ਕੰਪਨੀ ਦੀਆਂ ਸ਼ਰਤਾਂ ਪੂਰੀਆਂ ਨਾ ਹੋਣ ਕਾਰਨ ਰੋਲ ਮਾਡਲ ਸਾਲਿਡ ਵੇਸਟ ਪਲਾਂਟ ਬੰਦ ਹੋਣ ਦੀ ਕਿਨਾਰੇ 'ਤੇ

ਬਠਿੰਡਾ- ਦੇਸ਼ ਭਰ 'ਚ ਕੂੜੇ ਦਾ ਸਹੀ ਨਿਪਟਾਰਾ ਸਭ ਤੋਂ ਵੱਡੀ ਚੁਣੌਤੀ ਹੈ। ਕੇਂਦਰ ਅਤੇ ਸੂਬਾ ਸਰਕਾਰਾਂ ਹਰ ਸਾਲ ਕਰੋੜਾਂ ਰੁਪਏ ਕੂੜਾ ਨਿਪਟਾਉਣ ਦੀ ਯੋਜਨਾ 'ਤੇ ਖ਼ਰਚ ਕਰਦੀਆਂ ਹਨ, ਤਾਂ ਜੋ ਵਾਤਾਵਰਣ ਪ੍ਰਦੂਸ਼ਿਤ ਨਾ ਹੋਵੇ। ਨਗਰ ਨਿਗਮ ਬਠਿੰਡਾ ਨੇ ਵੀ ਪੰਜਾਬ ਦਾ ਪਹਿਲਾ ਸਾਲਿਡ ਵੇਸਟ ਪਲਾਂਟ ਵੀ ਸਥਾਪਿਤ ਕੀਤਾ ਸੀ। ਨੈਸ਼ਨਲ ਗ੍ਰੀਨ ਟ੍ਰਿਬਿਊਨਲ (ਐੱਨ.ਜੀ.ਟੀ.) ਨੇ ਇਸ ਨੂੰ ਦੇਸ਼ ਲਈ ਰੋਲ ਮਾਡਲ ਮੰਨਿਆ ਸੀ ਅਤੇ ਹੋਰ ਸਰਕਾਰਾਂ ਨੂੰ ਅਜਿਹੇ ਪਲਾਂਟ ਲਗਾਉਣ ਦੇ ਆਦੇਸ਼ ਦਿੱਤੇ ਸਨ। ਕਈ ਰਾਜਾਂ ਦੇ ਅਧਿਕਾਰੀ ਵੀ ਪਲਾਂਟ ਨੂੰ ਦੇਖਣ ਲਈ ਬਠਿੰਡਾ ਪਹੁੰਚੇ ਸਨ, ਪਰ ਹੁਣ ਪਛਤਾਵਾ ਹੈ ਕਿ ਰੋਲ ਮਾਡਲ ਸਾਲਿਡ ਵੇਸਟ ਪਲਾਂਟ ਲੋਕਾਂ ਦੇ ਵਿਰੋਧ ਅਤੇ ਸਿਆਸਤ ਕਾਰਨ ਬੰਦ ਹੋਣ ਕਿਨਾਰੇ ਹੈ। ਐੱਨਜੀਟੀ ਨੇ ਪੰਜਾਬ ਸਰਕਾਰ ਅਤੇ ਨਿਗਮ ਨੂੰ ਪਲਾਂਟ ਚਲਾਉਣ ਲਈ ਕਈ ਹੁਕਮ ਦਿੱਤੇ ਹਨ। 

