ਜਾਦੂ ਟੂਣੇ ਕਰ ਕੇ ਮਾਰ ਦਿੱਤੀ ਬੱਚੀ, ਫਿਰ ਜਾਨਵਰਾਂ ਨੂੰ ਖਵਾਈ ਲਾਸ਼, ਦਿਲ ਦਹਿਲਾ ਦੇਵੇਗਾ ਪੂਰਾ ਮਾਮਲਾ
Thursday, Jul 18, 2024 - 05:44 PM (IST)
![](https://static.jagbani.com/multimedia/2024_7image_17_44_1709825541.jpg)
ਨੈਸ਼ਨਲ ਡੈਸਕ : ਉੱਤਰ ਪ੍ਰਦੇਸ਼ ਦੇ ਮੇਰਠ 'ਚ ਤਿੰਨ ਸਾਲ ਦੀ ਬੱਚੀ ਦੇ ਕਤਲ ਦੀ ਪੋਸਟਮਾਰਟਮ ਰਿਪੋਰਟ ਸਾਹਮਣੇ ਆਈ ਹੈ। ਇਸ ਰਿਪੋਰਟ ਵਿੱਚ ਬੱਚੀ ਨਾਲ ਜਬਰ ਜਨਾਹ ਦੀ ਪੁਸ਼ਟੀ ਨਹੀਂ ਹੋਈ ਹੈ। ਹਾਲਾਂਕਿ ਲੜਕੀ ਦੇ ਕਤਲ ਦੇ ਮਾਮਲੇ 'ਚ ਵੱਡਾ ਖੁਲਾਸਾ ਹੋਇਆ ਹੈ। ਪਤਾ ਲੱਗਾ ਹੈ ਕਿ ਲੜਕੀ ਦੀ ਮੌਤ ਤੰਤਰ-ਮੰਤਰ ਕਾਰਨ ਹੋਈ ਹੈ। ਫਿਰ ਉਸਦੀ ਲਾਸ਼ ਨੂੰ ਪਸ਼ੂਆਂ ਨੂੰ ਖੁਆਇਆ ਗਿਆ। ਪਸ਼ੂਆਂ ਨੇ ਉਸ ਦੀ ਲਾਸ਼ ਦਾ ਥੋੜ੍ਹਾ ਜਿਹਾ ਖਾ ਲਿਆ ਤੇ ਬਾਕੀ ਉਥੇ ਹੀ ਪਿਆ ਰਿਹਾ।
ਇਹ ਮਾਮਲਾ ਮੇਰਠ ਦੇ ਪਿੰਡ ਦਾਤਵਾਲੀ ਦਾ ਹੈ। ਬੀਤੇ ਸੋਮਵਾਰ ਰਾਤ 3 ਵਜੇ ਆਪਣੇ ਮਾਮੇ ਦੇ ਵਿਆਹ ਦੀ ਬਾਰਾਤ 'ਚ ਆਈ ਤਿੰਨ ਸਾਲਾ ਬੱਚੀ ਨੂੰ ਅਗਵਾ ਕਰ ਲਿਆ ਗਿਆ। ਪਿਤਾ ਵਿਆਹ ਸਮਾਗਮ ਵਿੱਚ ਰੁੱਝੇ ਹੋਏ ਸਨ। ਜਦੋਂ ਕਾਫੀ ਦੇਰ ਤੱਕ ਬੇਟੀ ਨਜ਼ਰ ਨਹੀਂ ਆਈ ਤਾਂ ਉਸ ਨੇ ਬਾਰਾਤੀਆਂ ਅਤੇ ਘਰਵਾਲਿਆਂ ਨਾਲ ਲੜਕੀ ਦੀ ਭਾਲ ਸ਼ੁਰੂ ਕਰ ਦਿੱਤੀ। ਤਿੰਨ ਘੰਟੇ ਬਾਅਦ ਲੜਕੀ ਦੀ ਲਾਸ਼ ਡੇਢ ਕਿਲੋਮੀਟਰ ਦੂਰ ਜੰਗਲ ਵਿੱਚੋਂ ਮਿਲੀ। ਲੜਕੀ ਦੇ ਹੱਥਾਂ, ਅੱਡੀ, ਛਾਤੀ ਅਤੇ ਗੁਪਤ ਅੰਗਾਂ 'ਤੇ ਡੂੰਘੇ ਜ਼ਖ਼ਮ ਸਨ। ਸਿਰ ਦੀ ਚਮੜੀ ਵੀ ਗਾਇਬ ਸੀ। ਪੱਟ ਵੀ ਖੁਰਚਿਆ ਹੋਇਆ ਸੀ। ਲੜਕੀ ਦੇ ਕਤਲ ਤੋਂ ਬਾਅਦ ਪਰਿਵਾਰਕ ਮੈਂਬਰਾਂ ਨੇ ਤਿੰਨ ਲੋਕਾਂ 'ਤੇ ਕਤਲ ਦਾ ਸ਼ੱਕ ਜਤਾਇਆ ਸੀ।
ਪੁਲਸ ਨੇ ਇਸ ਮਾਮਲੇ ਵਿੱਚ ਸ਼ਿਵਪ੍ਰਕਾਸ਼, ਅਰੁਣ ਅਤੇ ਆਸਿਫ਼ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਇਹ ਦੋਵੇਂ ਸ਼ਿਵ ਪ੍ਰਕਾਸ਼ ਦੇ ਦੋਸਤ ਹਨ। ਸ਼ਿਵਪ੍ਰਕਾਸ਼ ਲੜਕੀ ਦੇ ਮਾਮੇ ਦਾ ਜੀਜਾ ਹੈ। ਫਿਲਹਾਲ ਪੁਲਸ ਤਿੰਨਾਂ ਤੋਂ ਪੁੱਛਗਿੱਛ ਕਰ ਰਹੀ ਹੈ। ਪੁਲਸ ਮੁਤਾਬਕ ਪੋਸਟਮਾਰਟਮ ਕਰਨ ਵਾਲੇ ਡਾਕਟਰਾਂ ਨੇ ਜ਼ਖਮਾਂ ਨੂੰ ਜਾਨਵਰਾਂ ਦੇ ਹਮਲੇ ਦੇ ਨਿਸ਼ਾਨ ਦੱਸਿਆ ਹੈ। ਜਿਸ ਤਰ੍ਹਾਂ ਲੜਕੀ ਦੇ ਸਿਰ ਦੀ ਚਮੜੀ ਗਾਇਬ ਸੀ, ਉਹ ਵੀ ਨੋਚੇ ਜਾਣ ਦੇ ਹਨ। ਪੁਲਸ ਨੇ ਕਿਹਾ ਕਿ ਦੋਸ਼ੀਆਂ ਨੂੰ ਬਖਸ਼ਿਆ ਨਹੀਂ ਜਾਵੇਗਾ।