ਅਜੀਤ ਡੋਭਾਲ ਨੇ 7 ਸਾਲ ਪਹਿਲਾਂ ਕਰ ਦਿੱਤੀ ਸੀ ਚੀਨ ਦੀਆਂ ਚਾਲਬਾਜੀਆਂ ਦੀ ਭਵਿੱਖਬਾਣੀ

ਨੈਸ਼ਨਲ ਡੈਸਕ : ਮੋਦੀ ਸਰਕਾਰ ਦਾ ਰਾਸ਼ਟਰੀ ਸੁਰੱਖਿਆ ਸਲਾਹਕਾਰ (NSA) ਬਣਨ ਤੋਂ ਪਹਿਲਾਂ ਅਜਿਤ ਡੋਭਾਲ VIF ਥਿੰਕ-ਟੈਂਕ ਦੇ ਨਿਰਦੇਸ਼ਕ ਦੇ ਰੂਪ ਵਿੱਚ ਕੰਮ ਕਰਦੇ ਸਨ। VIF ਥਿੰਕ-ਟੈਂਕ ਦੇ ਨਿਰਦੇਸ਼ਕ ਦੇ ਅਹੁਦੇ 'ਤੇ ਰਹਿੰਦੇ ਹੋਏ ਸਾਲ 2013 ਵਿੱਚ ਅਜਿਤ ਡੋਭਾਲ ਨੇ ਚੀਨੀ ਖੁਫੀਆ: ਫਰਾਮ-ਏ ਪਾਰਟੀ ਆਉਟਫਿਟ ਟੂ ਸਾਈਬਰ ਵਾਰੀਅਰਜ਼ ਦੇ ਸਿਰਲੇਖ ਤੋਂ ਇੱਕ ਸੈਮਿਨਲ ਪੇਪਰ ਲਿਖਿਆ ਸੀ। ਇਸ ਪੈਪਰ ਵਿੱਚ ਉਨ੍ਹਾਂ ਨੇ ਚੀਨ ਦੀਆਂ ਚਾਲਬਾਜੀਆਂ ਬਾਰੇ ਜਾਣਕਾਰੀ ਦਿੱਤੀ ਸੀ। ਇਸ ਪੇਪਰ ਵਿੱਚ ਡੋਭਾਲ ਨੇ ਚੀਨੀ ਖੁਫੀਆ ਏਜੰਸੀ ਮਿਨਿਸਟਰੀ ਆਫ ਸਟੇਟ ਸਕਿਊਰਿਟੀ (MSS) ਵੱਲੋਂ ਧਰਮਸ਼ਾਲਾ ਵਿੱਚ ਦਲਾਈ ਲਾਮਾ ਦੇ ਆਉਣ ਅਤੇ ਪਾਕਿਸਤਾਨੀ ਖੁਫੀਆ ਏਜੰਸੀ ISI ਦੀ ਮਦਦ ਤੋਂ ਲੈ ਕੇ ਭਾਰਤ ਵਿਰੋਧੀ ਨਾਰਥ-ਈਸਟ ਬਾਗ਼ੀ ਸਮੂਹਾਂ ਦਾ ਸਮਰਥਨ ਕਰਨ 'ਤੇ ਵਿਸਥਾਰ ਨਾਲ ਲਿਖਿਆ ਸੀ। ਇਸ ਤੋਂ ਇਲਾਵਾ, ਚੀਨੀ ਏਜੰਸੀ ਵੱਲੋਂ ਤਿੱਬਤ ਨਾਲ ਲੱਗੀ ਸਰਹੱਦ 'ਤੇ ਭਾਰਤੀ ਫੌਜ ਦੀਆਂ ਗਤੀਵਿਧੀਆਂ 'ਤੇ ਸਖ਼ਤ ਨਜ਼ਰ ਰੱਖਣ ਨੂੰ ਲੈ ਕੇ ਵੀ ਪੇਪਰ ਵਿੱਚ ਲਿਖਿਆ ਗਿਆ ਸੀ। ਯਾਨੀ ਕਿ ਡੋਭਾਲ ਨੇ 7 ਸਾਲ ਪਹਿਲਾਂ ਹੀ ਚੀਨ ਦੀਆਂ ਚਾਲਾਕੀਆਂ ਦੀ ਭਵਿੱਖਬਾਣੀ ਕਰ ਦਿੱਤੀ ਸੀ। ਡੋਭਾਲ ਨੇ ਆਪਣੇ 2013 ਦੇ ਪੇਪਰ ਵਿੱਚ ਕਿਹਾ ਕਿ ਸਾਲ 2009 ਵਿੱਚ ਟੋਰੰਟੋ ਯੂਨੀਵਰਸਿਟੀ ਦੇ ਇੰਫਾਰਮੇਸ਼ਨ ਵਾਰਫੇਅਰ ਮਾਨਿਟਰ ਸਿਟਿਜਨ ਵਿੱਚ 'ਘੋਸਟ ਨੈਟ' ਕਰਕੇ ਰਿਪੋਰਟ ਪ੍ਰਕਾਸ਼ਿਤ ਕੀਤੀ ਗਈ ਸੀ, ਇਸ ਵਿੱਚ ਚੀਨੀ ਹੈਕਰਾਂ ਵੱਲੋਂ ਭਾਰਤੀ ਸੁਰੱਖਿਆ ਸੰਸਥਾ ਅਤੇ ਦਲਾਈ ਲਾਮਾ ਦੇ ਸਕੱਤਰੇਤ ਦੇ ਦਫਤਰਾਂ ਵਿੱਚ ਘੁਸਪੈਠ ਕਰਨ ਨੂੰ ਲੈ ਕੇ ਜਾਣਕਾਰੀ ਦਿੱਤੀ ਗਈ ਸੀ। ਹਾਲਾਂਕਿ ਬੀਜਿੰਗ ਨੇ ਇਸ ਰਿਪੋਰਟ ਨੂੰ ਖਾਰਜ ਕਰ ਦਿੱਤਾ ਸੀ।