ਸੀ.ਬੀ.ਆਈ. ਨੇ ਪੱਤਰਕਾਰ ਰਾਜਦੇਵ ਰੰਜਨ ਹੱਤਿਆਕਾਂਡ ''ਚ ਸ਼ਹਾਬੂਦੀਨ ਦੇ ਖਿਲਾਫ ਦਾਇਰ ਕੀਤਾ ਦੋਸ਼ ਪੱਤਰ

ਨਵੀਂ ਦਿੱਲੀ—ਕੇਂਦਰੀ ਜਾਂਚ ਬਿਊਰੋ (ਸੀ.ਬੀ.ਆਈ.) ਨੇ ਪੱਤਰਕਾਰ ਰਾਜਦੇਵ ਰੰਜਨ ਹੱਤਿਆਕਾਂਡ ਮਾਮਲੇ 'ਚ ਅੱਜ ਰਾਜਦ ਨੇਤਾ ਸ਼ਹਾਬੂਦੀਨ ਦੇ ਖਿਲਾਫ ਦੋਸ਼ ਪੱਤਰ ਦਾਇਰ ਕੀਤਾ ਅਤੇ ਉਨ੍ਹਾਂ 'ਤੇ ਅਧਿਕਾਰਕ ਸਾਜਿਸ਼ ਅਤੇ ਹੱਤਿਆ ਦਾ ਦੋਸ਼ ਲਗਾਇਆ। ਸੀ.ਬੀ.ਆਈ. ਵੱਲੋਂ ਮੁਜੱਫਰਪੁਰ ਦੀ ਵਿਸ਼ੇਸ਼ ਅਦਾਲਤ 'ਚ ਦਾਇਰ ਇਹ ਪੂਰਕ ਦੋਸ਼ ਪੱਤਰ ਹੈ।
ਜਾਂਚ ਏਜੰਸੀ ਨੇ ਪਹਿਲਾਂ ਦਸੰਬਰ 'ਚ 2016 'ਚ ਇਕ ਦੋਸ਼ੀ ਦੇ ਖਿਲਾਫ ਦੋਸ਼ ਪੱਤਰ ਦਾਇਰ ਕੀਤਾ ਸੀ। ਕੇਂਦਰੀ ਏਜੰਸੀ ਵੱਲੋਂ ਜਾਂਚ ਆਪਣੇ ਹੱਥ 'ਚ ਲਏ ਜਾਣ ਤੋਂ ਪਹਿਲਾਂ ਬਿਹਾਰ ਪੁਲਸ ਨੇ ਮਾਮਲੇ 'ਚ ਛੇ ਲੋਕਾਂ ਦੇ ਖਿਲਾਫ ਦੋਸ਼ ਪੱਤਰ ਦਾਇਰ ਕੀਤਾ ਸੀ। ਸੀ.ਬੀ.ਆਈ. ਨੇ ਅੱਜ ਇੱਥੇ ਇਕ ਬਿਆਨ 'ਚ ਕਿਹਾ ਕਿ ਅਪਰਾਧਿਕ ਸਾਜਿਸ਼ ਅਤੇ ਹੱਤਿਆ ਨਾਲ ਸੰਬੰਧਿਤ ਭਾਰਤੀ ਦੰਡ ਵਿਧਾਨ ਦੀਆਂ ਧਰਾਵਾਂ ਅਤੇ ਸਸ਼ਤਰ ਕਾਨੂੰਨ ਦੇ ਹੱਲ ਦੇ ਤਹਿਤ ਫਿਲਹਾਲ ਤਿਹਾੜ ਜੇਲ 'ਚ ਬੰਦ ਸ਼ਹਾਬੂਦੀਨ ਦੇ ਖਿਲਾਫ ਦੋਸ਼ ਪੱਤਰ ਦਾਇਰ ਕੀਤਾ ਗਿਆ ਹੈ।