ਮੁਟਿਆਰਾਂ ਨੂੰ ਰਾਇਲ ਲੁੱਕ ਦੇ ਰਹੇ ‘ਲਾਂਗ ਕੁੜਤੀ’ ਸੂਟ

ਵੈੱਬ ਡੈਸਕ- ਇੰਡੀਅਨ ਡਰੈੱਸ ’ਚ ਸੂਟ ਹਮੇਸ਼ਾ ਤੋਂ ਮੁਟਿਆਰਾਂ ਅਤੇ ਔਰਤਾਂ ਦੀ ਪਹਿਲੀ ਪਸੰਦ ਰਹੇ ਹਨ। ਇਹੀ ਵਜ੍ਹਾ ਹੈ ਕਿ ਜ਼ਿਆਦਾਤਰ ਮੌਕਿਆਂ ’ਤੇ ਮੁਟਿਆਰਾਂ ਨੂੰ ਸੂਟ ’ਚ ਦੇਖਿਆ ਜਾ ਸਕਦਾ ਹੈ। ਸੂਟ ’ਚ ਵੀ ਮੁਟਿਆਰਾਂ ਕੋਲ ਕਈ ਆਪਸ਼ਨਜ਼ ਹੁੰਦੇ ਹਨ। ਜਿੱਥੇ ਕੁਝ ਨੂੰ ਸ਼ਾਰਟ ਕੁੜਤੀ ਸੂਟ ਪਸੰਦ ਆਉਂਦੇ ਹਨ, ਉੱਥੇ ਹੀ ਕੁਝ ਫ੍ਰਾਕ ਸੂਟ ਪਹਿਨਦੀਆਂ ਹਨ। ਕੁਝ ਮੀਡੀਅਮ ਲੈਂਥ ਕੁੜਤੀ ਚੁਣਦੀਆਂ ਹਨ ਤੇ ਕਈ ਅਜਿਹੀਆਂ ਹਨ ਜਿਨ੍ਹਾਂ ਦੀ ਪਹਿਲੀ ਪਸੰਦ ਲਾਂਗ ਕੁੜਤੀ ਸੂਟ ਹਨ। ਲਾਂਗ ਕੁੜਤੀ ਸੂਟ ਦੀ ਸਭ ਤੋਂ ਵੱਡੀ ਖ਼ਾਸੀਅਤ ਇਸਦੀ ਲੰਬਾਈ ਹੈ। ਹੋਰ ਸੂਟ ਸੈੱਟਾਂ ਦੀ ਕੁੜਤੀ ਦੇ ਮੁਕਾਬਲੇ ਇਹ ਕਾਫ਼ੀ ਲੰਬੀ ਹੁੰਦੀ ਹੈ। ਆਮ ਤੌਰ ’ਤੇ ਇਹ ਪੈਰਾਂ ਤੋਂ 3-4 ਇੰਚ ਉੱਪਰ ਤੱਕ ਰਹਿੰਦੀ ਹੈ। ਇਸ ਦੀ ਲਾਂਗ ਲੈਂਥ ਹੀ ਸੂਟ ਨੂੰ ਖ਼ਾਸ ਅਤੇ ਰਾਇਲ ਲੁੱਕ ਦਿੰਦੀ ਹੈ। ਇਸ ’ਚ ਲਾਂਗ ਕੁੜਤੀ ਦੇ ਨਾਲ ਪਲਾਜ਼ੋ, ਸਲਵਾਰ, ਸ਼ਰਾਰਾ ਅਤੇ ਪੈਂਟ ਸਟਾਈਲ ਬਾਟਮ ਦਾ ਕੰਬੀਨੇਸ਼ਨ ਦੇਖਣ ਨੂੰ ਮਿਲਦਾ ਹੈ।

ਲਾਂਗ ਕੁੜਤੀ ਸੂਟ ਮੁਟਿਆਰਾਂ ਨੂੰ ਬੇਹਦ ਗ੍ਰੇਸਫੁਲ ਅਤੇ ਰਾਇਲ ਲੁੱਕ ਦਿੰਦੇ ਹਨ। ਇਹ ਫੁੱਲ ਸਲੀਵ ਤੋਂ ਲੈ ਕੇ ਸਲੀਵਲੈੱਸ ਪੈਟਰਨ ’ਚ ਵੀ ਉਪਲਬਧ ਹਨ। ਕੁਝ ਡਿਜ਼ਾਈਨਾਂ ’ਚ ਸਟ੍ਰੈਪ ਡਿਜ਼ਾਈਨ ਤੇ ਕਿਸੇ ’ਚ ਪੈਨਲ ਜਾਂ ਕਲੀਆਂ ਦਾ ਵਰਕ ਦੇਖਿਆ ਜਾ ਸਕਦਾ ਹੈ। ਨੈੱਕਲਾਈਨ ਦੀ ਗੱਲ ਕਰੀਏ ਤਾਂ ਵੀ-ਨੈੱਕ ਤੋਂ ਲੈ ਕੇ ਰਾਊਂਡ ਨੈੱਕ, ਬੋਟ ਨੈੱਕ ਅਤੇ ਹਾਲਟਰ ਨੈੱਕ ਤੱਕ ਕਈ ਵੈਰਾਇਟੀਜ਼ ਮਿਲ ਜਾਂਦੀਆਂ ਹਨ। ਪ੍ਰਿੰਟਿਡ, ਪਲੇਨ, ਐਂਬ੍ਰਾਇਡਰੀ ਅਤੇ ਹੈਂਡਵਰਕ, ਹਰ ਪੈਟਰਨ ’ਚ ਇਹ ਸੂਟ ਬਾਜ਼ਾਰ ’ਚ ਮੌਜੂਦ ਹਨ। ਸਿਰਫ਼ ਆਮ ਮੁਟਿਆਰਾਂ ਹੀ ਨਹੀਂ, ਸਗੋਂ ਅਦਾਕਾਰਾਂ ਅਤੇ ਮਾਡਲਾਂ ਵੀ ਇਵੈਂਟਸ ਅਤੇ ਫੋਟੋਸ਼ੂਟ ’ਚ ਲਾਂਗ ਕੁੜਤੀ ਸੂਟ ’ਚ ਨਜ਼ਰ ਆਉਂਦੀਆਂ ਹਨ। ਇਹ ਲੁੱਕ ਕਾਫ਼ੀ ਯੂਨੀਕ ਅਤੇ ਅਟ੍ਰੈਕਟਿਵ ਲੱਗਦੀ ਹੈ। ਇਸ ਦਾ ਫੈਸ਼ਨ ਵੀ ਸਦਾਬਹਾਰ ਹੈ। ਜਿੱਥੇ ਸਕੂਲ-ਕਾਲਜ ਜਾਣ ਵਾਲੀਆਂ ਮੁਟਿਆਰਾਂ ਇਸ ਨੂੰ ਟ੍ਰਾਈ ਕਰ ਰਹੀਆਂ ਹਨ, ਉੱਥੇ ਹੀ ਆਫ਼ਿਸ ਜਾਣ ਵਾਲੀਆਂ ਔਰਤਾਂ ਦੀ ਵੀ ਇਹ ਫੇਵਰੇਟ ਚੁਆਇਸ ਬਣ ਚੁੱਕੇ ਹਨ।

