ਕਾਰਪੋਰੇਟ ਦਿੱਗਜਾਂ ਨੇ ਸੁਰਾਂ ਦੀ ਮਲਿਕਾ ਲਤਾ ਦੀਦੀ ਨੂੰ ਦਿੱਤੀ ਸ਼ਰਧਾਂਜਲੀ

ਨਵੀਂ ਦਿੱਲੀ - ਕਾਰਪੋਰੇਟ ਦਿੱਗਜਾਂ ਨੇ ਐਤਵਾਰ ਨੂੰ ਸਵਰਾ ਕੋਕਿਲਾ ਲਤਾ ਮੰਗੇਸ਼ਕਰ ਨੂੰ ਸ਼ਰਧਾਂਜਲੀ ਦਿੰਦੇ ਹੋਏ ਕਿਹਾ ਕਿ ਦੇਸ਼ ਨੇ ਅੱਜ ਇਕ ਮਹਾਨ ਸ਼ਖਸੀਅਤ ਨੂੰ ਗੁਆ ਦਿੱਤਾ ਹੈ। ਆਰ.ਪੀ. ਸੰਜੀਵ ਗੋਇਨਕਾ ਗਰੁੱਪ ਦੇ ਚੇਅਰਮੈਨ ਸੰਜੀਵ ਗੋਇਨਕਾ ਨੇ ਕਿਹਾ ਕਿ ਲਤਾ ਜੀ ਦਾ ਸੰਗੀਤ ਆਉਣ ਵਾਲੇ ਸਾਲਾਂ ਵਿੱਚ ਵੀ ਸਾਰਿਆਂ ਨੂੰ ਮੋਹਿਤ ਕਰਦਾ ਰਹੇਗਾ। ਆਰ.ਪੀ. ਗੋਇਨਕਾ ਗਰੁੱਪ ਸਭ ਤੋਂ ਪੁਰਾਣੇ ਸੰਗੀਤ ਲੇਬਲ ਸਾਰੇਗਾਮਾ ਦਾ ਮਾਲਕ ਹੈ।

ਗੋਇਨਕਾ ਨੇ ਕਿਹਾ, ''ਲਤਾ ਜੀ ਅਤੇ ਮੇਰੀ ਮਾਂ ਇਕ-ਦੂਜੇ ਦੀਆਂ ਭੈਣਾਂ ਵਾਂਗ ਸਨ। ਉਹ ਸਾਡੇ ਪਰਿਵਾਰ ਲਈ ਇੱਕ ਸੱਚੀ ਪ੍ਰੇਰਨਾ ਸੀ। ਭਾਵੇਂ ਉਹ ਅੱਜ ਨਹੀਂ ਰਹੇ, ਪਰ ਉਨ੍ਹਾਂ ਦਾ ਸੰਗੀਤ ਸਾਨੂੰ ਆਉਣ ਵਾਲੇ ਸਾਲਾਂ ਤੱਕ ਉਨ੍ਹਾਂ ਦੀ ਯਾਦ ਦਿਵਾਉਂਦਾ ਰਹੇਗਾ। ਮੇਰਾ ਪਰਿਵਾਰ ਉਸ ਦੇ ਪਿਆਰ ਅਤੇ ਦੁਲਾਰ ਨੂੰ ਹਮੇਸ਼ਾ ਯਾਦ ਰੱਖੇਗਾ।"

