BCCI ਦਾ ਨਵਾਂ ਹੁਕਮ ! ਵਿਜੇ ਹਜ਼ਾਰੇ ਟਰਾਫੀ ਸਬੰਧੀ ਵੱਡਾ ਫੈਸਲਾ, 'ਸਰਪੰਚ ਸਾਬ੍ਹ' ਨੂੰ ਛੱਡ ਬਾਕੀ ਸਾਰੀ ਟੀਮ ਨੂੰ...

ਸਪੋਰਟਸ ਡੈਸਕ : ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) ਨੇ ਘਰੇਲੂ ਕ੍ਰਿਕਟ ਨੂੰ ਉਤਸ਼ਾਹਿਤ ਕਰਨ ਲਈ ਇੱਕ ਮਹੱਤਵਪੂਰਨ ਫੈਸਲਾ ਲਿਆ ਹੈ। ਬੋਰਡ ਨੇ ਟੀਮ ਇੰਡੀਆ ਦੇ ਮੌਜੂਦਾ ਸਾਰੇ ਖਿਡਾਰੀਆਂ ਨੂੰ ਇਹ ਹਦਾਇਤ ਦਿੱਤੀ ਹੈ ਕਿ ਉਹ ਆਉਣ ਵਾਲੀ ਵਿਜੇ ਹਜ਼ਾਰੇ ਟਰਾਫੀ ਵਿੱਚ ਘੱਟੋ-ਘੱਟ ਦੋ ਮੈਚ ਜ਼ਰੂਰ ਖੇਡਣ।
ਬੀਸੀਸੀਆਈ ਨੇ ਸਪੱਸ਼ਟ ਕਰ ਦਿੱਤਾ ਹੈ ਕਿ ਇਹ ਟੂਰਨਾਮੈਂਟ ਖੇਡਣਾ 'ਚੋਣਵੀਂ' ਨਹੀਂ ਹੈ, ਸਗੋਂ ਖਿਡਾਰੀਆਂ ਨੂੰ ਹਰ ਹਾਲ ਵਿੱਚ 2-2 ਮੈਚ ਖੇਡਣੇ ਹੀ ਪੈਣਗੇ। ਇਹ ਨਿਰਦੇਸ਼ ਦੱਖਣੀ ਅਫਰੀਕਾ ਸੀਰੀਜ਼ ਦੌਰਾਨ ਦਿੱਤੇ ਗਏ ਹਨ। ਬੋਰਡ ਦਾ ਮੰਨਣਾ ਹੈ ਕਿ ਇਸ ਫੈਸਲੇ ਨਾਲ ਸੀਨੀਅਰ ਖਿਡਾਰੀ ਇਸ ਬ੍ਰੇਕ ਦਾ ਇਸਤੇਮਾਲ ਕਰਕੇ ਘਰੇਲੂ ਕ੍ਰਿਕਟ ਨਾਲ ਜੁੜ ਕੇ ਆਪਣੀ ਫਾਰਮ ਬਰਕਰਾਰ ਰੱਖ ਸਕਦੇ ਹਨ। ਇਸ ਫੈਸਲੇ ਨੂੰ ਆਸਟ੍ਰੇਲੀਆ ਵਿੱਚ ਹੋਈ ਟੈਸਟ ਸੀਰੀਜ਼ ਦੇ ਖਰਾਬ ਪ੍ਰਦਰਸ਼ਨ ਤੋਂ ਬਾਅਦ ਘਰੇਲੂ ਕ੍ਰਿਕਟ 'ਤੇ ਜ਼ਿਆਦਾ ਜ਼ੋਰ ਦੇਣ ਦੀ ਸਿਫਾਰਸ਼ ਨਾਲ ਵੀ ਜੋੜਿਆ ਜਾ ਰਿਹਾ ਹੈ।
ਇਸ ਨਿਯਮ ਦੇ ਤਹਿਤ ਵਿਰਾਟ ਕੋਹਲੀ, ਰੋਹਿਤ ਸ਼ਰਮਾ, ਸ਼ੁਭਮਨ ਗਿੱਲ, ਜਸਪ੍ਰੀਤ ਬੁਮਰਾਹ, ਕੇਐੱਲ ਰਾਹੁਲ, ਹਾਰਦਿਕ ਪੰਡਿਆ ਅਤੇ ਸੂਰਿਆਕੁਮਾਰ ਯਾਦਵ ਵਰਗੇ ਸੀਨੀਅਰ ਖਿਡਾਰੀ ਆਪਣੀਆਂ ਰਾਜ ਟੀਮਾਂ ਲਈ ਖੇਡਦੇ ਨਜ਼ਰ ਆਉਣਗੇ। ਵਿਜੇ ਹਜ਼ਾਰੇ ਟਰਾਫੀ 24 ਦਸੰਬਰ 2025 ਤੋਂ ਸ਼ੁਰੂ ਹੋ ਕੇ 18 ਜਨਵਰੀ 2026 ਤੱਕ ਚੱਲੇਗੀ।
ਹਾਲਾਂਕਿ, ਇਸ ਲਾਜ਼ਮੀ ਫਰਮਾਨ ਵਿੱਚ ਟੀਮ ਇੰਡੀਆ ਦੇ ਸਿਰਫ਼ ਇੱਕ ਖਿਡਾਰੀ ਨੂੰ ਛੋਟ ਦਿੱਤੀ ਗਈ ਹੈ, ਅਤੇ ਉਹ ਹਨ ਸ਼੍ਰੇਅਸ ਅਈਅਰ। ਅਈਅਰ ਨੂੰ ਹਾਲ ਹੀ ਵਿੱਚ ਆਸਟ੍ਰੇਲੀਆ ਦੌਰੇ ਦੌਰਾਨ ਸੱਟ ਲੱਗ ਗਈ ਸੀ। ਇਸ ਸਮੇਂ ਉਹ ਰਿਕਵਰੀ ਕਰ ਰਹੇ ਹਨ, ਜਿਸ ਕਾਰਨ ਬੀਸੀਸੀਆਈ ਨੇ ਉਨ੍ਹਾਂ ਨੂੰ ਇਸ ਟੂਰਨਾਮੈਂਟ ਤੋਂ ਦੂਰ ਰਹਿਣ ਦੀ ਇਜਾਜ਼ਤ ਦਿੱਤੀ ਹੈ।