ਨਾ ਜਿਊਣ ਦੇਣਗੇ, ਨਾ ਮਰਨ...! ਕੋਰੋਨਾ ਤੋਂ ਵੀ ਵੱਧ ਖ਼ਤਰਨਾਕ ਚੀਨ ''ਚ ਪੈਦਾ ਹੋ ਰਹੇ ਨਵੇਂ ਵਾਇਰਸ

ਨੈਸ਼ਨਲ ਡੈਸਕ- ਕੋਰੋਨਾ ਮਹਾਂਮਾਰੀ ਨੇ ਦੁਨੀਆ ਨੂੰ ਸਿਖਾਇਆ ਹੈ ਕਿ ਅਦ੍ਰਿਸ਼ ਦੁਸ਼ਮਣ ਸਭ ਤੋਂ ਵੱਧ ਖ਼ਤਰਨਾਕ ਹੁੰਦਾ ਹੈ। ਇਸਨੇ ਮਾਸੂਮ ਜਾਨਾਂ ਨਿਗਲ ਲਈਆਂ ਹਨ, ਰਿਸ਼ਤੇ ਦੂਰ ਕਰ ਦਿੱਤੇ ਹਨ ਅਤੇ ਸਾਡੇ ਸਾਹਾਂ ਨੂੰ ਡਰ ਨਾਲ ਭਰ ਦਿੱਤਾ ਹੈ ਪਰ ਜੇ ਤੁਸੀਂ ਸੋਚਦੇ ਹੋ ਕਿ ਖ਼ਤਰਾ ਹੁਣ ਖਤਮ ਹੋ ਗਿਆ ਹੈ, ਤਾਂ ਇਹ ਖ਼ਬਰ ਤੁਹਾਨੂੰ ਹਿਲਾ ਸਕਦੀ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਵਿਗਿਆਨੀਆਂ ਨੇ ਚਮਗਿੱਦੜਾਂ ਵਿਚ 20 ਨਵੇਂ ਵਾਇਰਸਾਂ ਦੀ ਪਛਾਣ ਕੀਤੀ ਹੈ, ਜੋ ਕੋਰੋਨਾ ਨਾਲੋਂ ਵੀ ਜ਼ਿਆਦਾ ਖਤਰਨਾਕ ਸਾਬਤ ਹੋ ਸਕਦੇ ਹਨ।

ਜ਼ਿਕਰਯੋਗ ਹੈ ਕਿ ਚੀਨ ਦੇ ਯੂਨਾਨ ਸੂਬੇ ਵਿਚ 2017 ਅਤੇ 2021 ਦਰਮਿਆਨ ਕੀਤੀ ਗਈ ਇਕ ਵਿਆਪਕ ਖੋਜ ਵਿਚ, ਵਿਗਿਆਨੀਆਂ ਨੇ 142 ਚਮਗਿੱਦੜਾਂ ਦੇ ਗੁਰਦੇ ਦੇ ਟਿਸ਼ੂ ਦੀ ਜਾਂਚ ਕੀਤੀ ਤੇ ਇਸ ਦੇ ਨਤੀਜੇ ਹੈਰਾਨੀਜਨਕ ਸਨ। ਦੱਸ ਦਈਏ ਕਿ ਇਕ ਜਾਂਚ 'ਚ ਲਗਭਗ 22 ਵੱਖ-ਵੱਖ ਵਾਇਰਸ ਪਾਏ ਗਏ ਜਿਨ੍ਹਾਂ 'ਚੋਂ ਕੁਝ ਕੁ ਇੰਨੇ ਖਤਰਨਾਕ ਹਨ ਕਿ ਉਹ ਸਾਨੂੰ ਹੇਂਦਰਾ ਅਤੇ ਨਿਪਾਹ ਵਾਇਰਸਾਂ ਦੀ ਯਾਦ ਦਿਵਾਉਂਦੇ ਹਨ। ਇੰਨਾ ਹੀ ਨਹੀਂ, ਇਸ 'ਚ ਇਕ ਅਣਜਾਣ ਬੈਕਟੀਰੀਆ ਅਤੇ ਕਲੇਬਸੀਏਲਾ ਯੂਨਾਨੈਂਸਿਸ ਨਾਂ ਦਾ ਇਕ ਪਰਜੀਵੀ ਵੀ ਪਾਇਆ ਗਿਆ ਹੈ, ਜੋ ਮਨੁੱਖਾਂ 'ਚ ਨਵੀਆਂ ਬਿਮਾਰੀਆਂ ਦਾ ਕਾਰਨ ਬਣ ਸਕਦਾ ਹੈ।
  
ਇਕ ਖੋਜ ਤੋਂ ਇਹ ਪਤਾ ਲੱਗਾ ਹੈ ਕਿ ਇਹ ਚਮਗਿੱਦੜ ਫਲਾਂ ਦੇ ਬਾਗਾਂ ਅਤੇ ਮਨੁੱਖੀ ਬਸਤੀਆਂ ਦੇ ਸੰਪਰਕ ਵਿਚ ਆਉਂਦੇ ਹਨ ਅਤੇ ਇਨ੍ਹਾਂ ਵਿਗਿਆਨੀਆਂ ਦਾ ਮੰਨਣਾ ਹੈ ਕਿ ਜੇਕਰ ਉਨ੍ਹਾਂ ਦਾ ਪੇਸ਼ਾਬ ਜਾਂ ਮਲ ਫਲਾਂ ਜਾਂ ਪਾਣੀ 'ਤੇ ਪੈਂਦਾ ਹੈ, ਤਾਂ ਵਾਇਰਸ ਸਿੱਧਾ ਮਨੁੱਖਾਂ ਜਾਂ ਜਾਨਵਰਾਂ ਤੱਕ ਪਹੁੰਚ ਸਕਦਾ ਹੈ ਤੇ ਜੇਕਰ ਅਜਿਹਾ ਹੁੰਦਾ ਹੈ, ਤਾਂ ਇਕ ਵਾਰ ਫਿਰ ਪੂਰੀ ਦੁਨੀਆ ਨੂੰ ਇਕ ਨਵੀਂ ਮਹਾਂਮਾਰੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।

