ਦਿੱਲੀ ਹਵਾਈ ਅੱਡੇ 'ਤੇ ਬੇਹੋਸ਼ ਹੋਇਆ ਫਰਾਂਸੀਸੀ ਨਾਗਰਿਕ, CISF ਦੇ ਜਵਾਨ ਨੇ CPR ਦੇਕੇ ਬਚਾਈ ਜਾਨ
01/28/2024 10:49:24 PM
ਨਵੀਂ ਦਿੱਲੀ - ਦਿੱਲੀ ਦੇ ਇੰਦਰਾ ਗਾਂਧੀ ਅੰਤਰਰਾਸ਼ਟਰੀ ਹਵਾਈ ਅੱਡੇ (ਆਈਜੀਆਈ) 'ਤੇ ਬੇਹੋਸ਼ ਹੋਏ 63 ਸਾਲਾ ਫਰਾਂਸੀਸੀ ਨਾਗਰਿਕ ਨੂੰ ਕੇਂਦਰੀ ਉਦਯੋਗਿਕ ਸੁਰੱਖਿਆ ਬਲ (ਸੀਆਈਐਸਐਫ) ਦੇ ਕਰਮਚਾਰੀਆਂ ਨੇ ਕਾਰਡੀਓਪਲਮੋਨਰੀ ਰੀਸਸੀਟੇਸ਼ਨ (ਸੀਪੀਆਰ) ਪ੍ਰਕਿਰਿਆ ਰਾਹੀਂ ਬਚਾਇਆ ਗਿਆ। ਸੀਆਈਐਸਐਫ ਦੇ ਬੁਲਾਰੇ ਨੇ ਐਤਵਾਰ ਨੂੰ ਇਹ ਜਾਣਕਾਰੀ ਦਿੱਤੀ।
ਇਹ ਵੀ ਪੜ੍ਹੋ - ਛੇ ਦਿਨਾਂ 'ਚ 15 ਲੱਖ ਤੋਂ ਵੱਧ ਸ਼ਰਧਾਲੂਆਂ ਨੇ ਕੀਤੇ ਸ਼੍ਰੀ ਰਾਮਲੱਲਾ ਦੇ ਦਰਸ਼ਨ
ਬੁਲਾਰੇ ਅਨੁਸਾਰ ਇਹ ਘਟਨਾ 26 ਜਨਵਰੀ ਨੂੰ ਦੁਪਹਿਰ ਵੇਲੇ ਵਾਪਰੀ, ਜਦੋਂ ਫਰਾਂਸੀਸੀ ਯਾਤਰੀ ਬਰਟਰੈਂਡ ਪੈਟਰਿਕ ਸੁਰੱਖਿਆ ਜਾਂਚ ਲਈ ਕਤਾਰ ਵਿੱਚ ਖੜ੍ਹਾ ਸੀ। ਉਸ ਨੇ ਪੈਰਿਸ ਜਾਣ ਵਾਲੀ ਏਅਰ ਵਿਸਤਾਰਾ ਦੀ ਫਲਾਈਟ ਵਿੱਚ ਸਵਾਰ ਹੋਣਾ ਸੀ। ਬੁਲਾਰੇ ਨੇ ਦੱਸਿਆ ਕਿ ਯਾਤਰੀ ਸੁਰੱਖਿਆ ਘੇਰੇ 'ਚ ਬੇਹੋਸ਼ ਹੋ ਗਿਆ ਉਦੋਂ ਹੀ ਨੇੜੇ ਐਕਸਰੇ ਸਕੈਨਰ ਨਾਲ ਕੰਮ ਕਰ ਰਹੇ ਸੀ.ਆਈ.ਐੱਸ.ਐੱਫ. ਦੇ ਸਬ-ਇੰਸਪੈਕਟਰ ਪੁਨੀਤ ਕੁਮਾਰ ਤਿਵਾੜੀ ਨੇ ਉਸ ਕੋਲ ਪਹੁੰਚ ਕੇ 'ਸੀ.ਪੀ.ਆਰ.' ਦਿੱਤੀ, ਜਿਸ ਤੋਂ ਬਾਅਦ ਬਜ਼ੁਰਗ ਯਾਤਰੀ ਨੂੰ ਮੁੜ ਹੋਸ਼ ਆਇਆ। CPR ਇੱਕ ਐਮਰਜੈਂਸੀ ਜੀਵਨ-ਰੱਖਿਅਕ ਪ੍ਰਕਿਰਿਆ ਹੈ ਜਿਸਦੀ ਵਰਤੋਂ ਦਿਲ ਦੇ ਰੁਕ ਜਾਣ 'ਤੇ ਕੀਤੀ ਜਾਂਦੀ ਹੈ।
ਇਹ ਵੀ ਪੜ੍ਹੋ - ਭਿਆਨਕ ਭੂਚਾਲ ਨੂੰ ਵੀ ਸਹਿ ਸਕਦੈ ਅਯੁੱਧਿਆ ਦਾ ਰਾਮ ਮੰਦਰ: ਵਿਗਿਆਨੀ
ਬੁਲਾਰੇ ਅਨੁਸਾਰ ਆਈਜੀਆਈ ਵਿਖੇ ਤਾਇਨਾਤ ਡਾਕਟਰ ਨੂੰ ਬੁਲਾਇਆ ਗਿਆ, ਜਿਸ ਨੇ ਯਾਤਰੀ ਨੂੰ ਮੁੱਢਲੀ ਸਹਾਇਤਾ ਦਿੱਤੀ। ਉਸਨੇ ਕਿਹਾ ਕਿ ਫਰਾਂਸੀਸੀ ਨਾਗਰਿਕ ਜਲਦੀ ਹੀ ਹੋਸ਼ ਵਿੱਚ ਆ ਗਿਆ ਅਤੇ ਉਸਦੀ ਹਾਲਤ ਵਿੱਚ ਸੁਧਾਰ ਹੋਣ ਤੋਂ ਬਾਅਦ ਉਸਨੂੰ ਯਾਤਰਾ ਕਰਨ ਲਈ ਫਿੱਟ ਘੋਸ਼ਿਤ ਕੀਤਾ ਗਿਆ। ਅਧਿਕਾਰੀ ਨੇ ਦੱਸਿਆ ਕਿ ਸੀਆਈਐਸਐਫ ਦੇ ਜਵਾਨਾਂ ਦੀ ਚੌਕਸੀ ਅਤੇ ਤੁਰੰਤ ਕਾਰਵਾਈ ਕਾਰਨ ਇੱਕ ਵਿਅਕਤੀ ਦੀ ਜਾਨ ਬਚ ਗਈ।
ਇਹ ਵੀ ਪੜ੍ਹੋ - ਭੂਚਾਲ ਦੇ ਝਟਕਿਆਂ ਨਾਲ ਕੰਬਿਆ ਕੱਛ, 4.0 ਰਹੀ ਤੀਬਰਤਾ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
