ਕਾਰ ''ਚ ਤੜਫ-ਤੜਫ ਕੇ ਹੋਈ 3 ਸਾਲਾ ਬੱਚੀ ਦੀ ਮੌ.ਤ

ਮੇਰਠ- 3 ਸਾਲ ਦੀ ਬੱਚੀ ਦੀ ਕਾਰ ਦੇ ਅੰਦਰ ਸਾਹ ਘੁੱਟਣ ਕਾਰਨ ਮੌਤ ਹੋ ਗਈ। ਇਕ ਛੋਟੀ ਜਿਹੀ ਅਣਗਹਿਲੀ ਬੱਚੀ ਦੀ ਜਾਨ 'ਤੇ ਭਾਰੀ ਪੈ ਗਈ। ਮਾਮਲਾ ਉੱਤਰ ਪ੍ਰਦੇਸ਼ ਦੇ ਮੇਰਠ ਦਾ ਹੈ। ਜਾਣਕਾਰੀ ਮੁਤਾਬਕ ਫ਼ੌਜ 'ਚ ਬਤੌਰ ਲਾਂਸ ਨਾਇਕ ਦੀ 3 ਸਾਲਾ ਬੱਚੀ ਨੂੰ ਗੁਆਂਢੀ ਆਪਣੀ ਕਾਰ 'ਚ ਸ਼ਰਾਬ ਦੇ ਠੇਕੇ 'ਤੇ ਲੈ ਗਿਆ ਸੀ ਅਤੇ ਬੱਚੀ ਨੂੰ ਕਾਰ 'ਚ ਹੀ ਬੰਦ ਕਰ ਕੇ ਪਾਰਟੀ ਕਰਨ ਲਈ ਚੱਲਾ ਗਿਆ ਸੀ।

ਬੰਦ ਕਾਰ ਵਿਚ ਰਹਿਣ ਕਾਰਨ ਬੱਚੀ ਦਾ ਸਾਹ ਘੁੱਟਣ ਕਾਰਨ ਮੌਤ ਹੋ ਗਈ। ਇਸ ਦਰਮਿਆਨ ਬਹੁਤ ਦੇਰ ਤੱਕ ਬੱਚੀ ਦੇ ਨਾ ਮਿਲਣ 'ਤੇ ਪਰਿਵਾਰ ਨੇ ਉਸ ਦੀ ਭਾਲ ਸ਼ੁਰੂ ਕੀਤੀ ਤਾਂ ਉਨ੍ਹਾਂ ਨੂੰ ਬੱਚੀ ਕਾਰ ਵਿਚ ਬੰਦ ਮਿਲੀ। ਇਸ ਤੋਂ ਬਾਅਦ ਕਾਰ ਦਾ ਸ਼ੀਸ਼ਾ ਤੋੜ ਕੇ ਬੱਚੀ ਨੂੰ ਬਾਹਰ ਕੱਢਿਆ ਗਿਆ ਪਰ ਉਦੋਂ ਤੱਕ ਬਹੁਤ ਦੇਰ ਹੋ ਚੁੱਕੀ ਸੀ। ਘਟਨਾ ਦੇ ਸਾਹਮਣੇ ਆਉਣ ਮਗਰੋਂ ਗੁਆਂਢੀ ਖਿਲਾਫ਼ ਪੁਲਸ ਸਟੇਸ਼ਨ ਵਿਚ ਮੁਕੱਦਮਾ ਦਰਜ ਕਰਵਾਇਆ ਗਿਆ। 

ਜਾਣਕਾਰੀ ਮੁਤਾਬਕਾ ਇਹ ਘਟਨਾ 31 ਅਕਤੂਬਰ ਦੀ ਹੈ ਪਰ ਮਾਮਲੇ ਵਿਚ ਹੁਣ ਮੁਕੱਦਮਾ ਦਰਜ ਕੀਤਾ ਗਿਆ ਹੈ। ਵਾਰਦਾਤ ਮਗਰੋਂ ਦੋਸ਼ੀ ਫਰਾਰ ਹੈ। ਦੱਸ ਦੇਈਏ ਕਿ ਬੀਤੇ ਦਿਨੀਂ ਗੁਜਰਾਤ ਵਿਚ ਵੀ ਅਜਿਹੀ ਖ਼ਬਰ ਸਾਹਮਣੇ ਆਈ ਸੀ ਕਿ ਮਾਪੇ ਆਪਣੇ ਬੱਚਿਆਂ ਨੂੰ ਘਰ ਛੱਡ ਕੇ ਖੇਤਾਂ ਵਿਚ ਕੰਮ ਕਰਨ ਲਈ ਚੱਲੇ ਗਏ ਸਨ ਮਗਰੋਂ ਖੇਡ-ਖੇਡ ਵਿਚ 4 ਬੱਚਿਆਂ ਨੇ ਖ਼ੁਦ ਨੂੰ ਕਾਰ ਵਿਚ ਬੰਦ ਕਰ ਲਿਆ ਸੀ। ਜਿਸ ਕਾਰਨ ਉਨ੍ਹਾਂ ਦੀ ਸਾਹ ਘੁੱਟਣ ਕਾਰਨ ਮੌਤ ਹੋ ਗਈ।