BMW ਕਾਰ, ਸੋਨਾ : ਇੰਨੇ ਕਰੋੜ ਦੀ ਜਾਇਦਾਦ ਦੇ ਮਾਲਕ ਹਨ ਆਦਿੱਤਿਯ ਠਾਕਰੇ
Thursday, Oct 03, 2019 - 02:56 PM (IST)
ਮੁੰਬਈ— ਠਾਕਰੇ ਪਰਿਵਾਰ ਲਈ ਅੱਜ ਦਾ ਦਿਨ ਇਤਿਹਾਸਕ ਰਿਹਾ। ਪਹਿਲੀ ਵਾਰ ਠਾਕਰੇ ਪਰਿਵਾਰ ਦੇ ਕਿਸੇ ਮੈਂਬਰ ਨੇ ਚੋਣਾਵੀ ਪਰਚਾ ਭਰਿਆ। ਸ਼ਿਵ ਸੈਨਾ ਮੁਖੀ ਊਧਵ ਠਾਕਰੇ ਦੇ ਬੇਟੇ ਆਦਿੱਤਿਯ ਠਾਕਰੇ ਨੇ ਮੁੰਬਈ ਦੀ ਵਰਲੀ ਸੀਟ ਤੋਂ ਵੀਰਵਾਰ ਨੂੰ ਨਾਮਜ਼ਦਗੀ ਪੱਤਰ ਦਾਖਲ ਕੀਤਾ। ਇਸ ਦੌਰਾਨ ਆਦਿੱਤਿਯ ਠਾਕਰੇ ਦੀ ਕੁੱਲ ਜਾਇਦਾਦ ਦੀ ਜਾਣਕਾਰੀ ਵੀ ਸਾਹਮਣੇ ਆਈ। ਆਦਿੱਤਿਯ ਠਾਕਰੇ ਕੋਲ ਕਰੀਬ 16 ਕਰੋੜ ਰੁਪਏ ਦੀ ਜਾਇਦਾਦ ਹੈ।
ਆਦਿੱਤਿਯ ਠਾਕਰੇ ਨੇ ਹਲਫਨਾਮੇ 'ਚ ਜਾਣਕਾਰੀ ਦਿੱਤੀ ਹੈ ਕਿ ਉਨ੍ਹਾਂ ਦੇ ਹੱਥ 'ਚ 30 ਹਜ਼ਾਰ ਰੁਪਏ ਕੈਸ਼ ਹੈ, ਜਦੋਂ ਕਿ 10 ਕਰੋੜ 36 ਲੱਖ 15 ਹਜ਼ਾਰ 218 ਰੁਪਏ ਬੈਂਕ 'ਚ ਜਮ੍ਹਾ ਹਨ। ਆਦਿੱਤਿਯ ਦਾ ਨਿਵੇਸ਼ ਕਰੀਬ ਸਾਢੇ 20 ਲੱਖ ਦਾ ਹੈ, ਜਦੋਂ ਕਿ ਉਨ੍ਹਾਂ ਦੇ ਕੋਲ ਇਕ ਬੀ.ਐੱਮ.ਡਬਲਿਊ. ਕਾਰ ਹੈ। ਜਿਸ ਦੀ ਕੀਮਤ ਸਾਢੇ 6 ਲੱਖ ਦੱਸੀ ਗਈ ਹੈ। ਇਸ ਤੋਂ ਇਲਾਵਾ ਆਦਿੱਤਿਯ ਕੋਲ 64 ਲੱਖ 64 ਹਜ਼ਾਰ ਦੇ ਜਿਊਲਰੀ ਹੈ। ਉੱਥੇ ਹੀ 10 ਲੱਖ 22 ਹਜ਼ਾਰ ਦੀ ਹੋਰ ਜਾਇਦਾਦ ਹੈ। ਇਸ ਤਰ੍ਹਾਂ ਆਦਿੱਤਿਯ ਕੋਲ ਕੁੱਲ 11 ਕਰੋੜ 38 ਲੱਖ 5 ਹਜ਼ਾਰ 258 ਰੁਪਏ ਦੀ ਚੱਲ ਜਾਇਦਾਦ ਹੈ।
ਉੱਥੇ ਹੀ ਅਚੱਲ ਜਾਇਦਾਦ ਦੀ ਗੱਲ ਕੀਤੀ ਜਾਵੇ ਤਾਂ ਉਨ੍ਹਾਂ ਕੋਲ ਕੁੱਲ 4 ਕਰੋੜ 67 ਲੱਖ 6 ਹਜ਼ਾਰ 914 ਰੁਪਏ ਦੀ ਜਾਇਦਾਦ ਹੈ। ਆਦਿੱਤਿਯ ਠਾਕਰੇ ਨੇ ਆਪਣੇ ਹਲਫਨਾਮੇ 'ਚ ਜੋ ਜਾਣਕਾਰੀ ਦਿੱਤੀ ਹੈ, ਉਸ 'ਚ ਦੱਸਿਆ ਗਿਆ ਹੈ ਕਿ ਨਾ ਹੀ ਉਨ੍ਹਾਂ ਦੇ ਉੱਪਰ ਕੋਈ ਲੋਨ ਹੈ ਅਤੇ ਨਾ ਹੀ ਕੋਈ ਅਪਰਾਧਕ ਕੇਸ ਉਨ੍ਹਾਂ ਦੇ ਵਿਰੁੱਧ ਹੈ।
