GBS ਨਾਲ ਮਹਾਰਾਸ਼ਟਰ ''ਚ ਇਕ ਹੋਰ ਮੌਤ, ਹੁਣ ਤੱਕ 2 ਨੇ ਗੁਆਈ ਜਾਨ, ਕੁੱਲ 16 ਮਾਮਲੇ ਆਏ ਸਾਹਮਣੇ

ਨੈਸ਼ਨਲ ਡੈਸਕ : ਮਹਾਰਾਸ਼ਟਰ 'ਚ ਬੁੱਧਵਾਰ ਨੂੰ 'ਗੁਇਲੇਨ-ਬੈਰੇ ਸਿੰਡਰੋਮ' (ਜੀ. ਬੀ. ਐੱਸ.) ਨਾਲ ਇਕ ਔਰਤ ਦੀ ਮੌਤ ਹੋਣ ਦਾ ਸ਼ੱਕ ਹੈ, ਜਦਕਿ ਸੂਬੇ 'ਚ ਦੁਰਲੱਭ ਨਸਾਂ ਦੇ ਵਿਗਾੜ ਦੇ 16 ਨਵੇਂ ਮਾਮਲੇ ਸਾਹਮਣੇ ਆਏ ਹਨ। ਸੋਲਾਪੁਰ ਦੇ ਇੱਕ 40 ਸਾਲਾ ਵਿਅਕਤੀ ਦੀ ਐਤਵਾਰ ਨੂੰ ਜੀ. ਬੀ. ਐੱਸ. ਨਾਲ ਸ਼ੱਕੀ ਤੌਰ 'ਤੇ ਮੌਤ ਹੋ ਗਈ।

ਸਿਹਤ ਵਿਭਾਗ ਦੇ ਇੱਕ ਅਧਿਕਾਰੀ ਨੇ ਦੱਸਿਆ, "ਪੁਣੇ ਦੀ 56 ਸਾਲਾ ਔਰਤ ਦੀ ਜੀ. ਬੀ. ਐੱਸ. ਕਾਰਨ ਸਰਕਾਰੀ ਸੰਚਾਲਿਤ ਸਾਸੂਨ ਜਨਰਲ ਹਸਪਤਾਲ ਵਿੱਚ ਮੌਤ ਹੋ ਗਈ। ਉਹ ਹੋਰ ਬਿਮਾਰੀਆਂ ਤੋਂ ਵੀ ਪੀੜਤ ਸੀ।" ਸਿਹਤ ਵਿਭਾਗ ਨੇ ਇੱਕ ਬਿਆਨ ਵਿੱਚ ਕਿਹਾ, "ਹੁਣ ਤੱਕ 127 ਸ਼ੱਕੀ ਜੀ. ਬੀ. ਐੱਸ. ਮਰੀਜ਼ ਮਿਲੇ ਹਨ। ਇਸ ਤੋਂ ਇਲਾਵਾ ਇੱਕ ਹੋਰ ਮਰੀਜ਼ ਦੀ ਬਿਮਾਰੀ ਨਾਲ ਮੌਤ ਹੋਣ ਦਾ ਸ਼ੱਕ ਹੈ। ਇਨ੍ਹਾਂ ਵਿੱਚੋਂ ਨੌਂ ਪੁਣੇ ਜ਼ਿਲ੍ਹੇ ਤੋਂ ਬਾਹਰ ਦੇ ਹਨ।" 

ਇਹ ਵੀ ਪੜ੍ਹੋ : ਮਹਾਕੁੰਭ ਭਾਜੜ ਬਾਰੇ ਗੱਲ ਕਰਦਿਆਂ ਰੋ ਪਏ CM ਯੋਗੀ, ਕਰ'ਤਾ 25-25 ਲੱਖ ਦਾ ਐਲਾਨ

