ਹੁਣ ਤੱਕ 62 ਸਿਹਤ ਕਰਮਚਾਰੀ ਅਤੇ 44 ਪੁਲਸ ਕਰਮਚਾਰੀ ਕੋਰੋਨਾ ਦੀ ਚਪੇਟ ''ਚ

ਅਹਮਦਾਬਾਦ (ਭਾਸ਼ਾ) - ਗੁਜਰਾਤ 'ਚ ਕੋਰੋਨਾ ਵਾਇਰਸ ਮਹਾਮਾਰੀ ਖਿਲਾਫ ਲੜਾਈ 'ਚ ਤੈਨਾਤ ਹੁਣ ਤੱਕ 100 ਤੋਂ ਜ਼ਿਆਦਾ ਸਿਹਤ ਕਰਮਚਾਰੀ ਅਤੇ ਪੁਲਸ ਕਰਮਚਾਰੀ ਇਸ ਵਾਇਰਸ ਤੋਂ ਪੀੜਤ ਪਾਏ ਗਏ ਹਨ। ਅਧਿਕਾਰੀਆਂ ਨੇ ਮੰਗਲਵਾਰ ਨੂੰ ਇਹ ਸੂਚਨਾ ਦਿੱਤੀ। ਸਿਹਤ ਕਰਮਚਾਰੀ 'ਚ 12 ਇੱਥੇ ਦੇ ਸਰਕਾਰੀ ਐਲ.ਜੀ. ਹਸਪਤਾਲ ਦੇ ਹਨ। ਸਿਹਤ ਵਿਭਾਗ ਤੋਂ ਇਲਾਵਾ ਨਿਦੇਸ਼ਕ ਡਾ. ਪ੍ਰਕਾਸ਼ ਵਾਘੇਲਾ ਨੇ ਕਿਹਾ, ‘‘62 ਸਿਹਤ ਕਰਮਚਾਰੀਆਂ 'ਚ ਡਾਕਟਰ, ਨਰਸਾਂ, ਐਂਬੁਲੈਂਸ ਡਰਾਇਵਰ ਆਦਿ ਸ਼ਾਮਿਲ ਹਨ। ਗੁਜਰਾਤ ਦੇ ਪੁਲਸ ਜਨਰਲ ਡਾਇਰੈਕਟਰ ਸ਼ਿਵਾਨੰਦ ਝਾ ਨੇ ਦੱਸਿਆ ਕਿ 44 ਪੁਲਸ ਕਰਮਚਾਰੀ ਇਸ ਵਾਇਰਸ ਦੀ ਚਪੇਟ 'ਚ ਆਏ ਹਨ, ਜਿਨ੍ਹਾਂ 'ਚੋਂ ਇੱਕ ਇੰਸਪੈਕਟਰ ਸਮੇਤ 40 ਕਰਮਚਾਰੀ ਅਹਿਮਦਾਬਾਦ ਪੁਲਸ ਦਾ ਹਿੱਸਾ ਹਨ।