ਦਿੱਲੀ ਤੋਂ ਬਾਅਦ ਹੁਣ ਰਾਜਸਥਾਨ ''ਚ ਵੀ ਟੈਕਸ-ਮੁਕਤ ''120 ਬਹਾਦੁਰ''

ਮੁੰਬਈ (ਏਜੰਸੀ)- ਬਾਲੀਵੁੱਡ ਫਿਲਮ ਨਿਰਮਾਤਾ ਅਤੇ ਅਦਾਕਾਰਾ ਫਰਹਾਨ ਅਖਤਰ ਦੀ ਫਿਲਮ '120 ਬਹਾਦੁਰ' ਹਾਲ ਵਿਚ ਸਿਨੇਮਾਘਰਾਂ ਵਿਚ ਰਿਲੀਜ਼ ਹੋਈ ਹੈ। ਇਸ ਸਾਲ ਦੀ ਸਭ ਤੋਂ ਵੱਧ ਉਡੀਕੀਆਂ ਜਾਣ ਵਾਲੀਆਂ ਫਿਲਮਾਂ ਵਿਚੋਂ ਇਕ, ਇਹ ਫਿਲਮ ਮੀਡੀਆ ਅਤੇ ਬਾਲੀਵੁੱਡ ਸੈਲੀਬ੍ਰਿਟੀਜ਼ ਦੋਹਾਂ ਤੋਂ ਜ਼ਬਰਦਸਤ ਤਾਰੀਫਾਂ ਬਟੋਰ ਰਹੀ ਹੈ। ਦਿੱਲੀ ਦੇ ਬਾਅਦ ਇਸ ਨੂੰ ਹੁਣ ਰਾਜਸਥਾਨ ਵਿਚ ਵੀ ਟੈਕਸ-ਮੁਕਤ ਐਲਾਨ ਦਿੱਤਾ ਗਿਆ ਹੈ। ਫਰਹਾਨ ਅਖਤਰ ਨੇ ਆਪਣੇ ਐਕਸ ਹੈਂਡਲ 'ਤੇ ਪੋਸਟ ਕਰਦਿਆ ਲਿਖਿਆ, ਅਸੀਂ ਰਾਜਸਥਾਨ ਦੇ ਮੁੱਖ ਮੰਤਰੀ ਭਜਨ ਲਾਲ ਸ਼ਰਮਾ ਦਾ ਦਿਲੋਂ ਧੰਨਵਾਦ ਕਰਦੇ ਹਾਂ। ਇਹ ਉਨ੍ਹਾਂ ਦਾ ਸਨਮਾਨਜਨਕ ਕਦਮ ਹੈ, ਜੋ ਮੇਜਰ ਸ਼ੈਤਾਨ ਸਿੰਘ ਭਾਟੀ (ਪੀਵੀਸੀ) ਅਤੇ ਚਾਰਲੀ ਕੰਪਨੀ ਦੇ ਹਰ ਸੈਨਿਕ ਦੀ ਅਸਾਧਰਨ ਹਿੰਮਤ ਨੂੰ ਸ਼ਰਧਾਂਜਲੀ ਦਿੰਦਾ ਹੈ।'

ਫਿਲਮ '120 ਬਹਾਦੁਰ' 13 ਕੁਮਾਉਂ ਰੈਜੀਮੈਂਟ ਦੇ 120 ਭਾਰਤੀ ਸੈਨਿਕਾਂ ਦੀ ਜ਼ਬਰਦਸਤ ਬਹਾਦੁਰੀ ਨੂੰ ਦਰਸਾਉਂਦੀ ਹੈ, ਜਿਨ੍ਹਾਂ ਨੇ 1962 ਦੀ ਜੰਗ ਵਿਚ ਰੇਜ਼ਾਂਗ ਲਾ ਦੀ ਮਸ਼ਹੂਰ ਲੜਾਈ ਵਿਚ ਹਿੱਸਾ ਲਿਆ ਸੀ। ਫਰਹਾਨ ਅਖਤਰ ਇਸ ਫਿਲਮ ਵਿਚ ਮੇਜਰ ਸ਼ੈਤਾਨ ਸਿੰਘ ਭਾਟੀ, ਪੀਵੀਸੀ, ਦੀ ਭੂਮਿਕਾ ਨਿਭਾਅ ਰਹੇ ਹਨ, ਜੋ ਆਪਣੇ ਸਾਥੀਆਂ ਨਾਲ ਮਿਲ ਕੇ ਭਾਰਤੀ ਫੌਜ ਦੇ ਇਤਿਹਾਸ ਦੀ ਸਭ ਤੋਂ ਮਹੱਤਵਪੂਰਨ ਲੜਾਈਆਂ ਵਿਚੋਂ ਇਕ ਵਿਚ ਸਾਰੀਆਂ ਮੁਸ਼ਕਲਾਂ ਵਿਰੁੱਧ ਡਟ ਕੇ ਖੜ੍ਹੇ ਰਹੇ। ਇਹ ਫਿਲਮ ਰਜਨੀਸ਼ 'ਰੇਜ਼ੀ' ਘਈ ਦੁਆਰਾ ਨਿਰਦੇਸ਼ਤ ਹੈ ਅਤੇ ਰਿਤੇਸ਼ ਸਿਧਵਾਨੀ, ਫਰਹਾਨ ਅਖਤਰ (ਐਕਸਲ ਐਂਟਰਟੇਨਮੈਂਟ) ਅਤੇ ਅਮਿਤ ਚੰਦਰ (ਟ੍ਰਿਗਰ ਹੈਪੀ ਸਟੂਡੀਓ) ਦੁਆਰਾ ਨਿਰਮਿਤ ਹੈ।