ਲੁਧਿਆਣਾ ਰੇਲਵੇ ਸਟੇਸ਼ਨ ਦੀ ਡਿਸਪਲੇ ਹੋਈ ਖ਼ਰਾਬ, ਯਾਤਰੀਆਂ ਨੂੰ ਕਰਨਾ ਪੈ ਰਿਹੈ ਭਾਰੀ ਪ੍ਰੇਸ਼ਾਨੀ ਦਾ ਸਾਹਮਣਾ

ਲੁਧਿਆਣਾ (ਗੌਤਮ)- ਲੁਧਿਆਣਾ ਰੇਲਵੇ ਸਟੇਸ਼ਨ ’ਤੇ ਬੁੱਧਵਾਰ ਨੂੰ 100 ਤੋਂ ਵੱਧ ਯਾਤਰੀ ਸ਼੍ਰੀ ਮਾਤਾ ਵੈਸ਼ਨੋ ਦੇਵੀ ਤੋਂ ਕਮਾਖਿਆ ਜਾਣ ਵਾਲੀ ਰੇਲਗੱਡੀ ’ਚ ਸਵਾਰ ਨਹੀਂ ਹੋ ਸਕੇ। ਕਈ ਯਾਤਰੀਆਂ ਦਾ ਸਾਮਾਨ ਅਤੇ ਕਈਆਂ ਦਾ ਪਰਿਵਾਰ ਛੁੱਟ ਗਿਆ। ਇਕ ਯਾਤਰੀ ਦਾ ਅੱਧਾ ਪਰਿਵਾਰ ਸਵਾਰ ਹੋ ਗਿਆ ਅਤੇ ਬਾਕੀ ਦੇ ਮੈਂਬਰ ਪਲੇਟਫਾਰਮ ’ਤੇ ਹੀ ਰਹਿ ਗਏ।

ਰੇਲ ਵਿਭਾਗ ਵੱਲੋਂ ਡਿਸਪਲੇ ਲੇਟ ਹੋਣ ਕਾਰਨ ਯਾਤਰੀਆਂ ’ਚ ਗੁੱਸਾ ਸੀ, ਜਿਸ ਕਾਰਨ ਕਾਰਨ ਉਹ ਆਪਣੇ ਕੋਚ ਤੱਕ ਨਹੀਂ ਪਹੁੰਚ ਸਕੇ, ਜਦੋਂਕਿ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੇ ਪਾਸਿਓਂ ਡਿਸਪਲੇ ਢੁੱਕਵੇਂ ਸਮੇਂ ’ਤੇ ਦਿਖਾਈ ਗਈ ਸੀ। ਯਾਤਰੀਆਂ ਨੇ ਦੋਸ਼ ਲਾਇਆ ਕਿ ਉਹ ਰੇਲਗੱਡੀ ਦੇ ਆਉਣ ਤੋਂ ਕਰੀਬ 4 ਘੰਟੇ ਪਹਿਲਾਂ ਪਹੁੰਚ ਗਏ ਸਨ ਅਤੇ ਵਾਰ-ਵਾਰ ਜਾਂਚ ਕੇਂਦਰ ਨੂੰ ਰੇਲਗੱਡੀ ਬਾਰੇ ਪੁੱਛ ਰਹੇ ਸਨ ਪਰ ਫਿਰ ਵੀ ਸੀ.ਐੱਲ.ਕੇ. ਵੱਲੋਂ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ।

ਇਹ ਵੀ ਪੜ੍ਹੋ- Aviation Ministry ਨੇ ਅਪਣਾਇਆ ਸਖ਼ਤ ਰੁਖ਼! ਇੰਡੀਗੋ, ਸਪਾਈਸਜੈੱਟ ਤੇ ਏਅਰ ਇੰਡੀਆ ਨੂੰ ਠੋਕਿਆ ਭਾਰੀ ਜੁਰਮਾਨਾ

ਇਕ ਯਾਤਰੀ ਇਸ ਗੱਲ ਤੋਂ ਗੁੱਸੇ ’ਚ ਸੀ ਕਿ ਉਸ ਨੇ ਕਰੀਬ ਸਾਢੇ 3 ਮਹੀਨਿਆਂ ਤੋਂ ਆਪਣੇ ਪਰਿਵਾਰ ਨਾਲ ਜਾਣ ਲਈ 4200 ਰੁਪਏ ਦੀਆ ਟਿਕਟਾਂ ਬੁੱਕ ਕਰਵਾਈਆਂ ਸਨ ਪਰ ਅਧਿਕਾਰੀਆਂ ਦੀ ਗ਼ਲਤੀ ਕਾਰਨ ਉਹ ਟਰੇਨ ’ਚ ਨਹੀਂ ਚੜ੍ਹ ਸਕਿਆ। ਉੱਥੇ ਹੀ ਇਕ ਯਾਤਰੀ ਨੇ ਦੱਸਿਆ ਕਿ ਉਹ ਆਪਣੇ ਕੋਚ ਨੂੰ ਲੱਭਦਾ ਰਿਹਾ, ਜਦੋਂ ਉਹ ਕੋਚ ’ਤੇ ਪਹੁੰਚਿਆ ਤਾਂ ਉਸ ਨੇ ਆਪਣਾ ਸਾਮਾਨ ਟਰੇਨ ’ਚ ਰੱਖ ਲਿਆ ਪਰ ਪਰਿਵਾਰ ਪਲੇਟਫਾਰਮ ’ਤੇ ਹੀ ਰਹਿ ਗਿਆ। ਇਕ ਹੋਰ ਯਾਤਰੀ ਨੇ ਦੱਸਿਆ ਕਿ ਉਸ ਦਾ ਅੱਧਾ ਪਰਿਵਾਰ ਟਰੇਨ ’ਚ ਸਵਾਰ ਹੋ ਗਿਆ, ਜਦਕਿ ਬਾਕੀ ਅੱਧਾ ਸਵਾਰ ਹੀ ਨਹੀਂ ਹੋ ਸਕਿਆ। ਇਕ ਹੋਰ ਯਾਤਰੀ ਨੇ ਦੱਸਿਆ ਕਿ ਬੱਚੇ ਪਲੇਟਫਾਰਮ ’ਤੇ ਹੀ ਰਹਿ ਗਏ ਸਨ, ਜਦਕਿ ਉਨ੍ਹਾਂ ਦੇ ਕੱਪੜਿਆਂ ਵਾਲਾ ਬੈਗ ਟਰੇਨ ’ਚ ਚਲਾ ਗਿਆ।