ਲਤਾ ਮੰਗੇਸ਼ਕਰ ਦਾ ਐਤਵਾਰ ਨੂੰ ਮੁੰਬਈ ਦੇ ਇੱਕ ਹਸਪਤਾਲ ਵਿੱਚ ਦਿਹਾਂਤ ਹੋ ਗਿਆ। ਉਥੇ ਉਹ ਕਾਫੀ ਸਮੇਂ ਤੋਂ ਜ਼ੇਰੇ ਇਲਾਜ ਸੀ। 92 ਸਾਲਾ ਪ੍ਰਸਿੱਧ ਗਾਇਕ ਨੂੰ ਜਨਵਰੀ ਦੇ ਸ਼ੁਰੂ ਵਿੱਚ ਦੱਖਣੀ ਮੁੰਬਈ ਦੇ ਬ੍ਰੀਚ ਕੈਂਡੀ ਹਸਪਤਾਲ ਦੇ ਇੰਟੈਂਸਿਵ ਕੇਅਰ ਯੂਨਿਟ (ਆਈਸੀਯੂ) ਵਿੱਚ ਦਾਖਲ ਕਰਵਾਇਆ ਗਿਆ ਸੀ।
ਉੱਘੇ ਉਦਯੋਗਪਤੀ ਆਨੰਦ ਮਹਿੰਦਰਾ ਨੇ ਟਵੀਟ ਕੀਤਾ, " ਅਸੀਂ ਕੀ ਕਹਿ ਸਕਦੇ ਹਾਂ ਜਦੋਂ ਕਿ ਤੁਹਾਡੀ ਆਵਾਜ਼ ਚਲੀ ਗਈ...ਓਮ ਸ਼ਾਂਤੀ।

What can you say when you no longer have your voice…?
Om Shanti 🙏🏽 pic.twitter.com/mdltpggben

— anand mahindra (@anandmahindra) February 6, 2022

ਅਡਾਨੀ ਗਰੁੱਪ ਦੇ ਚੇਅਰਮੈਨ ਗੌਤਮ ਅਡਾਨੀ ਨੇ ਕਿਹਾ ਕਿ ਉਨ੍ਹਾਂ ਦੀ ਆਵਾਜ਼, ਆਕਰਸ਼ਣ ਅਤੇ ਸੰਗੀਤ ਪੀੜ੍ਹੀ ਦਰ ਪੀੜ੍ਹੀ ਕਾਇਮ ਰਹੇਗਾ। ਅਡਾਨੀ ਨੇ ਟਵੀਟ ਕੀਤਾ, ''ਜੇਕਰ ਕਿਸੇ ਨੇ ਪੂਰੇ ਭਾਰਤ ਦੀ ਨੁਮਾਇੰਦਗੀ ਕੀਤੀ ਹੈ, ਤਾਂ ਉਹ ਲਤਾ ਦੀਦੀ ਹੀ ਸੀ। ਦੀਦੀ ਨੇ 36 ਭਾਸ਼ਾਵਾਂ ਵਿੱਚ ਗੀਤ ਗਾਏ ਹਨ। ਅਰਬਾਂ ਲੋਕ ਉਸ ਨੂੰ ਯਾਦ ਕਰਨਗੇ।"

The voice, the charm, the melodies will live on for generations to come. There can be no greater tribute to our unity than Lata Didi. If anyone represented all of India, it was Lata Didi lending her incomparable voice to songs in 36 languages. She will be missed by billions. pic.twitter.com/G00eKlbDp2

— Gautam Adani (@gautam_adani) February 6, 2022

ਬਾਇਓਟੈਕਨਾਲੋਜੀ ਕੰਪਨੀ ਬਾਇਓਕਾਨ ਦੀ ਕਾਰਜਕਾਰੀ ਚੇਅਰਪਰਸਨ ਕਿਰਨ ਮਜ਼ੂਮਦਾਰ-ਸ਼ਾਅ ਨੇ ਉਨ੍ਹਾਂ ਦੀ ਯਾਦ ਵਿੱਚ ਲਤਾ ਮੰਗੇਸ਼ਕਰ ਦੁਆਰਾ ਗਾਇਆ ਗੀਤ 'ਤੂੰ ਜਹਾਂ ਜਹਾਂ ਚਲੇਗਾ' ਸਾਂਝਾ ਕੀਤਾ।

Tu Jahan Jahan Chalega - Lata Mangeshkar will eternally cast her large shadow over us n remind us of her eternal legend. Om Shanthi 🙏 https://t.co/gUl0GH3DjW via @YouTube