ਨਿਊ ਬ੍ਰਾਈਡਲਜ਼ ਵਿਚ ਵੀ ਲਾਂਗ ਕੁੜਤੀ ਸੂਟ ਕਾਫ਼ੀ ਟ੍ਰੈਂਡ ’ਚ ਹਨ। ਬਾਜ਼ਾਰ ’ਚ ਇਨ੍ਹੀਂ ਦਿਨੀਂ ਹੈਵੀ ਵਰਕ ਵਾਲੇ ਲਾਂਗ ਕੁੜਤੀ ਸੂਟ ਵੀ ਖੂਬ ਮਿਲ ਰਹੇ ਹਨ। ਕਿਸੇ ਸੂਟ ’ਤੇ ਗੋਟਾ-ਪੱਟੀ ਦਾ ਕੰਮ ਹੁੰਦਾ ਹੈ ਤੇ ਕਿਸੇ ’ਤੇ ਲੈਸ, ਸੀਕਵੈਂਸ ਜਾਂ ਨੈੱਟ ਦਾ ਡਿਜ਼ਾਈਨ। ਰੇਡੀਮੇਡ ਦੇ ਨਾਲ-ਨਾਲ ਅਨਸਟਿਚਡ ਲਾਂਗ ਕੁੜਤੀ ਸੂਟ ਵੀ ਖੂਬ ਵਿਕ ਰਹੇ ਹਨ, ਜਿਨ੍ਹਾਂ ਨੂੰ ਮੁਟਿਆਰਾਂ ਆਪਣੀ ਪਸੰਦ ਨਾਲ ਸਿਲਵਾਉਣਾ ਪਸੰਦ ਕਰਦੀਆਂ ਹਨ। ਸਟਾਈਲਿੰਗ ਦੀ ਗੱਲ ਕਰੀਏ ਤਾਂ ਮੁਟਿਆਰਾਂ ਇਸ ਦੇ ਨਾਲ ਓਪਨ ਹੇਅਰ, ਬਨ, ਪੋਨੀਟੇਲ ਜਾਂ ਗੁੱਤ ਵਰਗੇ ਹੇਅਰਸਟਾਈਲ ਕੈਰੀ ਕਰ ਰਹੀਆਂ ਹਨ। ਫੁੱਟਵੀਅਰ ’ਚ ਕੋਲ੍ਹਾਪੁਰੀ ਚੱਪਲ ਤੋਂ ਲੈ ਕੇ ਹਾਈ ਹੀਲ ਸੈਂਡਲ ਅਤੇ ਜੁੱਤੀ ਨੂੰ ਤਰਜੀਹ ਦਿੱਤੀ ਜਾ ਰਹੀ ਹੈ। ਅਕਸੈਸਰੀਜ਼ ’ਚ ਸਟੇਟਮੈਂਟ ਝੁਮਕੇ, ਆਕਸੀਡਾਈਜ਼ਡ ਜਿਊਲਰੀ, ਸਲਿੰਗ ਬੈਗ, ਵਾਚ ਅਤੇ ਸਨਗਲਾਸਿਜ਼ ਨਾਲ ਲੁੱਕ ਨੂੰ ਕੰਪਲੀਟ ਕੀਤਾ ਜਾ ਰਿਹਾ ਹੈ। ਕੁੱਲ ਮਿਲਾ ਕੇ, ਲਾਂਗ ਕੁੜਤੀ ਸੂਟ ਹਰ ਉਮਰ ਦੀ ਔਰਤ ਨੂੰ ਐਲੀਗੈਂਟ ਅਤੇ ਰਾਇਲ ਫੀਲ ਦਿੰਦਾ ਹੈ, ਇਸ ਲਈ ਇਹ ਟ੍ਰੈਂਡ ਕਦੇ ਆਊਟ ਨਹੀਂ ਹੁੰਦਾ।