ਚੱਕਰਵਾਤ ਯਾਸ: ਕੋਲਕਾਤਾ ਏਅਰਪੋਰਟ 'ਤੇ ਉਡਾਣਾਂ ਮੁਅੱਤਲ, ਪਟੜੀਆਂ ਨਾਲ ਬੰਨ੍ਹੇ ਗਏ ਟਰੇਨਾਂ ਦੇ ਪਹੀਏ

ਕੋਲਕਾਤਾ - ਬੰਗਾਲ ਵਿੱਚ ਚੱਕਰਵਾਤੀ ਤੂਫਾਨ ਯਾਸ ਦੇ ਆਉਣ ਦੀ ਵਜ੍ਹਾ ਨਾਲ ਕੋਲਕਾਤਾ ਏਅਰਪੋਰਟ 'ਤੇ ਉਡਾਣਾਂ ਨੂੰ ਮੁਅੱਤਲ ਕੀਤੇ ਜਾਣ ਦਾ ਐਲਾਨ ਕੀਤਾ ਗਿਆ ਹੈ। ਕੋਲਕਾਤਾ ਦੇ ਨੇਤਾਜੀ ਸੁਭਾਸ਼ ਚੰਦਰ ਬੋਸ ਇੰਟਰਨੈਸ਼ਨਲ ਏਅਰਪੋਰਟ 'ਤੇ ਚੱਕਰਵਾਤ ਦੀ ਵਜ੍ਹਾ ਨਾਲ ਸਾਰੀਆਂ ਉਡਾਣਾਂ ਸਵੇਰੇ ਸਾਢੇ ਅੱਠ ਵਜੇ ਤੋਂ ਲੈ ਕੇ ਬੁੱਧਵਾਰ ਰਾਤ ਪੌਣੇ ਅੱਠ ਵਜੇ ਤੱਕ ਮੁਅੱਤਲ ਰਹਿਣਗੀਆਂ। ਇਸ ਦੇ ਨਾਲ ਹੀ, ਰੇਲਵੇ ਨੇ ਵੀ ਟਰੇਨਾਂ ਦੇ ਪਹੀਏ ਨੂੰ ਸੰਗਲ ਨਾਲ ਬੰਨ੍ਹ ਦਿੱਤਾ ਹੈ, ਤਾਂਕਿ ਇਨ੍ਹਾਂ ਟਰੇਨਾਂ 'ਤੇ ਤੂਫਾਨ ਦਾ ਅਸਰ ਨਾ ਹੋਵੇ। 

ਇਹ ਵੀ ਪੜ੍ਹੋ- ਬਿਹਾਰ 'ਚ ਜਨਾਨੀ ਨਾਲ ਹੈਵਾਨੀਅਤ, ਗੈਂਗਰੇਪ ਤੋਂ ਬਾਅਦ ਨਗਨ ਹਾਲਤ 'ਚ ਬਿਜਲੀ ਦੇ ਖੰਭੇ ਨਾਲ ਲਟਕਾਇਆ

ਕੋਲਕਾਤਾ ਏਅਰਪੋਰਟ ਦੇ ਅਧਿਕਾਰਤ ਟਵਿੱਟਰ ਅਕਾਉਂਟ ਨੇ ਟਵੀਟ ਕੀਤਾ, ਭਾਰਤੀ ਮੌਸਮ ਵਿਭਾਗ ਦੁਆਰਾ ਚੱਕਰਵਾਤ ਯਾਸ ਨੂੰ ਲੈ ਕੇ ਜਾਰੀ ਕੀਤੀ ਗਈ ਚਿਤਾਵਨੀ ਨੂੰ ਵੇਖਦੇ ਹੋਏ ਕੋਲਕਾਤਾ ਏਅਰਪੋਰਟ 'ਤੇ 26 ਮਈ ਨੂੰ ਸਵੇਰੇ 8:30 ਤੋਂ ਸ਼ਾਮ 7:45 ਤੱਕ ਸਾਰੇ ਉਡਾਣ ਸੇਵਾਵਾਂ ਬੰਦ ਰਹਿਣਗੀਆਂ। ਇਸ ਤੋਂ ਇਲਾਵਾ, ਇੰਡੀਗੋ ਏਅਰਲਾਇੰਸ ਨੇ ਵੀ ਟਵੀਟ ਕਰ ਚੱਕਰਵਾਤ ਤੂਫਾਨ ਦੀ ਵਜ੍ਹਾ ਨਾਲ ਉਨ੍ਹਾਂ ਦੀਆਂ ਉਡਾਣ ਸੇਵਾਵਾਂ ਦੇ ਪ੍ਰਭਾਵਿਤ ਰਹਿਣ ਦੀ ਜਾਣਕਾਰੀ ਦਿੱਤੀ।

ਇਹ ਵੀ ਪੜ੍ਹੋ- 'ਕਾਲਾ ਦਿਵਸ' ਮਨਾਉਣ 'ਤੇ ਅੜੇ ਪ੍ਰਦਰਸ਼ਨਕਾਰੀ ਕਿਸਾਨ, ਦਿੱਲੀ ਪੁਲਸ ਨੇ ਦਿੱਤੀ ਚਿਤਾਵਨੀ

