ਕ੍ਰਿਕਟ ਮੈਚ 'ਚ 'ਇਕ ਰਨ' ਪਿੱਛੇ ਪੈ ਗਿਆ ਰੌਲ਼ਾ ! ਬਹਿਸ ਮਗਰੋਂ ਅੰਪਾਇਰ ਦੇ ਭਰਾ ਦਾ ਚਾਕੂ ਮਾਰ ਕੇ ਕਤਲ

ਵਿਸ਼ਾਖਾਪਟਨਮ- ਆਂਧਰਾ ਪ੍ਰਦੇਸ਼ ਦੇ ਵਿਸ਼ਾਖਾਪਟਨਮ 'ਚ ਇਕ ਨਿੱਜੀ ਜ਼ਮੀਨ ਕੋਲ 2 ਸਥਾਨਕ ਟੀਮਾਂ ਵਿਚਾਲੇ ਕ੍ਰਿਕਟ ਮੈਚ ਦੌਰਾਨ ਇਕ ਦੌੜ ਨੂੰ ਲੈ ਕੇ ਹੋਏ ਵਿਵਾਦ 'ਚ ਇਕ ਨੌਜਵਾਨ ਦਾ ਕਤਲ ਕਰ ਦਿੱਤਾ ਗਿਆ। ਪੁਲਸ ਦੇ ਇਕ ਅਧਿਕਾਰੀ ਨੇ ਮੰਗਲਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਪੁਲਸ ਅਨੁਸਾਰ, ਐਤਵਾਰ ਨੂੰ ਮੈਚ ਦੌਰਾਨ ਇਕ ਦੌੜ ਨੂੰ ਲੈ ਕੇ ਖਿਡਾਰੀਆਂ ਵਿਚਾਲੇ ਤਿੱਖੀ ਬਹਿਸ ਛਿੜ ਗਈ, ਜਿਸ ਨੂੰ ਮੈਚ ਦੇ ਅੰਪਾਇਰ ਚਿਰੰਜੀਵੀ ਦੇ ਦਖ਼ਲ ਤੋਂ ਬਾਅਦ ਸੁਲਝਾ ਲਿਆ ਗਿਆ। 

ਅਧਿਕਾਰੀ ਨੇ ਦੱਸਿਆ ਕਿ ਬਹਿਸ ਤੋਂ ਬਾਅਦ, ਸ਼ਾਮ ਨੂੰ ਦੋਸ਼ੀ ਕੇ. ਕਿਸ਼ੋਰ (26) ਨੇ ਅੰਪਾਇਰ ਦੇ ਭਰਾ ਅਜੀਤ (23) 'ਤੇ ਹਮਲਾ ਕੀਤਾ ਅਤੇ ਉਸੇ ਮੁੱਦੇ 'ਤੇ ਹੋਈ ਇਕ ਹੋਰ ਕਹਾਸੁਣੀ ਤੋਂ ਬਾਅਦ ਚਾਕੂ ਨਾਲ ਉਸ ਦੀ ਛਾਤੀ 'ਤੇ ਵਾਰ ਕਰ ਦਿੱਤਾ। ਪੁਲਸ ਨੇ ਦੱਸਿਆ ਕਿ ਮੁੰਡਾ ਇਕ ਨਿੱਜੀ ਫੋਟੋਗ੍ਰਾਫਰ ਹੈ ਅਤੇ ਉਸ ਨੇ ਇਕ ਦੌੜ ਨੂੰ ਲੈ ਕੇ ਅੰਪਾਇਰ ਨਾਲ ਬਹਿਸ ਕੀਤੀ ਸੀ। ਅਧਿਕਾਰੀ ਨੇ ਦੱਸਿਆ ਕਿ ਜਦੋਂ ਦੋਵਾਂ ਪੱਖਾਂ ਦਾ ਬਾਅਦ 'ਚ ਮੁੜ ਤੋਂ ਆਹਮਣਾ ਸਾਹਮਣਾ ਹੋਇਆ ਤਾਂ ਬਹਿਸ ਹੱਥੋਪਾਈ 'ਚ ਬਦਲ ਗਈ, ਜਿਸ ਕਾਰਨ ਘਾਤਕ ਹਮਲਾ ਹੋਇਆ। ਪੁਲਸ ਨੇ ਦੱਸਿਆ ਕਿ ਅਜੀਤ ਨੂੰ ਜ਼ਖ਼ਮੀ ਹਾਲਤ 'ਚ ਹਸਪਤਾਲ 'ਚ ਲਿਜਾਇਆ ਗਿਆ ਪਰ ਇਲਾਜ ਦੌਰਾਨ ਉਸ ਦੀ ਮੌਤ ਹੋ ਗਈ। ਪੁਲਸ ਨੇ ਘਟਨਾ ਦੇ ਸਿਲਸਿਲੇ 'ਚ ਇਕ ਮਾਮਲਾ ਦਰਜ ਕੀਤਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e