ਅਨੁਰਾਗ ਦੀ ਇਸ ਹਰਕਤ ''ਤੇ ਲੋਕਸਭਾ ਸਪੀਕਰ ਨੇ ਦਿੱਤੀ ਚੇਤਾਵਨੀ, ਲਗਾਈ ਫਟਕਾਰ

ਹਮੀਰਪੁਰ— ਬੀ.ਜੇ.ਪੀ ਸੰਸਦ ਅਨੁਰਾਗ ਠਾਕੁਰ ਵੱਡੀ ਮੁਸ਼ਕਲ 'ਚ ਫਸ ਗਏ ਹਨ। ਦੋਸ਼ ਹੈ ਕਿ ਲੋਕਸਭਾ ਦੀ ਕਾਰਵਾਈ ਦੌਰਾਨ ਜਦੋਂ ਵਿਰੋਧੀ ਪੱਖ ਮੈਂਬਰ ਹੰਗਾਮਾ ਕਰ ਰਹੇ ਸਨ ਤਾਂ ਉਨ੍ਹਾਂ ਨੇ ਆਪਣੇ ਘੋਨ ਤੋਂ ਉਸ ਦਾ ਵੀਡੀਓ ਬਣਾ ਲਿਆ। ਜਿਸ ਦੇ ਚੱਲਦੇ ਕਾਂਗਰਸ ਨੇ ਲੋਕਸਭਾ ਦੀ ਕਾਰਵਾਈਆਂ ਦੀ ਵੀਡੀਓ ਰਿਕਾਰਡਿੰਗ ਕਰਨ ਨੂੰ ਲੈ ਕੇ ਅਨੁਰਾਗ ਠਾਕੁਰ 'ਤੇ ਕਾਰਵਾਈ ਦੀ ਮੰਗ ਕੀਤੀ ਹੈ ਪਰ ਲੋਕਸਭਾ ਪ੍ਰਧਾਨ ਸੁਮਿਤਰਾ ਮਹਾਜਨ ਨੇ ਉਨ੍ਹਾਂ ਨੂੰ ਚੇਤਾਵਨੀ ਦੇ ਕੇ ਛੱਡ ਦਿੱਤਾ। ਇਸ ਨਾਲ ਵਿਰੋਧੀ ਪੱਖ ਨੇ ਹੰਗਾਮਾ ਕੀਤਾ ਅਤੇ ਇਸ ਦੇ ਚੱਲਦੇ ਸਦਨ ਦੀ ਕਾਰਵਾਈ 25 ਮਿੰਟ ਤੱਕ ਮੁਲਤਵੀ ਕਰ ਦਿੱਤੀ ਗਈ। ਸੂਤਰਾਂ ਮੁਤਾਬਕ ਭੀੜ ਵੱਲੋਂ ਲੋਕਾਂ ਦੀ ਕੁੱਟਮਾਰ ਕੀਤੀ ਗਈ, ਕਤਲ ਦੀਆਂ ਘਟਨਾਵਾਂ 'ਤੇ ਸਦਨ 'ਚ ਹੰਗਾਮੇ ਵਿਚਕਾਰ ਅਨੁਰਾਗ ਕਥਿਤ ਤੌਰ 'ਤੇ ਵੀਡੀਓ ਰਿਕਾਰਡਿੰਗ ਕਰ ਰਹੇ ਸਨ। 
ਲੋਕਸਭਾ ਪ੍ਰਧਾਨ ਨੂੰ ਲਿਖੇ ਪੱਤਰ 'ਚ ਸਦਨ 'ਚ ਕਾਂਗਰਸ ਦੇ ਸਚੇਤਕ ਕੇ.ਸੀ.ਵੇਣੁਗੋਪਾਲ ਨੇ ਕਿਹਾ ਕਿ ਇੱਥੇ ਕਾਰਵਾਈਆਂ ਦੀ ਵੀਡੀਓ ਰਿਕਾਰਡਿੰਗ ਨਿਯਮਾਂ ਤਹਿਤ ਪ੍ਰਤੀਬੰਧਿਤ ਹੈ। ਇਸ ਮੁੱਦੇ 'ਤੇ ਸਪੀਕਰ ਸੁਮਿਤਰਾ ਮਹਾਜਨ ਨੇ ਸੰਸਦਾਂ ਨੂੰ ਕਿਹਾ ਕਿ ਜੋ ਵੀ ਹੋਇਆ ਉਹ ਨਹੀਂ ਹੋਣਾ ਚਾਹੀਦਾ। ਉਨ੍ਹਾਂ ਨੇ ਇਸ ਮੁੱਦੇ 'ਤੇ ਅਨੁਰਾਗ ਨੂੰ ਸਫਾਈ ਦੇਣ ਲਈ ਕਿਹਾ। ਉਦੋਂ ਅਨੁਰਾਗ ਨੇ ਕਿਹਾ ਕਿ ਉਨ੍ਹਾਂ ਦੇ ਹੱਥ 'ਚ ਮੋਬਾਇਲ ਹੋਣ ਨਾਲ ਜੇਕਰ ਕਿਸੇ ਨੂੰ ਕੋਈ ਇਤਰਾਜ਼ ਹੈ ਤਾਂ ਇਸ ਦੇ ਲਈ ਉਨ੍ਹਾਂ ਅਫਸੋਸ ਹੈ। ਵੇਣੁਗੋਪਾਲ ਨੇ ਕਿਹਾ ਕਿ ਅਸੀਂ ਸਦਨ ਦੀ ਕਾਰਵਾਈਆਂ ਦੀ ਗਰੀਮਾ ਦੇ ਸੁਰੱਖਿਅਣ ਲਈ ਤੁਰੰਤ ਕਾਰਵਾਈ ਦਾ ਅਨੁਰੋਧ ਕਰਦੇ ਹਾਂ। ਕਾਂਗਰਸ ਸੰਸਦ ਸੁਮਿਤਰਾ ਦੇਵ ਅਤੇ ਆਮ ਆਦਮੀ ਪਾਰਟੀ ਦੇ ਸੰਸਦ ਭਗਵੰਤ ਮਾਨ ਨੇ ਵੀ ਮਾਮਲੇ ਦਾ ਜ਼ਿਕਰ ਕੀਤਾ ਅਤੇ ਅਨੁਰਾਗ ਖਿਲਾਫ ਤੁਰੰਤ ਕਾਰਵਾਈ ਦੀ ਮੰਗ ਕੀਤੀ ਹੈ।