 ਇਹ ਵੀ ਪੜ੍ਹੋ-  ਭਿਆਨਕ ਹਾਦਸੇ ਨੇ ਉਜਾੜਿਆ ਪਰਿਵਾਰ, ਮਾਪਿਆਂ ਦੇ ਨੌਜਵਾਨ ਪੁੱਤ ਦੀ ਮੌਤ

ਸਰਕਾਰ ਇਸ ਨੂੰ ਬੰਦ ਕਰਨਾ ਚਾਹੁੰਦੀ ਹੈ। ਕੰਪਨੀ ਨੇ 2019 ਵਿੱਚ 750 ਕਰੋੜ ਦਾ ਦਾਅਵਾ ਕੀਤਾ JITF ਕੰਪਨੀ ਦੇ ਸਮਝੌਤੇ ਅਨੁਸਾਰ ਕੰਪਨੀ ਨੇ ਕਿਹਾ ਕਿ ਉਸ ਨੇ ਪਲਾਂਟ ਨੂੰ ਚਲਾਉਣ ਲਈ ਰੋਜ਼ਾਨਾ 350 ਟਨ ਕੂੜਾ ਨਾ ਦੇਣ ਸਮੇਤ ਹੋਰ ਸ਼ਰਤਾਂ ਪੂਰੀਆਂ ਨਹੀਂ ਕੀਤੀਆਂ। ਇਸ ਉਪਰੰਤ ਕੰਪਨੀ ਨੇ ਨਿਗਮ ਖ਼ਿਲਾਫ਼ 750 ਕਰੋੜ ਰੁਪਏ ਦਾ ਕਲੇਮ ਕੇਸ ਦਾਇਰ ਕਰ ਦਿੱਤਾ। ਨਿਗਮ ਨੇ ਕੰਪਨੀ 'ਤੇ 700 ਕਰੋੜ ਰੁਪਏ ਦਾ ਕਲੇਮ ਦਾਇਰ ਕਰ ਦਿੱਤਾ, ਜਿਸ ਦੀ ਸੁਣਵਾਈ ਚੱਲ ਰਹੀ ਹੈ।

ਇਹ ਵੀ ਪੜ੍ਹੋ-  ਨਸ਼ਾ ਵਿਰੋਧੀ ਕਮੇਟੀ ਵੱਲੋਂ ਨਸ਼ੇੜੀ ਕਾਬੂ, ਨਸ਼ੇ ਕਰਦਿਆਂ ਦੀ ਵੀਡੀਓ ਹੋਈ ਸੀ ਵਾਇਰਲ

ਪਲਾਂਟ ਦੀ ਸ਼ੁਰੂਆਤ ਸਾਲ 2015 'ਚ ਹੋਈਆ ਸ਼ੁਰੂ

ਬਠਿੰਡਾ 'ਚ ਸਾਲ 2015 'ਚ 30 ਕਰੋੜ ਰੁਪਏ ਦੀ ਲਾਗਤ ਇਹ ਪਲਾਂਟ ਸ਼ੁਰੂ ਹੋਇਆ। ਇਹ ਕੰਪਨੀ ਬਠਿੰਡਾ ਤੋਂ ਇਲਾਵਾ ਆਸ-ਪਾਸ ਦੇ 18 ਸ਼ਹਿਰਾਂ ਅਤੇ ਮੰਡੀਆਂ ਵਿੱਚੋਂ ਨਿਕਲਣ ਵਾਲਾ ਕਰੀਬ 350 ਟਨ ਕੂੜਾ ਚੁੱਕ ਕੇ ਕੰਪੋਸਟ ਅਤੇ ਆਰ.ਡੀ.ਐੱਫ. ਤਿਆਰ ਕਰਦੀ ਸੀ। ਪਲਾਂਟ 'ਚ ਤਿਆਰ ਕੀਤੀ ਖਾਦ ਨੂੰ ਐੱਨ.ਐੱਫ.ਐੱਲ. ਬਠਿੰਡਾ ਰਾਹੀਂ ਵੇਚਿਆ ਜਾ ਰਿਹਾ ਸੀ। ਪੰਜ ਏਕੜ ਵਿੱਚ ਸਥਾਪਿਤ ਪਲਾਂਟ ਕਰੀਬ ਇੱਕ ਸਾਲ ਚੱਲਿਆ ਫਿਰ ਪਲਾਂਟ ਦੇ ਕੂੜੇ ਦੀ ਬਦਬੂ ਤੋਂ ਪ੍ਰੇਸ਼ਾਨ ਲੋਕਾਂ ਨੇ ਇਸ ਨੂੰ ਬੰਦ ਕਰਨ ਜਾਂ ਕਿਸੇ ਹੋਰ ਥਾਂ ਸ਼ਿਫਟ ਕਰਨ ਦਾ ਵਿਰੋਧ ਕਰਨਾ ਸ਼ੁਰੂ ਕਰ ਦਿੱਤਾ।

ਨੋਟ- ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਬਾਕਸ 'ਚ ਦੱਸੋ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8