— Kiran Mazumdar-Shaw (@kiranshaw) February 6, 2022

ਇੰਡੀਅਨ ਆਇਲ ਕਾਰਪੋਰੇਸ਼ਨ (ਆਈਓਸੀ) ਦੇ ਚੇਅਰਮੈਨ ਐਸਐਮ ਵੈਧ ਨੇ ਕਿਹਾ ਕਿ ਅੱਜ ਦੇਸ਼ ਦੀ ਸੁਰਾਂ ਦੀ ਮਲਿੱਕਾ ਦੀ ਆਵਾਜ਼ ਬੰਦ ਹੋ ਗਈ ਹੈ। ਉਨ੍ਹਾਂ ਕਿਹਾ ਕਿ ਇਸ ਨੁਕਸਾਨ ਨੂੰ ਸ਼ਬਦਾਂ ਵਿਚ ਬਿਆਨ ਨਹੀਂ ਕੀਤਾ ਜਾ ਸਕਦਾ। ਲਤਾ ਜੀ ਨੇ ਅੱਠ ਪੀੜ੍ਹੀਆਂ ਤੋਂ ਭਾਰਤੀਆਂ ਨੂੰ ਮੋਹਿਤ ਕੀਤਾ ਹੈ ਅਤੇ ਉਹ ਹਮੇਸ਼ਾ ਸਾਡੇ ਦਿਲਾਂ ਵਿੱਚ ਰਹਿਣਗੇ।

ਅਪੋਲੋ ਹਸਪਤਾਲ ਗਰੁੱਪ ਦੀ ਜੁਆਇੰਟ ਮੈਨੇਜਿੰਗ ਡਾਇਰੈਕਟਰ ਸੰਗੀਤਾ ਰੈਡੀ ਨੇ ਕਿਹਾ ਕਿ ਇਹ ਬਹੁਤ ਹੀ ਦੁਖਦਾਈ ਦਿਨ ਹੈ। ਮੈਂ ਇਸ ਮਹਾਨ ਭਾਰਤੀ ਸ਼ਖਸੀਅਤ ਦੇ ਦਿਹਾਂਤ 'ਤੇ ਦੇਸ਼ ਦੇ ਸੋਗ ਵਿੱਚ ਸ਼ਾਮਲ ਹਾਂ।''

A very sad day 4 #India I join the nation in mourning the loss of one of the greatest Indians #LataMangeshkar to #COVID19
Every song from this pure soaring voice over generations brings on a personal memory or evokes a moment in time
RIP @mangeshkarlata didi
Om Shanti🙏 pic.twitter.com/DPaZ8NFCIQ

— Dr. Sangita Reddy (@drsangitareddy) February 6, 2022

ਲਤਾ ਮੰਗੇਸ਼ਕਰ ਨੂੰ 'ਮੇਲੋਡੀ ਕੁਈਨ' ਕਿਹਾ ਜਾਂਦਾ ਸੀ। ਉਸ ਨੇ ਪੰਜ ਸਾਲ ਦੀ ਉਮਰ ਵਿੱਚ ਗਾਇਕੀ ਦੀ ਸਿਖਲਾਈ ਲੈਣੀ ਸ਼ੁਰੂ ਕਰ ਦਿੱਤੀ ਸੀ। ਇੱਕ ਗਾਇਕ ਦੇ ਤੌਰ 'ਤੇ ਉਸਦਾ ਕੈਰੀਅਰ 1942 ਵਿੱਚ ਸ਼ੁਰੂ ਹੋਇਆ ਸੀ। ਉਸਨੇ ਹਿੰਦੀ, ਮਰਾਠੀ, ਤਾਮਿਲ, ਕੰਨੜ, ਬੰਗਾਲੀ ਸਮੇਤ 36 ਭਾਰਤੀ ਭਾਸ਼ਾਵਾਂ ਵਿੱਚ ਗੀਤ ਗਾਏ ਹਨ।

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।