇ ਤੁਸੀਂ ਵੀ ਦੰਗ ਰਹਿ ਜਾਓਗੇ। ਮੱਧ ਦਿੱਲੀ ਦੇ ਟਾਇਲਟ 'ਚ ਖੁੱਲ੍ਹੇ 'ਚ 50 ਲੀਟਰ ਤੇਜ਼ਾ ਪਿਆ ਮਿਲਿਆ। ਸੋਚੋ ਕਿੰਨੀਆਂ ਜ਼ਿੰਦਗੀਆਂ ਬਰਬਾਦ ਹੋ ਸਕਦੀਆਂ ਸਨ। ਪੁਲਸ ਨੂੰ ਬੁਲਾ ਕੇ ਤੇਜ਼ਾਬ ਜ਼ਬਤ ਕਰਵਾਇਆ। ਅਸੀਂ ਦਿੱਲੀ ਨਗਰ ਨਿਗਮ (ਐੱਮ.ਡੀ.ਸੀ.) ਤੋਂ ਇਸਦਾ ਜਵਾਬ ਮੰਗਾਂਗੇ ਅਤੇ ਦੋਸ਼ੀਆਂ 'ਤੇ ਕਾਰਵਾਈ ਹੋਵੇਗੀ।