ਕੁਝ ਵਾਇਰਸਾਂ ਬਾਰੇ ਵਿਗਿਆਨੀਆਂ ਦੀਆਂ ਚਿੰਤਾਵਾਂ ਹੋਰ ਵੀ ਡੂੰਘੀਆਂ ਹਨ। ਇਕ ਰਿਪੋਰਟ ਵਿਚ ਦਾਅਵਾ ਕੀਤਾ ਗਿਆ ਹੈ ਕਿ ਇਨ੍ਹਾਂ 'ਚੋਂ ਕੁਝ ਵਾਇਰਸ ਪਹਿਲਾਂ ਮਨੁੱਖੀ ਦਿਮਾਗ ਨੂੰ ਪ੍ਰਭਾਵਿਤ ਕਰ ਸਕਦੇ ਹਨ ਭਾਵ ਕਿ ਮਾਨਸਿਕ ਅਸੰਤੁਲਨ, ਉਲਝਣ, ਵਿਵਹਾਰ 'ਚ ਤਬਦੀਲੀ ਵਰਗੇ ਲੱਛਣ ਦਿਖਾਈ ਦੇ ਸਕਦੇ ਹਨ ਅਤੇ ਫਿਰ ਹੌਲੀ-ਹੌਲੀ ਸਰੀਰ ਨੂੰ ਸਰੀਰਕ ਤੌਰ 'ਤੇ ਕਮਜ਼ੋਰ ਕਰ ਦਿੰਦੇ ਹਨ, ਇਸ ਦਾ ਮਤਲਬ ਇਹ ਹੈ ਕਿ ਮੌਤ ਵੀ ਸ਼ਾਂਤੀ ਨਾਲ ਨਹੀਂ ਆਵੇਗੀ, ਇਹ ਸਭ ਤੋਂ ਡਰਾਉਣੀ ਗੱਲ ਕਹੀ ਜਾ ਰਹੀ ਹੈ।

ਤੁਹਾਨੂੰ ਦੱਸ ਦੱਈਏ ਕਿ ਸਾਲ 2019 ਦੇ ਅਖੀਰ ਵਿਚ ਵੁਹਾਨ ਲੈਬ ਅਤੇ ਚਮਗਿੱਦੜਾਂ ਵਿਚਕਾਰ ਸਬੰਧ 'ਤੇ ਜ਼ੋਰਦਾਰ ਬਹਿਸ ਹੋਈ ਸੀ? ਅੱਜ ਵੀ, ਬਹੁਤ ਸਾਰੇ ਮਾਹਿਰ ਮੰਨਦੇ ਹਨ ਕਿ ਕੋਵਿਡ-19 ਦੀ ਸ਼ੁਰੂਆਤ ਉੱਥੋਂ ਹੋਈ ਸੀ। ਹੁਣ, ਉਹੀ ਚਮਗਿੱਦੜਾਂ, ਉਹੀ ਲੈਬ ਅਤੇ ਉਹੀ ਚਿਤਾਵਨੀਆਂ ਇਕ ਵਾਰ ਫਿਰ ਸਾਹਮਣੇ ਆਉਣ ਨਾਲ, ਇਹ ਸਵਾਲ ਉੱਠਣਾ ਲਾਜ਼ਮੀ ਹੈ ਕਿ "ਕੀ ਅਗਲੀ ਮਹਾਂਮਾਰੀ ਦੀ ਨੀਂਹ ਉੱਥੇ ਫਿਰ ਰੱਖੀ ਜਾ ਰਹੀ ਹੈ?"
 
ਮਾਹਿਰਾਂ ਦਾ ਕੀ ਹੈ ਕਹਿਣਾ?

ਇਕ ਖੋਜ ਟੀਮ ਇਸ ਖੋਜ ਨੂੰ ਬਹੁਤ ਗੰਭੀਰ ਮੰਨਦੀ ਹੈ। ਹਾਲਾਂਕਿ ਅਜੇ ਤੱਕ ਇਨ੍ਹਾਂ ਵਾਇਰਸਾਂ ਕਾਰਨ ਕਿਸੇ ਵੀ ਮਹਾਂਮਾਰੀ ਦੇ ਫੈਲਣ ਦਾ ਕੋਈ ਠੋਸ ਸਬੂਤ ਨਹੀਂ ਹੈ, ਪਰ ਮਾਹਰ ਸਪੱਸ਼ਟ ਤੌਰ 'ਤੇ ਕਹਿ ਰਹੇ ਹਨ ਕਿ ਇਹ ਇੱਕ "ਮਹਾਂਮਾਰੀ ਚਿਤਾਵਨੀ" ਹੈ। ਦੁਨੀਆ ਨੂੰ ਤਿਆਰ ਰਹਿਣਾ ਪਵੇਗਾ - ਸਮੇਂ ਸਿਰ ਨਿਗਰਾਨੀ, ਟੀਕਾਕਰਨ ਖੋਜ ਅਤੇ ਜਨਤਕ ਸਿਹਤ ਰਣਨੀਤੀ 'ਤੇ ਕੰਮ ਕਰਨਾ।