ਇਹ ਵੀ ਪੜ੍ਹੋ- INDvsAFG 3rd T20i : ਦੂਜੇ ਸੁਪਰ ਓਵਰ 'ਚ ਚਮਕਿਆ ਬਿਸ਼ਨੋਈ, ਡਬਲ ਸੁਪਰ ਓਵਰ 'ਚ ਜਿੱਤਿਆ ਭਾਰਤ

ਯਾਤਰੀਆਂ ਨੇ ਦੋਸ਼ ਲਾਇਆ ਕਿ ਟਰੇਨ ਰਵਾਨਾ ਹੋਣ ਤੋਂ ਬਾਅਦ ਵੀ ਕੋਈ ਅਧਿਕਾਰੀ ਉਨ੍ਹਾਂ ਦੀ ਗੱਲ ਸੁਣਨ ਨੂੰ ਤਿਆਰ ਨਹੀਂ ਹੈ। ਅਧਿਕਾਰੀ ਉਨ੍ਹਾਂ ਨੂੰ ਇਕ ਦਫ਼ਤਰ ਤੋਂ ਦੂਜੇ ਦਫ਼ਤਰ ਭੇਜਦੇ ਰਹੇ ਪਰ ਕਿਸੇ ਨੇ ਵੀ ਕੋਈ ਤਸੱਲੀਬਖਸ਼ ਜਵਾਬ ਨਹੀਂ ਦਿੱਤਾ। ਯਾਤਰੀਆਂ ਦਾ ਕਹਿਣਾ ਹੈ ਕਿ ਇਸ ਰੇਲਗੱਡੀ ਦੇ ਰਵਾਨਾ ਹੋਣ ਤੋਂ ਬਾਅਦ ਉਨ੍ਹਾਂ ਨੂੰ ਆਮ ਲੋਕਾਂ ਲਈ ਸ਼ਾਮ ਤੱਕ ਇੰਤਜ਼ਾਰ ਕਰਨਾ ਪਵੇਗਾ ਅਤੇ ਉਨ੍ਹਾਂ ਨੂੰ ਇਹ ਵੀ ਨਹੀਂ ਪਤਾ ਕਿ ਉਨ੍ਹਾਂ ਨੂੰ ਇਸ ’ਚ ਸੀਟ ਮਿਲੇਗੀ ਜਾਂ ਨਹੀਂ।

ਡਿਸਪਲੇ ਕਾਰਨ ਅਕਸਰ ਯਾਤਰੀ ਪ੍ਰੇਸ਼ਾਨ ਹੋ ਜਾਂਦੇ ਹਨ
ਵਰਨਣਯੋਗ ਹੈ ਕਿ ਹਰ ਰੋਜ਼ ਰੇਲਵੇ ਸਟੇਸ਼ਨ ’ਤੇ ਲੱਗੀ ਡਿਸਪਲੇ ਕਾਰਨ ਯਾਤਰੀਆਂ ਨੂੰ ਭਾਰੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਕਈ ਵਾਰ ਟਰੇਨਾਂ ਦੀਆਂ ਬਰਥਾਂ ਵੀ ਸਮੇਂ ਸਿਰ ਬਦਲ ਦਿੱਤੀਆਂ ਜਾਂਦੀਆਂ ਹਨ, ਜਿਸ ਕਾਰਨ ਭੱਜਦੌੜ ਮਚ ਗਈ। ਇਸ ਸਬੰਧੀ ਜੀ.ਆਰ.ਪੀ. ਅਤੇ ਆਰ.ਪੀ.ਐੱਫ. ਅਧਿਕਾਰੀਆਂ ਨੇ ਉੱਚ ਅਧਿਕਾਰੀਆਂ ਨੂੰ ਪੱਤਰ ਲਿਖ ਕੇ ਡਿਸਪਲੇ ਨੂੰ ਠੀਕ ਕਰਨ ਲਈ ਕਿਹਾ ਸੀ, ਤਾਂ ਜੋ ਸੁਰੱਖਿਆ ਕਾਰਨਾਂ ਕਰ ਕੇ ਕੋਈ ਫਰਕ ਨਾ ਪਵੇ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8