ਚੱਕਰਵਾਤ ਤੂਫਾਨ ਯਾਸ ਓਡਿਸ਼ਾ ਅਤੇ ਬੰਗਾਲ ਵਿੱਚ ਕਿਨਾਰੀ ਇਲਾਕਿਆਂ ਨੂੰ ਪ੍ਰਭਾਵਿਤ ਕਰੇਗਾ। ਇਸ ਵਜ੍ਹਾ ਨਾਲ ਦੋਨਾਂ ਰਾਜਾਂ ਦੇ ਕਈ ਜ਼ਿਲ੍ਹਿਆਂ ਵਿੱਚ ਤੇਜ਼ ਰਫ਼ਤਾਰ ਨਾਲ ਹਵਾਵਾਂ ਚੱਲਣਗੀਆਂ ਅਤੇ ਸਮੁੰਦਰ ਵਿੱਚ ਹਾਈ ਟਾਇਡ ਆਵੇਗਾ। ਦੋਨਾਂ ਰਾਜਾਂ ਵਿੱਚ ਕਿਨਾਰੀ ਇਲਾਕਿਆਂ ਵਿੱਚ ਰਹਿਣ ਵਾਲੇ ਲੋਕਾਂ ਨੂੰ ਸੁਰੱਖਿਅਤ ਸਥਾਨ 'ਤੇ ਪਹੁੰਚਾਇਆ ਜਾ ਚੁੱਕਾ ਹੈ। ਬੰਗਾਲ ਜੰਗਲ ਵਿਭਾਗ ਨੇ ਰਾਹਤ ਅਤੇ ਬਚਾਅ ਕੰਮਾਂ ਲਈ ਤਿੰਨ ਜ਼ਿਲ੍ਹਿਆਂ ਵਿੱਚ 16 ਦਲਾਂ ਦਾ ਗਠਨ ਕੀਤਾ ਹੈ। ਇੱਕ ਉੱਚ ਅਧਿਕਾਰੀ ਨੇ ਮੰਗਲਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਉਨ੍ਹਾਂ ਦੱਸਿਆ ਕਿ ਕੋਲਕਾਤਾ, ਉੱਤਰ ਅਤੇ ਦੱਖਣ 24 ਪਰਗਨਾ ਵਿੱਚ ਇਨ੍ਹਾਂ ਦਲਾਂ ਦਾ ਗਠਨ ਕੀਤਾ ਗਿਆ ਹੈ।  

ਇਹ ਵੀ ਪੜ੍ਹੋ- ਨਵਾਂ ਖ਼ਤਰਾ! ਪਾਣੀ 'ਚ ਮਿਲਿਆ ਕੋਰੋਨਾ ਵਾਇਰਸ, PGI ਟੈਸਟ 'ਚ ਖੁਲਾਸਾ

ਪਟਰੀਆਂ ਨਾਲ ਬੰਨ੍ਹੇ ਗਏ ਟ੍ਰੇਨ ਦੇ ਪਹੀਏ
ਬੰਗਾਲ ਵਿੱਚ ਤੂਫਾਨ ਦੇ ਆਉਣ ਤੋਂ ਪਹਿਲਾਂ ਸਾਰੇ ਪੁਖਤਾ ਪ੍ਰਬੰਧ ਕਰ ਲਏ ਗਏ ਹਨ। ਅਜਿਹੇ ਵਿੱਚ ਕਿਸੇ ਵੀ ਅਣਸੁਖਾਵੀਂ ਘਟਨਾ ਤੋਂ ਬਚਣ ਲਈ ਰੇਲਵੇ ਨੇ ਕੁੱਝ ਟਰੇਨਾਂ ਦੇ ਪਹੀਏ ਨੂੰ ਰੇਲਵੇ ਟ੍ਰੈਕ ਨਾਲ ਜੰਜੀਰਾਂ ਦੀ ਮਦਦ ਨਾਲ ਬੰਨ੍ਹ ਦਿੱਤਾ ਹੈ। ਕੋਲਕਾਤਾ ਦੇ ਸਿਆਲਦਹ ਰੇਲਵੇ ਸਟੇਸ਼ਨ 'ਤੇ ਰੇਲਕਰਮੀਆਂ ਨੇ ਟ੍ਰੇਨ ਨੂੰ ਪਟੜੀਆਂ ਨਾਲ ਬੰਨ੍ਹ ਦਿੱਤਾ। ਇਸ ਤੋਂ ਇਲਾਵਾ, ਹਾਵੜਾ ਦੇ ਸ਼ਾਲੀਮਾਰ ਰੇਲਵੇ ਸਟੇਸ਼ਨ 'ਤੇ ਵੀ ਰੇਲਵੇ ਸਟਾਫ ਨੇ ਟ੍ਰੇਨ ਦੇ ਪਹੀਏ ਨੂੰ ਚੰਗੇ ਤਰੀਕੇ ਨਾਲ ਪਟੜੀਆਂ ਨਾਲ ਬੰਨ੍ਹ ਦਿੱਤਾ।

ਨੋਟ- ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਬਾਕਸ ਵਿੱਚ ਦਿਓ ਜਵਾਬ।