ਬੁੱਧਵਾਰ ਨੂੰ ਜੀ. ਬੀ. ਐੱਸ. ਦੇ 16 ਨਵੇਂ ਮਾਮਲੇ ਸਾਹਮਣੇ ਆਏ ਹਨ। ਇਸ ਵਿਚ ਕਿਹਾ ਗਿਆ ਹੈ ਕਿ 72 ਮਾਮਲਿਆਂ ਵਿਚ ਜੀ. ਬੀ. ਐੱਸ. ਦੀ ਪੁਸ਼ਟੀ ਹੋਈ ਹੈ ਅਤੇ 20 ਮਰੀਜ਼ ਇਸ ਸਮੇਂ ਵੈਂਟੀਲੇਟਰ 'ਤੇ ਹਨ। ਹੁਣ ਤੱਕ 121 ਸਟੂਲ ਦੇ ਨਮੂਨੇ ਸ਼ਹਿਰ ਸਥਿਤ ਨੈਸ਼ਨਲ ਇੰਸਟੀਚਿਊਟ ਆਫ ਵਾਇਰੋਲੋਜੀ (ਐੱਨਆਈਵੀ) ਨੂੰ ਭੇਜੇ ਗਏ ਹਨ ਅਤੇ ਉਨ੍ਹਾਂ ਸਾਰਿਆਂ ਦਾ 'ਐਂਟਰਿਕ ਵਾਇਰਸ ਪੈਨਲ' ਲਈ ਟੈਸਟ ਕੀਤਾ ਗਿਆ ਸੀ। ਰਿਲੀਜ਼ ਵਿੱਚ ਕਿਹਾ ਗਿਆ ਹੈ ਕਿ 21 ਨਮੂਨਿਆਂ ਵਿੱਚ 'ਨੋਰੋਵਾਇਰਸ' ਦੀ ਪੁਸ਼ਟੀ ਹੋਈ ਹੈ ਜਦੋਂਕਿ ਪੰਜ ਸਟੂਲ ਨਮੂਨਿਆਂ ਵਿੱਚ 'ਕੈਂਪਾਈਲੋਬੈਕਟਰ' ਦੀ ਪੁਸ਼ਟੀ ਹੋਈ ਹੈ। ਕੁੱਲ 200 ਖੂਨ ਦੇ ਨਮੂਨੇ NIV ਨੂੰ ਭੇਜੇ ਗਏ ਹਨ। ਕਿਸੇ ਵੀ ਨਮੂਨੇ ਵਿੱਚ ਜ਼ੀਕਾ, ਡੇਂਗੂ ਤੇ ਚਿਕਨਗੁਨੀਆ ਦੀ ਪੁਸ਼ਟੀ ਨਹੀਂ ਹੋਈ ਹੈ।

GBS ਇੱਕ ਦੁਰਲੱਭ ਸਥਿਤੀ ਹੈ ਜੋ ਅਚਾਨਕ ਸੁੰਨ ਹੋਣਾ ਅਤੇ ਮਾਸਪੇਸ਼ੀਆਂ ਦੀ ਕਮਜ਼ੋਰੀ ਦਾ ਕਾਰਨ ਬਣਦੀ ਹੈ, ਜਿਸ ਦੇ ਲੱਛਣਾਂ ਵਿੱਚ ਅੰਗਾਂ ਵਿੱਚ ਗੰਭੀਰ ਕਮਜ਼ੋਰੀ, ਦਸਤ, ਆਦਿ ਸ਼ਾਮਲ ਹਨ। ਡਾਕਟਰਾਂ ਅਨੁਸਾਰ, ਬੈਕਟੀਰੀਆ ਅਤੇ ਵਾਇਰਲ ਇਨਫੈਕਸ਼ਨ ਆਮ ਤੌਰ 'ਤੇ ਜੀ. ਬੀ. ਐੱਸ. ਦਾ ਕਾਰਨ ਬਣਦੇ ਹਨ ਕਿਉਂਕਿ ਇਹ ਮਰੀਜ਼ਾਂ ਦੀ ਪ੍ਰਤੀਰੋਧਕ ਸ਼ਕਤੀ ਨੂੰ ਕਮਜ਼ੋਰ ਕਰਦੇ ਹਨ ਅਤੇ ਮੌਜੂਦਾ ਸਥਿਤੀ ਵਿਚ ਇਹ ਬਿਮਾਰੀ ਦੂਸ਼ਿਤ ਪਾਣੀ ਨਾਲ ਸ਼ੁਰੂ ਹੋਣ ਦਾ ਸ਼ੱਕ ਹੈ।

ਇਹ ਵੀ ਪੜ੍ਹੋ : ਪੜ੍ਹਾਈ ਲਈ ਨਹੀਂ Facebook-Instagram ਚਲਾਉਣ ਲਈ ਸਮਾਰਟਫੋਨ ਦੀ ਵਰਤੋਂ ਕਰਦੇ ਨੇ ਜ਼ਿਆਦਾਤਰ ਬੱਚੇ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8